16
Jeremiah Hrangih Bawipa Ih Tumtahmi
Bawipa ih òongkam cu ka hnenah a thleng ih, “Nupi na òhi lo pei ih hivek khua le ram ahcun fanu fapa khal na nei lo pei. Hi ram ih faate an hrinmi pawl parah ziangvek thil a thleng ding ti ka lo sim ding. A hringtu an nu le an pa par khalah ziang a thleng ding ti ka lo sim ding. Natnak a phunphun in an thi dingih a òahtu khal an um lo ding; a phumtu khal an um lo ding. An ruak cu leilung parah eekdawm bangin darh an si ding. Raldonak ah an thi ding, rawl lo in an thi ding; an ruak cu vate le ramsa pawl ih rawl an si ding.
“Mithi an ngainak inn ahcun na lut lo pei. Zohrang hmanah na riahsia hlah. Ka minung pawl cu daihnak thawn ka thluasuah nawn lo ding. An parah duhdawtnak le zangfahnak tla ka nei nawn lo ding. Hi ram ahhin milian siseh, mifarah siseh, an thi tlang dingih phumtu zohman an nei lo ding. Òahtu khal an nei lo ding. An riahsiatnak langternak ah zohman in namte in an zai aw lo dingih an lu khal an met lo ding. An duhdawtmi an thih tikah hnemnak ah tiah zohman in ti le rawl an in pi, an ei pi lo ding. An nu le an pa an thih hmanah zohman in an topi lo ding.
“Rawl ei puai an tuahnak inn sungah na lut lo pei. Ei ding le in dingah an hnenah na to lo pei. Cungnungbik Bawipa, Israel Pathian Keimah ih ka òongmi hi ngai aw: Nangmah nunsung ah le na mithmuh rori ah, lungawinak le aipuannak thawmvang le mocannak puai ih awn aunak thawmvang pawl cu hi ram sungah hin ka rehter thluh ding.Ref 16.9 Jer 7:34; 25:10; Thup 18:23;
10 “Cutiih na sim òheh tikah, ‘Ziangahso cutluk lawmmam ih hrem dingah Bawipa in thu a ruah? Ziangvek mawhnak so kan neih ih ziangbangtuk sualnak so Bawipa kan Pathian parah kan tuah?’ tiah an lo sut ding. 11 Cutikah keimah Bawipa ih simmi cu sim hai aw: ‘Nan pu le nan pa pawl in, in tlansan ih khawzing dang an rian ih an biak. In dungtun ih ka thu zirhmi an thlun lo. 12 Cuih tlunah nannih cu nan pu le nan pa hnakin nan luar sinsin. Nan zate in milungruh le misualral nan si ih ka thu nan ngai lo. 13 Curuangah hi ram ihsin ka lo hlon dingih nanmah in siseh, nan pupa pawl in siseh, nan theih dah lomi ram ah ka lo kuat ding. Cutawkah a sun a zan in khawzing dang nan rian dingih nan parah zangfahnak zianghman ka nei lo ding,’ tiah sim hai aw,” a ti.
Saltannak Ihsin Kirsalnak
14  Bawipa in, “Tikcu a ra thleng dingih mi in Izipt ram ihsin Israel mi pawl a hruaisuaktu Pathian ih nunnak saal tahrat in siat an ser in thu an kam nawn lo ding. 15 Saklam ram ihsin le ka òhekdarh hainak ram pawl ihsin Israel mi a hruaisuaktu Pathian nunnak ko in thukamnak an tuah sawn ding. Anmah ih ram, an pu le an pa pawl hnenih ka pekmi ram ah ka kirter hai ding. Keimah Bawipa in ka sim zo,” tiah a ti.
Hremnak A Ra Ding
16  Bawipa in, “Ngakaitu tampi ka ko dingih hi minung pawl hi ka kaihter ding. Cule tlangsang le tlangniam ah siseh, lungkua le lungpuk sungah siseh, anmah hawltu le dawitu dingah sakap thiam tampi ka sawm ding. 17 An tuahmi hmuahhmuah ka hmu thluh. Ka hmaiah an thuh theimi zianghman a um lo; an sualnak ka hmuh lomi zianghman a um lo. 18 An sualnak le an òhatlonak cu lethnih in ka kuanter hai ding. Ziangahtile ruak bangtuk a simi nunnak nei lo milem in ka ram cu an borhhlawhter ih zianghman a si lomi khawvang in an khahter zo a si,” a ti.
19 Maw Bawipa, nangmah in i hum ih cahnak i pek. Harsatnak tikcu ah i bawm. Vanhram deng ihsin miphun tampi an ra dingih na hnenah, “Kan pu le kan pa pawl cun thuphan khawvang siar lo zianghman an nei lo; an neihmi cu zianghman òhahnem lo milem lawng an si. 20 Mi in anmahte pathian an tuah thei pei maw? Tuah thei hlah; an tuah thei hmanah pathian ngaingai an si lo ding,” an ti ding.
21 Cule Bawipa in, “Cuti a si ahcun kumkhua daih in ka huham le ka cahnak cu miphun pawl ka theihter hai ding; Bawipa ka si hi an thei ding,” tiah a ti.