28
Jeremiah Le Profet Hananiah
1 Cuih kum, Zedekiah ih siangpahrang a òuannak kum linak, thla nga thla ah Gibeon khua mi Azzur ih fapa profet Hananiah in Biakinnpi sungah thu i sim. Puithiam pawl le misenpi theihhngan ah,Ref 28.1 2 Siang 24:18-20; 2 San 36:11-13;
2 Cungnungbik Bawipa, Israel Pathian ih òong cu hitiin i sim: “Babilon siangpahrang ih cahnak huham cu ka khiak òheh zo.
3 Kum hnih sungah siangpahrang Nebuchadnezzar in Babilon ih a thiarhlo òhehmi Biakinn thilri bungbeel pawl cu ka kirpi òheh ding.
4 Babilon ah sal ih kaihmi Judah siangpahrang, Jehoiakim ih fapa Jehoiakhin cu Judah mi pawl thawn hmunkhat ah ka hruaikir ding. A si, Babilon siangpahrang ih cahnak cu ka khiak òheh ding a si. Keimah Bawipa in ka sim zo,” tiah a ti.
5 Cutikah puithiam pawl le Biakinn sungih a dingmi misenpi theihhngan ahcun Hananiah hnenah,
6 “A si ngai; Bawipa in cuticun tuah hram seh! Sal ih kaihmi mi hmuahhmuah pawl le an thiarhlo mi Biakinn thilri pawl cu na sim vekin va kim ngaingai sehla hi ram ah kirpi òheh si hai sehla ka va duh so!
7 Sikhalsehla na hnenah le misenpi hnenih ka òongmi hi ngai hnik.
8 Hmaisa profet pawl, nang le kei hlanih thu a rak simtu profet pawl cun miphun tampi parah le a mak zetmi siangpahrang uknak parah raldonak, paamnak le natnak a thleng ding a si, tiah an rak sim.
9 Asinan daihnak le remnak a um ding, tiih a simtu profet cu a thusimmi a kim ngaingai lawngah Bawipa ih thlahmi profet a si, tiah an ti ding,” tiah ka ti.
10 Cule Hananiah in ka hngawng ih bah-mi cawkawn cu a lak ih a khiak òheh hnuah,
11 mipi theihhngan ahcun, “Siangpahrang Nebuchadnezzar in miphun tampi hngawng parih a bah-mi cu hibangtuk in ka khiak ding a si, tiah Bawipa in a ti. Kum hnih sungah a tuahsuak ding a si,” a ti. Cule ka fehsanta!
12 Cuih hnuah Bawipa in ka hnenah,
13 Hananiah hnenah feh ih hitiih va sim dingah i fial: “ Bawipa in thing ih tuahmi cawkawn cu na khiak thei ngai men ding; asinain cu ai ah thirkawn ka tuah ding.
14 Cungnungbik Bawipa, Israel ih Pathian cun hi miphun pawl parah thirkawn ka thlaih dingih Babilon siangpahrang Nebuchadnezzar an rian ding. Keimah Bawipa in hramlak ramsa tiang in Nebuchadnezzar riantu ah ka tuah ding, a ti,” tiah ka sim.
15 Cuticun Hananiah ka sim ih hitiin ka bet fawn, “Ngai hnik, Hananiah! Nang cu Bawipa ih thlahmi na si lo. Himi pawl in thuphan zum dingah na forh rero hai a si!
16 Bawipa in nangmah hi tisiat dingin Bawipa amah rori in a sim zo. Bawipa dodal dingah misenpi hnenih na òong ruangah tuih kum a cem hlanah na thi ding,” tiah ka ti.
17 Hananiah cu cuih kum thla sarih thla ah a thi ngaingai.