3
Hlawhhlang Israel
1 Bawipa in, “Mi pakhat cu a nupi a mak ih cunu in mipa dang a pasal hnuah cunu cu a nupi ah a laksal pei maw? A laksal asile an ram a borhhlawhter a si. Sikhalsehla Israel, nang cun ngaitu tampi na neih hnuah ka hnenih ra kirsal na duh.
2 Tlangzim kip khi zoh hnik! Hlawhhlang na òuan lonak hmun pakhat tal a um maw?. Nelrawn ramòhing ah Arab mi in a ral a bawh vekin lamzin tluan kipah na ngaimi na hngak a si. Hlawhhlang na sinak in hi ram cu na borhhlawhter òheh zo.
3 Curuangah a si ruah a sur thei lo ih thlatang ruah tiangin a sur lonak hi! Na hmuihmel tiangin hlawhhlang na bang zo ih ningzah tikhal na nei nawn lo.
4 “Atu ah ka hnenah ‘Nang cu ka pa na si ih ka nauhak lai ihsin i rak duhtu na si.
5 Ka parah kumkhua in na thin a heng lo pei ih na ai a thok ringring lo pei cu,’ i ti. Maw Israel, na hmurka cun cutin na òong, asinain thilsual cu na tuah theizat in na tuah fawn,” tiah a ti.
Israel Le Judah Sualsirnak A Òul
6 Josiah siangpahrang a si lai ah Bawipa in ka hnenah, “Hlawhhlang nunau vek a simi Israel ih thiltuahmi hi na hmu maw? Ka hnen ihsin a tlan ih tlang sang kip le thingniim hnuai tinah hlawhhlang in a um.Ref 3.6 2 Siang 22:123:30; 2 San 34:1-35:27;
7 Hibangtuk thil a tuah hnu ahcun ka hnenah a ra kirsal tengteng ding tiah ka ruat. Asinan a kir cuang lo. Cule zum tlak lo a simi a unau nu Judah in a hmu òheh fawn.
8 Ka hnenih a rakir lo ruangah le hlawhhlang ih a um ruangah Israel cu ka maak ih ka dawi hlo khal cu Judah in a hmu òheh ko. Sikhalsehla zum tlak lo a si vemi Israel ih unau nu Judah cun òihnak zianghman nei cuang lo in anih khal hlawhhlang a cang ve ih,
9 zianghman ningzahnak a nei lo. Hi ram cu a balhter òheh ih lungto le thingkung biak tahrat in mah ih pasal òaang sung ihsin mipa dang ngaitu ah a cang.
10 Hi hmuah hnuah Israel ih unau hlawhhlang nu Judah cu ka hnenah a kirsal vekin a tuah aw. Asinan a thinlung tak tein a kir lo. Keimah Bawipa in ka sim zo,” tiah a ti.
11 Cule Bawipa in ka hnenah, “Israel cun i dungtun zo nain zum tlak lo nu Judah hnak cun a òha deuh lai hrih a si.
12 Curuangah Israel hnenah va feh awla, ‘Maw zum tlak lo Israel, ka hnenah ra kirsal aw. Zangfahnak neitu ka si ih ka thin a heng lo ding. Kumkhua cun na parah ka thin a heng lo ding.
13 Bawipa na Pathian parah na sual zo ih amah na dodalnak cu fel tein phuang aw. Ka thukham pawl na thlun lo ih thingniim kipih hnuai ah ramdang khawzing pawl ngai in na um hi phuang òheh aw. Bawipa Keimah in ka sim zo a si,’ va ti aw.
14 “Maw zum tlak lo minung pawl, ra kirsal uh; Keimah ih ta nan si. Khua pakhat in mi pakhat ciar le hnamkhat in mi pahnih fingfing ka lo lak dingih Zion tlang ah ka lo kirpi hai ding.
15 Ka thu a thluntu hotu pawl ka lo pe dingih fimnak le theihthiamnak thawn an lo uk ding.
16 Cule cuih ram ah nan karhzai dingih cutikah cun mi in ka Thukam Kuang thu an rel nawn lo ding. Cuih Kuang thu cu an ruat nawn lo dingih a ciin khal an ciing nawn lo ding; a òul khal an òul nawn lo ding. Cuvek Kuang khal an tuah nawn lo ding.
17 Cuih tikcu a thlen tikah Jerusalem khua cu ‘ Bawipa ih Bawi tohkham,’ an ti dingih miphun hmuahhmuah cutawkah keimah bia dingah an khawm aw ding. An thinlung ruh le thinlung siava ih a fialmi ruahnak pawl thawn thil an tuah nawn lo ding.
18 Israel in Judah a kom dingih sal ih an taannak hmun saklam ram ihsin hmunkhat ah, nan pu le nan pa pawl hnenah kumkhua hrangin ka pekmi ram ah, an kir ding a si,” tiah a ti.
Pathian Minung Pawl Milem Biaknak
19 Bawipa in, “Maw Israel,
Ka fapa si dingah ka lo duh;
Ramòha le leilungtlun ih ram mawi bik
na hnenih pek dingah ka duh a si.
‘Ka pa,’ tiih i kawh dingah le,
Ka hnen ihsin tlan nawn lo dingah
ka lo duh a si.
20 Asinan rin tlak lo nupi bangin,
ka hrangah rin tlak lo na si òheu.
Bawipa Keimah in ka sim zo a si,”
tiah a ti.
21 Tlangpar phul lak ihsin
thawmvang a thang,
Israel mi pawl sualral in an nung;
Bawipa an Pathian
an hngilh òheh zo ruang ih
an òah aihramnak le
an ngennak aw thawng a si.
22 Bawipa a dungtuntu mi pawl tla,
ra kirsal uh;
A lo damter dingih rin tlak ah
Nannih in, “A si, Bawipa ih hnenah kan rakir, ziangahtile amah cu kan Pathian a si.
23 Tlang parih khawvang biaknak in kan hrangah òhathnemnak zianghman in pe lo. Israel rundamnak cu Bawipa kan Pathian hnen lawngin a ra a si.
24 Sikhalsehla ningzakza a simi Baal khawzing biaknak in khuahlan lai ih kan pupa pawl ih hna an rak òuan mi man, an tuurual le an cawrual, an fanu le an fapa pawl tiangin a ei òheh a si.
25 Ningzak in kan it pei ih kan mualphonak cun in khuh seh. Kanmah siseh, kan pupa pawl siseh, Bawipa kan Pathian parah kan no lai ihsin tuih sun tiang a sual ringringtu kan si. Ziangtik khalah a mai thu ngai lotu kan si,” nan ti.