26
Jeremiah Thah An Tum
1 Josiah fapa Jehoiakim Judah siangpahrang a can hnu reilote ah,Ref 26.1 2 Siang 23:36-24:6; 2 San 36:5-7;
2 Bawipa ih òong cu ka hnenah a ra thleng ih, “Biakinn sungah ding awla, Judah ram khuapi pawl ihsin cutawkah Pathian biak dingih a rami hnenah phuang dingih ka lo timi hmuahhmuah cu phuang aw. Hrelh mi um lo in sim òheh aw.
3 Na simmi an ngai ih an nuncan òha lomi an òhin tla a si thei men. An òhin ngaingai a si ahcun an thilsual tuahmi ruangah an parih siatsuahnak thlenter ding ka tummi cu tum lo in ka umsal ding,” a ti.
4 Cule misenpi hnenih sim dingah Bawipa ih òong cu ka hnenah a ra ih, “Keimah Bawipa in ka lo sim zo: Ka thu in ngai a si ahcun ka lo zirhmi pawl thlun uh;
5 nan hnenih ka thlah ringring òheumi profet pawl ih òong kha ngai uh. An thu hi nan ngai dah lo a si.
6 An thu nan ngai duh lo thotho asile Shiloh parih ka tuah vekin hi Biakinnpi parah ka tuah dingih leilungtlun miphun hmuahhmuah in hi khuapi hmun cu siatserhnak ah an hmang ding,” tiah a ti.Ref 26.6 Jos 18:1; Saam 78:60; Jer 7:12-14;
7 Biakinnpi sungih cuti ka simmi cu puithiam pawl, profet pawl le a ra mi hmuahhmuah in an thei.
8 Bawipa in sim dingih thu i pekmi hmuahhmuah ka sim òheh ve tein annih in, in kai ih a thah in tum, “Hi vekih na sim ruangah thah tlak na si.
9 Hi Biakinnpi hi Shiloh vekah a cang ding, hi khuapi hi siatsuah òheh a si ding, a sungah zohman an um lo ding, tiah ziangahso na ti?” tiah in ti.
10 Cuih thu cu Judah hotu pawl in an theih tikah siangpahrang inn ihsin Biakinn ah an ra tlan ih Kotka Thar ah an ra to.
11 Puithiam le profet pawl in hotu pawl le misenpi hnen ahcun, “Hi pa cu thah tlak a si. Ziangahtile kan khuapi a simsiat a si. Nan hna in nan theihmi a si ko,” tiah an ti.
12 Cule kei in, “Hi Biakinnpi le hi khuapi ka relsiatnak hmuahhmuah cu, Bawipa in sim dingah i fial ih ka simmi a si.
13 Nan nundan nan thleng ding le nan thil tuah zia nan òhin ding cu a òul hrimhrim a si. Bawipa nan Pathian thu nan ngai pei. Cutiih nan tuah asile nan parih siatsuahnak thlenter a tummi cu a òulsal ding.
14 Kei sawh cu nan kut sungah ka um a si. A dik a òha nan ti vekin ka parah tuah ko uh.
15 Sikhalsehla thil pakhat cu thei cia uh. In that ngaingai a si ahcun nanmah le hi khuapi sung mi pawl cu mawh nei lo nan thah ruangah mi mawh nan si ding. Ziangahtile hi ralrinnak lo petu dingah i thlahtu cu Bawipa a si,” tiah ka ti.
16 Cutikah hotu pawl le mipi pawl in puithiam le profet pawl hnen ahcun, “Hi pa hi thah ding a si lo; Pathian kan Bawipa hmin in kan hnenah a òong a si,” an ti.
17 Cuih hnuah upa hrekkhat pawl an ding ih mipi hnen ahcun,
18 “Moresheth khua mi profet Mikah in Hezekiah, Judah siangpahrang a si lai ah mipi hnenah Cungnungbik Bawipa ih òongmi hitiin a sim: ‘Zion cu lo vekin thlawh a si ding. Jerusalem cu khawrop ah a cang dingih Biakinn dinnak tlang cu tupi ah a cang ding,’ a ti.Ref 26.18 Mik 3:12;
19 Siangpahrang Hezekiah le Judah mi pawl in cutiih a sim ruangah Mikah cu an that lo. Hezekiah in Bawipa cu a upat ih zangfah a dil sawn a si lo maw? Cule Bawipa in a thin a sup ih thlenter a tummi siatralnak cu a òulsal a si. Kannih cu atu ah òihnungza siatralnak kan parah kan thlenter zik a si hi!” tiah an ti.
20 Cule mi pakhat a hmin ah Uriah an timi, Kiriath Jearim khua Shemaiah ih fapa cu Bawipa hmin in hi miphun le hi khuapi Jeremiah bangin a relsiattu a um ve.
21 Uriah òong cu siangpahrang Jehoiakim le a ralkap pawl le bawi upa pawl in an theih tikah siangpahrang in thah a tum. Asinan Uriah in a theih tikah a òih ih Izipt ram ah a tlan.
22 Sikhalsehla siangpahrang Jehoiakim in Akbor fapa Elnathan le midang pawl Uriah vung kai dingah Izipt ram ah a thlah.
23 An kai ih siangpahrang Jehoiakim hnenah an hruai. Siangpahrang cun a that ih a ruak cu misenpi phumnak thlaanmual ah a hlon.
24 Asinan kei cu Shafan fapa Ahikam ih òanpi mi ka si ruangah thah dingah misenpi kut sungah i pe lo.