37
Zedekiah In Jeremiah Hnenah Dilnak
1 Babilon siangpahrang Nebuchadnezzar in Jehoiakim ih fapa Jehoiakhin ai ah Josiah ih fapa Zedekiah cu Judah siangpahrang ah a tuah.Ref 37.1 2 Siang 24:17; 2 San 36:10;
2 Asinan Zedekiah in siseh, a kuthnuai bawi pawl le misenpi pawl in siseh, Bawipa in ka hnenih a simmi thu cu an ngai duh lo.
3 Kan miphun ai awh in Bawipa kan Pathian hnenih thlacam dingah siangpahrang Zedekiah in Shelemiah ih fapa Jehukal le Maaseiah ih fapa puithiam Zefaniah cu ka hnenah a rak thlah.
4 Culai ahcun thawng ah in thlak hrih lo ih luat zet in misenpi lakah ka tlang thei lai.
5 Babilon ralkap pawl in Jerusalem an kulh òheh zo; sikhalsehla annih in Izipt siangpahrang Faro ralkap pawl cu Izipt ramri an rak lan zo ti an theih tikah Jerusalem ihsin an siip thluhsal.
6 Cule Bawipa, Israel ih Pathian in,
7 Zedekiah sim dingah hitiin i sim, “Izipt ralkap pawl cu nangmah bawm dingah an ra lai rero. Asinan an ram ah an kirsal ding.
8 Babilon ralkap pawl cu an rasal dingih Jerusalem khuapi hi an do ding, an lak dingih ciam ko in an ur ding.
9 Babilon mi pawl an ra nawn lo ding tiin ruat tahrat in nangmah le nangmah bum aw rero hlah; Keimah Bawipa in ralrinnak ka lo pe: An ra tengteng ding.
10 Babilon ralkap an zate in na neh òheh ih hmapu pawl lawnglawng an tang ih an buuk sungih hlum òhehmi an si hmanah cupawl cu an thosal dingih hi khuapi cu meisa thawn ciam ko in an ur thotho ding,” tiah a ti.
Jeremiah Thawng Ah An Thlak
11 Izipt ralkap pawl an ra ti an theih tikah Babilon ralkap pawl cu Jerusalem ihsin an siip.
12 Curuangah kei khal sungkhat thilri co ding ka neih ve ruangah Benjamin ram ih feh dingah Jerusalem ihsin ka pok.
13 Asinan Benjamin Kotka ka thlen tikah cutawkih kotka kiltu ralkap pawl hotu ralbawi, a hmin Irijah an timi, Shelemiah ih fapa, Hananiah ih fasuan cun i rak kham ih, “Babilon mi hnenah na tlan tum a si lo maw?” tiah i sut.
14 “Si hlah, tlan ka tum lo,” tiah ka sawn. Asinan Irijah cun ka simmi cu a ngai lo. I kai ih bawi pawl hnenah i hruai.
15 In hmuh tikah an thin a heng ih in vuak ih sungòuan Jonathan inn ah, thawnginn ih an tuahmi inn sungah cun in ret ih tawh an hren.
16 Leilung hnuai khaan sungah in ret ih cutawkah reipi ka um.
17 Cuih hnuah siangpahrang Zedekiah in i ko ih a inn sungah cun a thup tein, “ Bawipa hnen ihsin ziang thu a ra maw?” tiah i sut.
“A ra a si. Babilon siangpahrang kut ah pek na si ding,” tiah ka ti.
18 Cule thusuh ding ka neih ruangah a hnen ahcun, “Ziang sualnak so nangmah le na kuthnuai bawi pawl parah siseh, misenpi parah siseh, ka neih ih thawng ah i thlak?
19 Babilon siangpahrang in nangmah le hi ram cu a lo do lo ding, tiah a lo simtu na profet pawl teh khuiahso an si òheh?
20 Atu ah siangpahrang bawipa, na hnenah ka lo dilmi i tuah sak dingah zangfah ka lo dil, i theih sak hram aw. Jonathan inn, thawnginn sungah cun i kuatsal hram hlah aw. I kuatsal a si ahcun cunah ka thi tengteng ding,” tiah ka ti.
21 Curuangah siangpahrang Zedekiah in siangpahrang inn kiltu pawl umnak khaan sungah i khum. Cutawkah ka um ih khuapi sungih sang a cem hlan lo, sangtuahtu lamzin timi ihsin, nitin tein sang zawlkhat ka ngah ringring.