11
Jeremiah Le Thukamnak
Bawipa in ka hnenah, “Hi thukamnak sungih thu hi ruat òha aw. Judah le Jerusalem mi hnenah sim awla, hi thukamnak thu vekih a thlun lotu parah cun Bawipa, Israel ih Pathian keimah in siatcamnak ka thlengter ding. Hi thukamnak cu an pu le an pa pawl thawn ka tuah. An hrangah thirsernak somei vek a simi Izipt ram ihsin ka hruaisuak lai ih ka tuahmi thukamnak a si. Ka thu ngai dingah le ka thupekmi hmuahhmuah thlun dingah ka rak sim. Ka thu an ngai ahcun ka minung an si dingih an Pathian ka si ding tiah ka rak sim a si. Cuticun an pupa pawl hnenih ka tuahmi thukamnak cu ka kimter dingih atu ih nan umnak, cawhnawi le khuaitizu a luannak ram hi ka lo pe ding tiah ka rak ti,” tiah a ti.
Kei in, “A si, Bawipa,” tiah ka ti.
Cule Bawipa in ka hnenah, “Judah ram ih khuapi pawl ah le Jerusalem khuasung lamzin ah va feh aw. Cutawkah ka thu va than awla ka thukammi an theih ih an thlun theinak dingah misenpi hnenah va sim aw. An pupa pawl Izipt ram ihsin ka hruaisuak lai ah ka thu ngai dingah fel tein ralrinnak ka pek ih tuih sun tiang ka pek ringring lai a si. Sikhalsehla a ngai khal an ngai lo, a thlun khal an thlun duh lo. Tuih hlan vekin an thinlung a ruh thotho ih sualnak tuah cu an baang cuang lo. Ka thukamnak thlunsuak dingah thu ka pek, asinain an thlun duh lo. Curuangah hi thukamnak sungih telhcih a si vekin hremnak an parah ka thlengter a si.
“Judah mi le Jerusalem mi pawl in, in dodal ih in phiar. 10 Ka simmi a eltu an pu le an pa pawl ih sualnak ah an kirsal ih khawzing dangdang an biak. An pu le an pa pawl thawn ka tuahmi ka thukamnak cu Israel le Judah in an balsiat òheh zo a si. 11 Curuangah atu ah keimah Bawipa in an parah siatsuahnak ka thlengter dingih zohman an luat lo ding tiah ralrinnak ka pek a si. Ka hnenah bomnak dil in an au rero hmanah ka ngai lo ding. 12 Cule thawinak an pekmi khawzing pawl hnenah Judah mi le Jerusalem mi pawl cu an feh dingih bomnak dil in an au ding. Siatsuahnak a thlen ngaingai tikah cun hi khawzing pawl cun an hum thei hai lo ding. 13 Judah mi pawl cu an khuapi zat in khawzing an nei; Jerusalem mi pawl in ningsinza a simi Baal khawzing hnenih thawinak peknak dingah an lamzin zat in biakòheng an dawl. 14 Maw Jeremiah, hi minung pawl hrangah ka hnenah thlacam nawn hlah, a dil khal i dil nawn hlah. Harsatnak an ton ih bomnak duh ih in kawh khalle ka theih sak lo ding,” a ti.
15  Bawipa in, “Ka duhdawtmi ka minung pawl in thilsual an tuah. Ka Biakinn sungih luh theinak ziangso an neih nawn? Thukam tampi an tuahnak in le thawinak òilva an peknak in siatralnak an kham thei dingah an ruat maw si? Cumi cun an lung a awiter ding maw si? 16 A hlan ahcun olif thinghring, rah mawi zetzet rahtu tiah ka rak ko òheu. Asinan atu ahcun khuari thawm bangin meisa in a hnak ka ur dingih a hnge pawl khal ka khiak òheh ding.
17 “Israel le Judah cu keimah Cungnungbik Bawipa ih phunhngetmi an si. Asinan atu ahcun an parah siatralnak thlenter ka tum. Hi siatralnak hi anmahte an parih an thlentermi a si. Ziangahtile Baal khawzing hnenah thawinak an pek ih thilsual an tuah ruangah ka thin in hengter a si,” tiah a ti.
Jeremiah Thah An Tum
18 Ka ral pawl in, in phiar ih a thah in tumnak kha Bawipa in i sim. 19 Thah dingih an fehpimi, mi a rinsan zettu tuufaate vek ka si. Thilsual an ngaihtuah reromi hi keimah siatsuahnak ah a si, ti ka rak thei lo. Annih in, “Thingkung cu a sanòhat laitakah hau uh si; hipa hi kan that pei ih zohman in ciing nawn hlah hai seh,” an ti.
20 Cule hitiin thla ka cam, “Maw Cungnungbik Bawipa, nang cu dingthluk lairelnak thawn thu a relcattu na si. Mi ih ruahnak le thinlung na hniksak òheu. Na kut sungah ka thu cu ka lo pe; himi pawl parah phu na lak, ti i hmuter hram aw,” ka ti.
21 Thah i duhtu pawl cu Anathoth khua mi an si ih Bawipa ih thu na tlang-aupi ringring a si ahcun kan lo that ding a si tiah in sim. 22 Curuangah Cungnungbik Bawipa in, “Annih pawl cu ka hrem ding. An tlangval pawl cu raldonak ah an thi dingih an nauhak pawl khal rawl lo in an thi ding. 23 Anathoth khua mi parih siatralnak a thlennak ding tikcu cu ka khiah zo. Cuih tikcu a thlen tikah cun zohman an luat lo ding,” a ti.