24
Theipi Rah Bawm Hnih
1 Bawipa in Biakinn hmaiih retmi theipi rah bawm hnih i hmuh. Cumi cu Babilon siangpahrang Nebuchadnezzar in Jehoiakim ih fapa Judah siangpahrang Jehoiakhin kha Jerusalem ihsin Babilon ah Judah ram hotu pawl, soser thiam le zungthiam pawl thawn hmunkhat ah salkaihmi ah a hruaisuak hnuah a si.Ref 24.1 2 Siang 24:12-16; 2 San 36:10;
2 Bawm pakhatnak sungah rah tir bangtuk a hminmi thei òha an um; a dang bawm sungah cun thei òha lo, ei tlak lo theipi rah an um.
3 Bawipa in ka hnenah, “Jeremiah, ziangso na hmuh?” tiah i sut.
“Theipi rah ka hmu. A òhami cu an òha zet; a siami cu an sia ngaingai, ei tlak hman an si lo,” tiah ka ti.
4 Cutikah Bawipa in,
5 “Keimah Bawipa, Israel ih Pathian in Babilon ih an hruaihlo mi pawl cu hi theipi rah òha vekih ka ruahmi an si; Curuangah an parah zangfahnak ka nei ding.
6 Òha tein ka zoh dingih hi ram ah ka kirpisal ding. Ka balmi si lo in ka sakmi an si ding. Ka phawimi si lo in ka phunmi an si ding.
7 Bawipa ka si hi an theih duhnak ding thinlung ka pe ding. Cuticun ka minung an si dingih kei cu an Pathian ka si ding. Ziangahtile an thinlung zate thawn ka hnenah an kir ding a si.
8 “Sikhalsehla Judah siangpahrang Zedekiah le a kuthnuai bawi upa pawl le Jerusalem mi pawl cu, hi ram sungih a ummi siseh, Izipt ram ih a tlanmi siseh, keimah Bawipa in hi theipi rah òha lo, a sia tuk ih ei tlak lo a simi theipi vek hin ka tuah ding.
9 An parah siatralnak nasa zet in ka thlenter dingih leilungtlun miphun hmuahhmuah an thin a phang òheh ding. Mi in capohnak ah le hnihsuahsainak ah an hmang ding. An nautat dingih an hmin cu ka òhekdarhnak hmunkip ah siatserh awknak ah an hmang ding.
10 An pupa pawl le anmah hnenih ka pekmi ram sungah hin pakhat hman tang nawn lo tiangin an cemfai hlan lo an parah raldonak, paamnak le natnak ka thlenter ding a si,” tiah a ti.