25
Saklam Ral
Josiah fapa Jehoiakim cu Judah siangpahrang a sinak kum linak ah Judah mi pawl hmuahhmuah hrangah Bawipa ih òong cu ka hnenah a ra thleng. Himi cu Nebuchadnezzar in Babilon siangpahrang a òuan kum khatnak ah a si.Ref 25.1 2 Siang 24.1; 2 San 36:5-7; Dan 1:1, 2; Cule Judah mi le Jerusalem mi pawl hmuahhmuah hnenah hitiin ka sim: “Amon fapa Josiah cu Judah siangpahrang a òuan kum hleithumnak in tuih sun tiang, kum kul hluanthum sung, Bawipa ih thu cu ka hnenah a ra ih a simmi pawl nan hnenah simsal lo in ka um dah lo. Asinan zianghman ah nan siar lo. Bawipa in a siahhlawh profet pawl a run thlah ringring hmanah an thu nan ngai cuang lo ih zianghman ah nan siar cuang lo. Bawipa in nan pupa pawl le nanmah hnenah hi ram cu kumkhua nan ta si dingin a lo pek. Hi ram ih nan um thei ringringnak dingah nan nuncan òha lo le thilsual nan tuahmi pawl hi tlansan dingah hi profet pawl in an lo sim. Khawvang biak lo le rian lo dingah siseh, nan tuahcopmi milem biaknak in Bawipa thinhengter lo dingah siseh, an lo sim a si. Bawipa ih thu rak thlun uh cila a lo hrem hrimhrim lo ding nan! Atu ahcun Bawipa amah rori in a thu nan thlun duh lonak cu a sim a si. Cucingin milem pawl nan tuahnak in a thin nan hengter ih a lo hremnak cu nan parah nanmahte nan thlenter a si.
“Cuih a thu nan ngai duh lo ruangah Cungnungbik Bawipa in hitiin a ti: ‘Saklam ram ih mi hmuahhmuah le ka siahhlawh Babilon siangpahrang Nebuchadnezzar ka ko ding. Cule Judah le a ramsung um mi hmuahhmuah le an kiangkap ram pawl ka doter ding. Hi ram le a kiangkap ram pawl ka siatsuahter dingih kumkhua in hnawmpen ah kan canter ding. Zoh mawi lo le òihnungza ah an cang ding. Keimah Bawipa in ka sim zo. 10 Lungawi ih an au an khuannak thawmvang le mo neih puai ih an thawmvang cu ka dai reprepter ding. An mei-inn hrangah zinan an nei lo dingih rawl khal a um nawn lo ding.Ref 25.10 Jer 7:34; 16:9; Thup 18:22, 23; 11 Hi ram pumpi cu zoh tlak lo in a siat òheh dingih mi an mang a bang ding. A kiangkap ram pawl in Babilon siangpahrang cu kum sawmsarih sung an rian ding.Ref 25.11 2 San 36:21; Jer 29:10; Dan 9:2; 12 Cuih hnuah Babilon le a siangpahrang cu an sualman ah ka hrem ding. Khi ram cu ka siatsuah dingih kumkhua hnawmpen ah ka cangter ding. 13 Jeremiah hnenih ka sim cia mi, miphun tampi parah ka thlengter ding ka timi hremnak, hi cauk sungih khummi vansiat malmaknak hmuahhmuah pawl thawn Babilon cu ka hrem ding. 14 An thilsual tuahmi man ah Babilon mi parah phu ka la dingih miphun tampi le siangpahrang maksak zetzet pawl in sal ah an zuat ding,’ a ti,” tiah a sim.
Miphun Dang Parih Pathian Thuòhennak
15  Bawipa, Israel ih Pathian in ka hnenah, “hitawkah ka thinhennak in a khatmi sabitti khuat khat a um. Ka lo thlahnak miphun hmuahhmuah hnenah feh awla inter hai aw. 16 An in tikah an sawn dingih mi-aa ah an cang ding; raldonak an hnenih ka thlenter ding ruangah,” tiah a ti.
17 Curuangah cuih khuat cu Bawipa ih kut ihsin ka lak ih i thlahnak miphun hnenah ka feh ih ka inter hai. 18 Jerusalem le Judah ram khua pawl, an siangpahrang le an hotu pawl thawn ka inter. Cuticun nelrawn ram òhing, tuksumza le zoh tlak lo ram ah an cang dingih, mi in tuih san tiang in an hmin cu siatserhnak ah an hmang ding.
19-26 Cuih khuat ihsin a intu ding ram pawl cu a thuailam pawl hi an si:
Izipt siangpahrang,
a kuthnuai bawi pawl le hotu pawl;
Izipt mi pawl le Izipt ram ih a ummi
ramdangmi pawl;
Uz ram ih siangpahrang hmuahhmuah;
Filistin ram ih khua pawl Ashkelon,
Gaza, Ekron le a rung tangmi
Ashdod khua ih siangpahrang pawl,
Edom, Moab le Ammon ram mi hmuahhmuah;
Òaiar le Sidon siangpahrang hmuahhmuah;
Mediterranean tikulh ih
siangpahrang hmuahhmuah;
Dedan, Tema le Buz khua pawl;
An sam tawi zet ih a met thluhtu pawl;
Arabia ram siangpahrang hmuahhmuah;
Nelrawn ram miphun ih
siangpahrang pawl;
Zimri, Elam le Media siangpahrang pawl;
Saklam ram siangpahrang pawl;
A hla a nai ti um lo in pakhat hnu pakhat
an in ciar ding.
Leilungtlun miphun hmuahhmuah in an in ding. Netabik ah Babilon siangpahrang in a in ding.
27 Cule Bawipa in ka hnenah, “Misenpi hnenah sim aw; Keimah Cungnungbik Bawipa, Israel ih Pathian in, an rit ih an luak lai hlan lo, an sawn ih tho thei lo ih an um lai hlan lo, an in dingin thu ka pek a si. Ziangahtile an hnenah raldonak ka thlengter ding. 28 Cuih khuat cu na kut ihsin la duh lo in an um ih an in duh lo asile Cungnungbik Bawipa in, nan in tengteng a òul a ti tiah sim aw. 29 Siatsuahnak cu keimah ih khuapi ihsin ka thok ding. Hremnak tong lo ih luat dingah an ruat aw maw si? An luat lo ding, hrem an si òheh ding. Leilungmi hmuahhmuah hnenah raldonak ka thlengter ding. Keimah Cungnungbik Bawipa in ka sim zo.
30 “Jeremiah, hi ka simmi hmuahhmuah hi nangmah in na phuang òheh ding. Himi pawl cu hitiin na sim ding,
‘ Bawipa cu van ihsin a hruum ding,
Vansang bik ihsin khuari bangin
a hruum durdo ding.
A minung pawl parah
nasa zet in a hruum ding;
Sabit sawrtu pa bangin a au ding.
Leilungtlun mi hmuahhmuah in
an thei ding.
31 A thawm cu vanhramdeng tiang
a khawk ding.
Bawipa cun miphun hmuahhmuah parah
an mawhnak thurel ding a nei.
Zozo khal an thu a rel ding.
Misual pawl cu a that hai ding.
Bawipa in a sim zo,’ ti aw,” tiah a ti.
 
32 Cungnungbik Bawipa in “Ramkhat hnu ramkhat ah siatralnak a thleng ding; vanhramdeng ah thlipi a tho ding,” a ti. 33 Cuih hnuah Bawipa ih a thah mi pawl ih ruak cu khat lam vanhramdeng ihsin khatlam vanhramdeng tiang an darh aw thluh ding. Zohman in an òah lo ding; ruak tuamtu nei lo le phumtu nei lo an si ding. Leilung parah eekdawm bangin an ril teptep ding. 34 Maw nannih hotu pawl, ka minung a khaaltu pawl, òap uhla napi in ai uh. Mithi ngai in òap uhla leivut lakah lawng rero uh. Nan thihnak tikcu a ra thleng zo ih tuu bangin thah nan si ding. Bungbeel bangin nan tlakuai ding. 35 Nan luat theinak lamzin a um lo ding. 36-37 Òap uhla vansanglam in au uh, ziangahtile Bawipa cun a thinheng in nan miphun a siatsuah zo ih a dai zet le a him zetmi nan ram cu hnawmpen ah a cangter zo. 38 Kiosa in a kua a tlansan vekin Bawipa in a minung pawl a tlansan zo a si. Tuksumza raldonak le Bawipa ih thinhennak in hi ram cu thlaler ramòhing ah a tuah zo a si.