JEREMIAH
Thuhmaihruai
Jeremiah hi BC 700 a thawhnak lamih rak ummi profet a si. Pathian ih minung pawl in milem an biaknak le an sualnak ruangah a miphun zate parah harsatnak a thleng ding a si tiah caan saupi a hnaòuannak sungah a simsung ringringtu a si. A simsungnak kha amah ih mithmuh rori ah a kim ih Babilon siangpahrang Nebuchadnezzar in Jerusalem le an Biakinn kha a siatsuah ih Judah mi tampi le an siangpahrang cu Babilon ah sal in a hruai. Cun Judah mi an kirsal lehnak ding le miphun phunkhat an sisal lehnak ding thu khal a sim cia thluh a si.
Jeremiah cabu cu òhennga ah òhen a theih: (1) Pathian in Jeremiah a kawhnak; (2) Judah ram uktu Josiah, Jehoiakim, Jehoiakhin le Zedekiah san lai ah Pathian in Judah mi le an bawi pawl hnenih a simmi; (3) Jeremiah ih sungòuan Baruk ih nganmi thuhla sung ihsin Jeremiah ih thu le Jeremiah in thil um zia le a um leh ding thu a rak simmi pawl; (4) Bawipa ih hnen ihsin ram dangdang thuhla a simmi thu le (5) Jerusalem khuapi siatralnak a tonnak le Babilon ih an saltannak thu pawl an si.
Jeremiah cu a miphun pawl a duhdawt ngaingaitu le thil a thei thei zettu a si ih an tlunih a thleng dingmi thil kha a sim duh hrimhrim lo nain sim lo theih lo in a um ruangah a rak simmi a si. Pathian in a profet si dingih a kawh ruangah harnak a tuarmi thu kha thin na zet in a sim. Pathian thu cu a lung sungah meisa bangtukin a ling ih phuanglo hrimhrim cun a um thei lo.
Jeremiah cabu sungah a thupi bik òongkam pawl an um ih beidongza a simi Jeremiah ih san a cem hnuah Pathian thutiamnak a thar in anmah ih thinlung sungah ngan in a um ding a si, tin a sim. Cuih caan a thlen tikah cun zirhtu le òhangphawktu òul nawn lo in Pathian minung pawl in an thlun dingmi thutiamnak a um leh ding ti thu 31:31-34 sungah a um.
1
Jeremiah
1 Benjamin ram Anathoth khua ih ummi puithiam pawl lakih puithiam pakhat Hilkiah an timi ih fapa Jeremiah ih thusimmi pawl cu hitiin a si.
2 Amon fapa Josiah in Judah ram siangpahrang a òuannak kum hleithum kum ah Bawipa ih òongkam cu Jeremiah hnenah a thleng.Ref 1.2 2 Siang 22:3-23:27; 2 San 34:8-35:19;
3 Josiah fapa Jehoiakim ih siangpahrang a òuan tik khalah Bawipa ih òongkam cu a hnenah a rung thlengsal. Cuih hnuah Josiah fapa Zedekiah in siangpahrang a òuannak kum hleikhat kum tiang Bawipa ih òongkam cu a hnenah vei tampi a ra thleng. Cuih kum thla nga thla ah Jerusalem mi pawl cu saltannak ih hruai hlo an si.Ref 1.3 2 Siang 23:36-24:7, 18-25:21;; 2 San 36:5-8; 11-21;
Jeremiah Kawhnak
4 Bawipa in ka hnenah,
5 “Na nu ih pum sungih ka lo semter hlan ihsin ka lo thei zo ih na suah hlan ihsin miphun tampi hnenih profet si dingah ka lo hril zo a si,” i ti.
6 Cutikah kei in, “Maw Cungnungbik Bawipa, òong thiammi ka si lo; ka no tuk lai,” tiah ka ti.
7 Asinan Bawipa in ka hnenah, “Ka no tuk lai ti hlah; ka lo thlahnak misenpi hnenah feh sawn awla sim dingih thu ka lo pek vekin an hnenah sim aw.
8 Òih aw hlah, na hnenah ka um dingih ka lo hum ding. Keimah Bawipa in ka sim zo a si,” tiah i ti.
9 Cule Bawipa cun a kut a hun suah ih ka hmur i tham hnuah, “Ngai aw, na òong dingmi ka thu pawl cu na kaa sungah ka ret zo.
10 Tuih sun ah miphun hmuahhmuah le siangpahrang ukmi ram tampi parah phawi theinak le bal theinak, siatsuah theinak le hlon theinak, sak theinak le din theinak thu ka lo pek a si,” tiah i ti.
Hmuhnak Pahnih
11 Cule Bawipa in, “Jeremiah, ziangso na hmuh?” tiah i sut.
Kei in, “Khumkhal thingkung hnge ka hmu,” ka ti.
12 Bawipa in, “Na hmu dik zet; ka òong cia mi pawl an kimnak ding ka zoha ka zoh timi le khumkhal timi hi Hebru òong cun aw-suah daan a bang aw. lai a si,” tiah a ti.
13 Cuih hnuah Bawipa in, “A dang teh ziangso na hmuh?” tiah i sut sal.
Kei in, “Saklam ah a so hluahhlomi beel, hi lamah a rung lei aw mi ka hmu,” tiah ka ti.
14 Cutikah Bawipa in, “Siatsuahnak cu saklam ihsin tiso bangin hi ramsung mi hmuahhmuah parah a rung liam ding;
15 ziangahtile saklam ram pawl cu hi ram rung thleng dingin ka ko zo. An siangpahrang pawl in Jerusalem khuapi kotka le a kulhnak phar kimvel ah le Judah ram khua dangdang kimvel ah an bawi tohkham an ret ding.
16 Ka minung pawl parah ka mihremnak cu ka thlenter ding; an sual ih in dungtun ruangah, khawvang dangdang hnenah raithawinak an pek ih milem pawl anmah ih kut rori in tuah tahrat in an biak ruangah ka cawh hai ding a si.
17 Curuangah Jeremiah, na timtuah aw; feh awla sim dingih thu ka lo pekmi hmuahhmuah an hnenah sim òheh aw. Òih hai hlah; culole an hmai na thlen tikah ka lo òihter sinsin ding.
18-19 Jeremiah, ngai hnik! Hi ramsungmi hmuahhmuah Judah ram siangpahrang le a kut hnuai bawi pawl le puithiam pawl le mi senpi pawl in an lo ral ding. Sikhalsehla anmah do theinak ah thazang ka lo pe ding; ralhruang ih kulhmi khuapi vek na si ding, thir òhuam bangtuk le daar ih tuahmi phar bangtuk na si ding. Na hnenah ka um dingih ka lo hum ding. Curuangah zo hman in an lo neh lo ding. Bawipa keimah in ka lo sim zo,” tiah i ti.