36
Baruk In Biakinn Sungah Cazual A Siar
1 Josiah ih fapa Jehoiakim Judah siangpahrang a cannak kum linak ah Bawipa in ka hnenah,Ref 36.1 2 Siang 24:1; 2 San 36:5-7; Dan 1:1, 2;
2 “Cazual la awla Israel le Judah le miphun hmuahhmuah pawl thuhla ka simmi hi a zate in ngan thluh aw. Josiah siangpahrang a òuan lai ah na hnenih hmaisabik ka òongmi ihsin tuih sun tiang ka lo simmi hmuahhmuah ngan thluh aw.
3 Judah mi pawl parih siatsuahnak thlenter ka tummi hi an theih ih an nuncan òhin thei pang hai sehla! Cuticun an sualnak le an òhat lonak pawl ka ngaidam ding nain!” tiah i ti.
4 Curuangah Neriah ih fapa Baruk ka ko ih Bawipa in ka hnenih a òongmi hmuahhmuah cu ngan dingah ka auh. Baruk in cazual sungah a khum òheh.
5 Cule kei in Baruk hnen ahcun, “Kei cu Biakinn sungih feh theinak thu ka ngah nawn lo.
6 Curuangah nangmah feh dingah ka lo duh: Hmailam rawl an ulhsal tik caan ah feh aw. Hi cazual ihsin ring zet in siar awla cuticun Bawipa in ka hnenih a òong ih ka lo auh-mi hmuahhmuah hi mipi in an thei òheh ding. Mi hmuahhmuah le an khua ciar in a rami Judah mi pawl tla ih an theih òheh theinak hmun ihsin siar aw.
7 Bawipa ih hnenah thla an cam ih an nuncan òha lomi an tlansannak tla ah a cang thei men ding. Ziangahtile hi minung pawl parah Bawipa in òihnungza a thinhennak le a ai thawhnak thlenter a tum a si,” tiah ka ti.
8 Neriah ih fapa Baruk cun ka sim vek cekci in Biakinn sungah Bawipa ih òongkam cu a va siar.
9 Jehoiakim Judah siangpahrang a sinak kum nganak thla kua thla ah Bawipa ih mithmai òha co duh ah mi pawl cu rawl an ulsal! Jerusalem khuasung ah a ummi le Judah ramsung khuapi ihsin a rami hmuahhmuah in rawl an ul.
10 Cule mi hmuahhmuah in thu an ngai laifangah ka simmi cu cazual sung vekin a zate in Baruk in a siar òheh. Cutiin Biakinn sungah a siar ih cuih khaan ih sungòuan Shafan ih fapa Gemariah ih khaan in a siar. A khaan cu tlunta khaan Biakinn ih Kotka Thar timi kiangah a si.
Bawi Pawl Hnenah Baruk In A Siar
11 Baruk in Bawipa ih òong cazual ihsin a siarmi cu Shafan fasuan Gemariah ih fapa Mikaiah in a thei.
12 Cule Mikaiah cu siangpahrang inn, sungòuan ih khaan ah bawi pawl an tongkhawm laifangah a feh. Sungòuan Elishama, Shemaiah ih fapa Delaiah, Akbor ih fapa Elnathan, Shafan ih fapa Gemariah, Hananiah ih fapa Zedekiah le bawi dangdang tla an rak um.
13 Baruk in mipi hnenih a siarmi thu kha Mikaiah in a theih vekin an hnenah a sim.
14 Cutikah bawi pawl in Jehudi an thlah. Jehudi cu Nethaniah ih fapa a si; Nethaniah cu Shelemiah ih fapa a si; Shelemiah cu Kushi ih fapa a si. An thlah ih mipi hnenih a siarmi cazual rak keng dingah Baruk va sim dingin an fial. Baruk in cazual cu a rak keng.
15 Bawi pawl cun, “To awla cazual cu siar aw,” an ti. An ti vekin Baruk cun a siar.
16 A siar òheh tikah pakhat le pakhat thinphang in an zoh aw ih, “Siangpahrang kan sim a òul ding,” tiah Baruk cu an ti.
17 Cule Baruk cu, “In sim hnik! Ziangtinso hi hmuahhmuah hi na ngan thei? Jeremiah in a lo auh maw si?” tiah an sut.
18 Baruk in, “Jeremiah in òong fangkhat hman hrelh lo in i auh ih hi cazual parah cati thawn ka ngan a si,” tiah a ti.
19 Cutikah annih in, “Nang le Jeremiah cu nan relh a òul ding. Nan relhnak cu zohman sim hlah uh,” an ti.
Siangpahrang In Cazual A Ur
20 Bawi pawl in cazual cu sungòuan Elishama khaan ah an retta ih siangpahrang khaan ah an feh ih siangpahrang hnenah cuih thu cu a zate in an va sim òheh.
21 Cule siangpahrang in cazual la dingah Jehudi a thlah. Jehudi cun Elishama khaan ihsin a va lak ih siangpahrang le a kiangih a dingtu pawl hnen ahcun cazual cu a siar.
22 Thla kua thla, thlatang lai a si ih siangpahrang bawipa cu a thlatang inn ah meisabeel ih an muahmi meisa ai in a to.
23 Jehudi cun a hun siar ih cahmai hmai thum hmai li a hun siar tikah siangpahrang cun namte in a at thlek ih meisa sungah, meisabeel sungah cun a paih. Cazual zate ih a cem hlan lo meisa sungah a paih vivo.
24 Asinan siangpahrang siseh, a kuthnuai bawi pawl siseh, cazual sung thuhla cu an thei òheh nain òihnak an thiam lo, riahsiatnak khal an thei lo.
25 Elnathan, Delaiah le Gemariah in cazual ur lo dingah siangpahrang cu an leem rero nain zianghman ah a siar lo.
26 Cule siangpahrang in keimah le ka cazi Baruk kai dingah thu a pek. A fialmi cu siangpahrang fapa Jerahmeel, Azriel ih fapa Seraiah le Abdeel ih fapa Shelemiah an si. Asinan Bawipa in, in thup.
Jeremiah In Ca Dang A Ngan
27 Siangpahrang Jehoiakim in Baruk ka auh-mi cazual cu a ur òheh hnuah Bawipa in,
28 cazual dang lakih hmaisa cazual sungih a ummi hmuahhmuah ngansal dingah i fial.
29 Bawipa in siangpahrang hnenah hitiih va sim dingin i fial: “Cazual na ur zo; cule Jeremiah cu hi ram ah Babilon siangpahrang a ra dingih hi ram le hi ramsung minung pawl le òilva pawl a siatsuah òheh ding tiah zianghrangah na ngan? tiah na sut zo.
30 Curuangah keimah Bawipa in atu ah nang siangpahrang Jehoiakim ka lo sim: David ukmi ram hi na tesinfa zohman in an uk dah lo ding. Na ruak cu khualeng ah hlon a si dingih sun ah nisa in a em dingih zan ah dai in a tlak ding.
31 Nan zate ih nan tuahmi sualnak ruangah hin nangmah le na tesinfa pawl le na kuthnuai bawi pawl ka lo hrem ding. Nangmah in siseh, Jerusalem mi le Judah mi pawl in siseh, ralrinnak ka lo pekmi zianghman ih nan siar lo ruangah ka thlenter ding, tiih ka sim cia mi siatralnak cu nan zate parah ka thlengter ding a si,” tiah a ti.
32 Cule cazual dang pakhat ka lak ih ka cazi Baruk hnenah ka pek ih ka auh-mi hmuahhmuah a ngan òheh. A hmaisa cazual sungih a ummi hmuahhmuah le a bang aw mi thu dang ka auh-mi pawl cu a ngan òheh a si.