40
Gedaliah Hnenah Jeremiah A Um
1 Babilon ralkap pawl hotu ralbawi Nebuzaradan in Ramah khua ah i luatter hnuah Bawipa ih òong cu ka hnenah a thleng. Judah mi le Jerusalem mi pawl cu salkaihmi an si ih Babilon ram lam ih an hruai lai ah kei khal kaihmi ka si ve ruangah thir cikcin thawn Ramah khua ka thlen venak a si.
2 Ralbawipa cun hmundangte ah i hruai ih, “ Bawipa na Pathian in hi ram parah siatsuahnak ka thlenter ding, tiah a rak timi cu,
3 atu ah a sim cia vekin a thleng ngaingai a si. Na minung pawl an sual ih Bawipa ih thu an ngai duh lo ruangah hibangtuk in a cang a si.
4 Tuih sun ihsin na kutngel ihsin thir cikcin hi ka phuak dingih ka lo thlah ding. Keimah thawn Babilon ih na feh duh a si ahcun na feh thei; òha tein ka lo kilkhawi ding. Na feh duh lo a si ahcun na thu a si. Hi ram pumpi sungah na duhduh na hril pei ih nangmah in a rem a òha na tinak poh ah na feh pei,” tiah i ti.
5 Cule zianghman òong lo ih ka um tikah Nebuzaradan cun, “Judah ram uktu ah Babilon siangpahrang in a tuahmi Shafan ih fasuan, Ahikam ih fapa Gedaliah hnenah vungkir aw. Amah thawn misenpi lakah vung um aw; asilole na feh duhnaknak ah feh awla um aw,” i ti. Cule laksawng i òhen ih lamcaw i ken hnuah i thlah.
6 Cutin Ahikam ih fapa Gedaliah hnenah ka feh ih Mizpah ah a hnenah ka um. Cuticun ram sungih a tangmi misenpi lakah ka um.
Judah Ram Uktu Gedaliah
(2 Siang 25:22-24)
7 Judah ralbawi hrekkhat le ralkap hrekkhat pawl cun remnak an tuah lo. Judah ram sungih tantami, ralkaihmi sungih a tel lomi mifarah bik pawl zohtu le hotu ah Babilon siangpahrang in Gedaliah a ret a si, ti an theih tikah,
8 Nathaniah ih fapa Ishmael, Kareah ih fapa Johanan, Tanhumeth ih fapa Seraiah, Netofah ihsin Efai fapa pawl le Maakah ihsin Jezaniah pawl cu Gedaliah hnenah Mizpah ah an feh.
9 Gedaliah in an hnenah, “Babilon ralbawi pawl hnenih remnak tuah cu nan hrangah zianghman phan ding a um lo, tiah fel tein ka lo sim. Hi ram sungah um in Babilon siangpahrang rian uhla nan hrangah ziang hmuahhmuah a tluang ko ding.Ref 40.9 2 Siang 25:22-24;
10 Keimah khal Mizpah ahhin ka um dingih Babilon mi an rat tikah nan palai ka si ding. Sabit le thingrah le olif hriak pawl khawm uhla òha tein re uh; cule nan lakmi khua pawl sungah dai tein um uh,” a ti.
11 Cule Babilon siangpahrang in Israel mi hrekkhat pawl cu Judah ram sungah a umter ih anmah hotu ah Gedaliah a tuah, tikha Moab ram, Ammon ram, Edom ram le ram dangdang ih a tlanmi Israel mi pawl in an thei.
12 Curuangah an tlannak ram ciar ihsin an tho ih Judah ram ah an kir. Gedaliah hnenah Mizpah ahcun an ra ih cutawkah sabit le thingrah tampi an khawm ciamco.
Gedaliah An That
(2 Siang 25:25-26)
13 Cuih hnuah Johanan le remnak a tuah duh lotu ralkap hotu pawl Gedaliah hnenah Mizpah ah an ra ih,
14 A hnenah, “Ammon siangpahrang Baalis in nangmah that dingah Ishmael a thlah, ti na thei lo maw?” tiah an ti. Asinan Gedaliah cun a zum lo.
15 Cutikah Johanan in Gedaliah cu a thup tein, “Ishmael cu keimah in ka that pei ih a thattu zo a si, ti zohman in an thei lo ding. Nangmah thah dingah ziangahso kan zoh men ding? A lo that ngaingai tla si bangsehla nangmah a ra lo pantu Judah mi pawl hi hmunkip ah òhekdarh an si lala dingih Judah ram ih a tangmi mipi hrangah cun thil poimawh ngaingai a si ding,” tiah a ti.
16 Sikhalsehla Gedaliah cun, “Zianghman ti hlah; Ishmael ih thuhla na simmi hi thudik a si lo,” tiah a ti.