49
Ammon Parih Bawipa Thuòhennak
1 Ammon ram ih thuRef 49.1 Ezk 21:28-32; 25:1-7; Amo 1:13-15; Zef 2:8-11; ah Bawipa in hitiin a sim, “Israel mi pawl khuiahso an si? An ram a humtu zohman an um lo maw? Ziangahso Gad ram cu Molek khawzing a betu pawl an lakter ih an luahter?
2 Sikhalsehla Rabbah khuapi ih a ummi pawl in raldonak thawmvang an theihnak tikcu ka thlengter dingih an khuapi a siatral dingih an khuate pawl tla ciam ko in ur òheh an si ding. Cutikah an rak lon cia mi ram cu Israel mi pawl in an longkir ding.
3 Maw Heshbon mi pawl, òap in ai uh! Ai khua cu a cem zo a si! Maw Rabbah nunau pawl, òap in ai rero uh! Buri hnipuan hruk uhla mithi ngai in um uh! Tawivak in suk le so ah tlan uh! Nan khawzing Molek cu a puithiam pawl le a bawi pawl thawn ralkaih mi sal ah an cang ding.
4 Nannih rin tlak lo pawl, ziangahso tluang nan khawn ciamco? Nan cahnak a cem zo a si. Ziangahso nan cahnak ring tahrat in zohman in, in tawng ngam lo ding, tiah nan ti?
5 Nan kimvel in tuksumza ka suahter ding. Nan zate in nan tlanhlo òheh ding. Zokhal luat duh ah nan tlan dingih nan ralkap pawl a kokhawmtu zohman nan um lo ding.
6 “Sikhalsehla netalam ahcun Ammon ram cu neinung zet ah ka cantersal ding. Keimah Bawipa in ka sim zo a si,” tiah a ti.
Edom Ram Parih Bawipa Thuòhennak
7 Cungnungbik Bawipa in Edom thu ahRef 49.7 Isa 34:5-17; 63:1-6; Ezk 25:12-14; 35:1-15; Amo 1:11, 12; Oba 1-14; Mal 1;2-5; hitiin a sim: Edom mi pawl hi thudik an ruat thei nawn lo maw si? An thuronmi pawl in ziang tuah ding an sim thei lo maw si? An fimnak hmuahhmuah a cem òheh zo maw si?
8 Maw Dedan mi pawl, her uhla tlan uh! Relh uh! Esau tesinfa pawl ka siatsuah ding, ziangahtile anmah ka hremnak tikcu a ra thleng zo.
9 Mi in sabit rah an lawh tikah a hri parah malte tal an hlah; rukru pawl in zan ih mi an ram tikah an duhmi thil lawng an lak.
10 Sikhalsehla Esau tesinfa pawl cu an tak lawng in ka ret; an relhnak hmun khal ihsin ka phorhsuak ih an relh thei nawn lo. Edom mi hmuahhmuah an hloral òheh zo a si. Mi pakhat hman an tang nawn lo.
11 Nupa nei lo ngakòah pawl ka hnenah tanta uh, ka kilkhawi ding. Nan nuhmei pawl khalin in ring thei ding a si.
12 “Hremnak a tuar lo ding pawl hman ih hremnak khuat hai an in a si ahcun hrem lo ih luat dingah nan ruat aw maw si? Si hlah! Cuih khuat hai cu nan in tengteng pei!
13 Keimah rori in Bozrah khuapi cu mi hmuh ah tuksumza le ramòhing ah a cang ding. Khuate hmuahhmuah cu kumkhua in an siatral ta ding. Keimah Bawipa in ka sim zo,” a ti.
14 Kei in, “Maw Edom, Bawipa hnen ihsin thu ka ngah. Miphun pawl in an ralkap timtuah in nangmah do dingih tiar dingah palai an thlah zo.
15 Bawipa in a lo òawnòaiter dingih zohman in an lo upat lo ding.
16 Na hngalnak hi a lo bumtu a si. In òih hmang na ti vek hin zohman in an lo òih lo. Lungto khukhaam saangpi le tlang saangpi zim ah na um; muvanlai tluk ih hmunsang ih na um hmanah Bawipa in a lo dirthla ding. Bawipa in a sim zo a si,” ka ti.
17 Bawipa in, “Edom parih a thleng dingmi siatsuahnak cu a nasa tuk dingih a kiangih a fehtu hmuahhmuah an mangbang in an òih ding.
18 Sodom le Gomorrah parah le a kiangkap khua pawl parih a thleng mi thil òihnung cu Edom par khalah a thleng ding. Cuih hmunah minung zohman an umsal nawn lo ding. Keimah Bawipa in ka sim zo.Ref 49.18 Sem 19:24, 25;
19 Jordan Tiva kap tupi sung ihsin suak tahrat in òilva tlannak lenkolh ih a hung suakmi kiosa bangin keimah ka ra thleng dingih rinlopi in Edom mi pawl cu an ram ihsin ka tlanhloter ding. Cule hotu ka hrilmi in ram cu a uk ding. Keimah thawn òhim ding zoso a um? Keimah i zuam ngamtu zoso a um? I dodal ngamtu uktu zoso a um?
20 Curuangah Edom mi pawl siatsuahnak ding ka tummi le Teman khua sung mi pawl ziangtlukin tisiat ka tum tikha ngai hnik uh! An faate pawl hman caihhlo an si dingih mi hmuahhmuah an tuk a sum ding.
21 Edom a tluuk tikah cun a thawm a nasa tuk dingih leilung pumpi hman a hnin òheh ding. Òihphannak awn au thawm cu Agaba Tikel tiang a thang ding.
22 Khaupi in ar a nam bangin Bozrah cu ral in an nam ding. Cuih ni ah Edom ralkap pawl cu nau nei zik nunau bangin thinphang in an um ding,” tiah a ti.
Damaskas Parih Bawipa Thuòhennak
23 Bawipa in Damaskas thu ah hitiin a sim: “Thusia an theih ruangah Hamath le Arpad khuasung mi pawl cu donhar le thinphang in an um. Thinharnak in tipi bangin a khuh ih colhdamnak an ngah thei lo.
24 Damaskas mi pawl cu an òawnòai ih thinphang in an tlanhlo. Nau nei zik nunau bangin mangbang vansang le harsa in an um.
25 Khua nuam zet le khua hminthang zet cu òiosan òhehmi khua ah a cang.
26 Cuih ni ah an tlangval pawl cu khuasung lamzin ah thah an si dingih a ralkap pawl cu an siatral òheh ding.
27 Damaskas kulhnak ralhruang pawl cu meisa in ka ur dingih siangpahrang Benhadad ih inn pawl cu ciamko in ka ur òheh ding. Keimah Cungnungbik Bawipa in ka sim zo,” tiah a ti.Ref 49.23-27 Isa 17:1-3; Amo 1:3-5; Zek 9;1;
Kedar Hrin Le Hazor Khua Parih Thuòhennak
28 Babilon siangpahrang Nebuchadnezzar ih nehmi Kedar hrin le Hazor ih ukmi peng pawl thu ah Bawipa in hitiin a sim: “Kedar mi pawl khi do uhla nisuahnak lam hrin cu siatsuah uh!
29 An puanthlam le an tuurual pawl, an puanthlam puanzar pawl le an puanthlam sungih a ummi thilri hmuahhmuah long òheh uh. An kalauk pawl hruai uhla mipi hnenah, ‘Nan kiangkap khuazakip ah òihphannak a um,’ ti uh.
30 “Hazor mi pawl, keimah Bawipa in ralrinnak ka lo pe: Tlan uhla relh uh. Babilon siangpahrang Nebuchadnezzar in a lo phiar ih hitiin a òong:
31 ‘Ra uh, kan him a si tiah a ruattu pawl kan do ding. An khuapi cu kotka a nei lo; tawhkalh hrennak khal a nei lo ih zohman in an kilveng lo a si,’ a ti.
32 “An kalauk le an caw pawl la uh! An sam tawite ih a mettu pawl cu hmunkip ah ka òhekdarh dingih hmunkip ihsin an hnenah siatralnak ka thlenter ding.
33 Hazor cu kumkhua in hmunòhing ah ka tuah dingih cinghnia lawng umnak hmunah a cang ding. Cuih hmun ah minung zohman an umsal nawn lo ding. Keimah Bawipa in ka sim zo,” a ti.
Elam Ram Parih Bawipa Thuòhennak
34 Zedekiah cu Judah siangpahrang a can òheh ve tein Elam ram thu ah Cungnungbik Bawipa in ka hnenah a sim:
35 “Elam ram a caktertu conkiang saithiam pawl kha ka that òheh ding.
36 Hmunkip ihsin Elam parah thlipi ka hranter dingih hmunkip ah a minung pawl cu ka òhekdarh òheh ding. A minung raltlan pawl an thlen lonak ram pakhat hman a um lo ding.
37 Anmah thah a tumtu an ral pawl kha an òih dingih Elam mi thinlung ah òihnak ka umter ding. Ka thinheng in Elam mi pawl cu ka siatsuah dingih an ci ka mitter lai hlan lo anmah dotu ah ralkap ka thlah ding.
38 An siangpahrang pawl le an hotu pawl ka hloralter dingih an rak tonak hmunah ka siangpahrang tohkham ka ret ding.
39 Asinan netalam ahcun Elam mi pawl cu mineinung ka sitersal ding. Keimah Bawipa in ka sim zo,” tiah a ti.