7
Jesuh Le A Naule Pawl
Cuih hnuah Jesuh cu Galilee peng sungah khual a tlawng; cule Judea ram Judah mi hotu pawl in a thah an tum ruangah Judea peng ahcun a tlawng duh lo. Puanthlam Puai a nai zo ih,Ref 7.2 Pui 23:34; Daan 16:13; curuangah a naule pawl in Jesuh cu, “Na thil tuahmi tla hi a lo thluntu pawl in an hmuh dingah hi hmun ihsin suak awla Judea peng ah feh aw. Mi tampi ih theihmi si a duhtu cun a thil tuahmi cu a thup dah keel lo. Hibangtuk thil hi na tuah ruangah leilung pumpi in lo thei thluh hai seh!” tiah an ti. Amah ih naule pawl hman in Jesuh cu an zum lo.
Jesuh in an hnenah, “Ka tikcu a kim hrih lo. Nannih hrangah cun ziangtik khal hi nan tikcu a si ko. Leilung in nannih cu a lo hua lo, sikhalsehla kei cun a thil tidan a òha lo a si tiih ka sim ringring ruangah leilung in i hua a si. Puai tuahnak ahcun va feh uh. Kei cu ka tikcu a kim hrih lo ruangah ka feh lo ding,” tiah a ti. Cutiin a sim ih Galilee ahcun a umta.
Puanthlam Puai Ah Jesuh A Feh
10 Puai ah a naule pawl cu an feh ih cuih hnuah Jesuh khal a feh ve; asinain langhngan tuk ih feh lo in a thup deuh in a feh. 11 Puai hmun ahcun Judah hotu pawl cun an hawl ih, “Khuiahso a si?” tiah an sut vivo.
12 Mipi pawl in amah ih thuhla cu an rel ih an phun supso rero. Òhenkhat in, “Miòha sokhaw a si!” an ti. Midang in, “Si hlah e, misenpi a hruai sual a sisi!” an ti. 13 Zohman in langhngan in an òong ngam lo, ziangahtile Judah mi hotu upa pawl kha an òih.
14 Cuih puai tuah caan a hrek tluk ah Jesuh cu Biakinn ah a feh ih thuzirh a thok. 15 Judah mi hotu pawl cu an mang a bang ngaingai ih, “Hi pa hi khui hmanah zirnak a neih dah ual lo; ziangtinso hi zatzat thu a theih thei?” tiah an ti.
16 Jesuh in, “Ka thuzirhmi hi keimah palungih zirhmi a si lo; i thlahtu hnen ihsin a rami a si. 17 Pathian duhnak tuah a tumtu zokhal in ka thuzirhmi hi Pathian hnen ihsin a ra maw, keimah palung in so ka sim, ti cu a thei ding. 18 Zokhal sisehla amah ih thuneihnak lawngin a òongtu cun amah hrangah thangòhatnak a hawl a si. Sikhalsehla amah a thlahtu hrangih thangòhatnak a hawltu cun a sungah hrokhrawlnak zianghman a nei lo ih zum tlak in a um a si. 19 Moses in Daan a lo pek a si lo maw? Sikhalsehla zohman in cuih Daan cu nan thlun lo. Ziangahso a thah lehlam in tum rero?” tiah a ti.
20 Mipi in, “Na sungah khawvang a um a si! Zoso thah a lo tum?” tiah an ti.
21 Jesuh in, “Hmuhsaknak pakhat ka tuah ih nan khawruah a har òheh. 22 Moses in nan fapa pawl an serh tan dingah thu a lo pek, (hi serhtannak a thoktu cu Moses a si lo, nan pupa pawl an si); cule nan fapa cu Sabbath ni ah a serh nan tan.Ref 7.22 Sem 17:10; Pui 12:3; 23 Moses Daan buar lonak dingah tiah nan fapa Sabbath ni ah a serh nan tan a si ahcun ziangahso kei in Sabbath ni ih mi pakhat ka damter ruangah ka parah nan thin a heng?Ref 7.23 Joh 5:9; 24 A lenglam zohnakin thu òhen hlah uh; thudik a sinak zoh in thu òhen uh,” tiah a ti.
Messiah A Si Maw?
25 Jerusalem khuasungmi òhenkhat in, “Judah mi hotu pawl ih thah an tummi pa cu hi pa hi a si lo maw? 26 Zoh hnik uh! Mi zapi theihhngan ah duh tawkin thu a sim ih zianghman an ti lo. Hi pa hi Messiah a si tiah an thei ngah ngaingai teh a si pei maw? 27 Sikhalsehla Messiah a rat tikah cun khuitawkin a ra, ti kha zohman in an thei lo ding; asinain hi pa hi cu khuitawk in a ra ti cu kan zate in kan theih òhehmi a si fawn,” tiah an ti.
28 Jesuh in Biakinn sungah cutiih thu a zirh rero lai ahcun, aw ring zet in, “Keimah hi in thei ngaingai maw? Khuitawk ihsin ka ra ti hi nan thei ngah ngaingai maw? Keimah ih thu in ka ra lo. Asinan i thlahtu cu zum tlak ngaingai a si. Nannih in i thlahtu cu nan thei lo, 29 asinain kei cun ka thei, ziangahtile amah in i thlah ih a hnen ihsin ka ra,” tiah a ti.
30 Cutikah amah kha kaih an tum, asinain zohman in an kai ngaingai lo; ziangahtile a tikcu a kim hrih lo. 31 Sikhalsehla misenpi sungih mi tampi in an zum ih, “Messiah a rat ngaingai tikah hi pa ih a tuahmi hnakin hmuhsaknak tam deuh a tuah pei maw?” tiah an ti.
Jesuh Kai Dingah Mi An Thlah
32 Jesuh thuhla misenpi in an rel ruri kha Farasi pawl in an theih tikah puithiam upa pawl thawn Jesuh kaitu dingah biakinn kiltu palik pawl an thlah. 33 Jesuh in, “Nan hnenah tikcu malte sung ka umta hrih dingih cuih hnuah i thlahtu hnenah ka feh ding. 34 In hawl ding nain in hmu thei lo ding, ziangahtile ka umnak ahcun nan feh thei lo ding,” tiah a ti.
35 Judah mi hotu pawl in pakhat le pakhat hnenah, “Kan hmuh thei lonak hmun khuitawkah so feh a tum? Kan minung pawl an umnak Grik khua pakhatkhat ah feh tahrat in Grik mi pawl a zirh tum a si pei maw? 36 ‘In hawl ding nain in hmu lo ding. Ka umnak ahcun nan feh thei lo ding,’ tiah in ti. A sim duhmi ziang a si pei?” tiah an ti aw.
Nunnak Petu Tiva
37 Puai tuah ni netabik le ni sunglawi bik ni ah Jesuh cu a ding ih aw ring zet in, “Zokhal ti a haal mi cu ka hnenah ra sehla ra in seh.Ref 7.37 Pui 23:36; 38 Ca Thianghlim in ‘Zokhal keimah i zumtu cu a thinlung sung ihsin nunnak tiva a put ding,’ Ref 7:38: Ezk 47:1; Zek 14:8 tiah a ti vekin a si ding,” tiah a sim. 39 Hitiin Jesuh in a sim tikah amah a zumtu hmuahhmuah in Thlarau an ngahnak ding thu kha a sim duhnak a si. Cuih caan ahcun Thlarau kha pek a si hrih lo, ziangahtile Jesuh kha sunlawinak ah thlenter a si hrih lo.
Miburpi An Òhen Aw
40 Cutiih a òongmi kha miburpi lakih òhenkhat in an theih tikah, “Hi pa hi profet ngaingai a si,” tiah an ti.
41 A dang òhenkhat in, “Messiah a si,” an ti.
Midang in, “Messiah cu Galilee in ra ding a si ual lo! 42 Ca Thianghlim in ‘Messiah cu Siangpahrang David tesinfa a si dingih David a rak umnak Bethlehem khua ah a suak ding,’ Ref 7:42: 2 Sam 7:12; Mik. 5:2 a ti kha!” tiah an ti. 43 Cutiin Jesuh ih ruangah cun mizapi lakah òhenòhek awknak a um. 44 Mi òhenkhat in a kaih an duh, asinain zohman in an kai ngaingai lo.
Judah Hotu Pawl Ih Zumlonak
45 Biakinn kiltu palik pawl an rakir tikah puithiam upa pawl le Farasi pawl in, “Ziangahso nan ratpi lo?” tiah an sut.
46 Palik pawl cun, “Hi pa bangtukin zohman an òong dah lo,” tiah an sawn.
47 Cutikah Farasi pawl in, “Nannih khal a lo bum ngah ve maw si? 48 Judah hotu lakah pakhat tal, asilole Farasi lakah pakhat tal amah zumtu nan theihmi an um dah maw? 49 Hi misenpi sawh lam cu Moses ih Daan an theih lo ruangah Pathian ih camsiatnak hnuai ah a ummi an si!” tiah an ti.
50 Cutawkih a ummi Farasi mi lakah Nikodemas an timi, Jesuh a rak tong dah zotu kha a um ve. Anih in an hnen ahcun,Ref 7.50 Joh 3:1-2; 51 “Kan Daan vekih kan rel a si ahcun mi pakhat cu amah ih hmurka kan theih hlan le a tuahmi kan hmuh ngah hlan ahcun kan hnong thei lo ding,” tiah a ti.
52 Cutikah annih in, “Nang khal Galilee mi na si ve maw si? Ca Thianghlim kha siar awla Galilee ihsin profet an suak dah lo,j 7:52 ‘Galilee ihsin profet a suak dah lo,’ timi hi ‘Galilee ihsin profet a suak dah lo ding,’ ti tla in a um. ti kha na thei ko ding,” tiah an ti.