5
Tili Kap Ih Mina Damternak
Cuih hnuah Jesuh cu Jerusalem ah Judah biaknak puai pakhat a um ih a feh. Jerusalem khua ahcun Tuu Kotka an timi kiangah tili pakhat a um ih a kapah deu suanmi panga a um. Cuih tili cu Hebru òong in Bethzathag 5:2 Bethzatha, timi hi ‘Bethesda,’ tile ‘Bethsaida’ tiih ngannak tla a um. tiah an ti. Cuih deusuan sungah cun mina tampi an it teptep. Òhenkhat cu mitcaw, òhenkhat cu ke awl le òhenkhat cu a zengmi tla an si. (A caancaan ah Bawipa ih vancungmi a rung òum ih tidai kha a caangter òheu. Cutiih tidai a caang ve tein tili sungih a dawp hmaisabik kha an natnak ihsin an dam òheu. Curuangah mina pawl cun tidai caang ding kha an hngak.) Cutawkah mipa pakhat kum sawm thum le kum riat sung a nami a um. Cutawkih a ih ringring kha Jesuh in a hmu ih kum reipi a na zo ti tla a thei. Curuangah Jesuh in, “Dam na duh maw?” tiah a sut.
Cupa in, “ Bawipa, tidai a cang tikah tili sungih i hnimtu ding zohman an um lo. Tili sungah ka vung òum ding ka ti laifangah midang in, in rak khelh ringring òheu,” tiah a ti.
Jesuh in, “Tho awla na ihphah la in feh aw,” tiah a ti. Hmakhat teah cupa cu a dam; a ihphah cu a lak ih a feh.
Cuih ni cu Sabbath ni a si. 10 Curuangah Judah mi hotu pawl in damnak a ngahtu pa cu, “Tuih sun hi Sabbath ni a si ih na ihphah na fehpi hi kan Daan in a duh lo a si,” tiah an ti.Ref 5.10 Neh 13:19; Jer 17:21;
11 Anih in, “Keimah i damtertu pa in na ihphah la awla feh aw, i ti si!” tiah a ti.
12 Annih in, “Cutiih a lo titu cu zoso a si?” tiah an sut.
13 Asinan damnak a ngahtu pa cun Jesuh cu zo a si, ti a thei lo, ziangahtile cutawkah miburpi an um ih an lakin Jesuh cu a rak feh zo.
14 Neh hnuah cupa cu Jesuh in Biakinn sungah a tong ih, “Zoh hnik! Atu cu na dam zo; curuangah va sual nawn hlah. Culole na parah thil òha lo sinsin a thleng ding,” tiah a ti.
15 Cule cupa cu a feh ih Judah mi hotu pawl hnenah, “I damtertu cu Jesuh a si,” tiah a va sim. 16 Sabbath ni ih mi a damter ruangah cun Jesuh cu an ralsan ih harsatnak an pek. 17 Jesuh in an hnenah, “Ka pa cu hna a òuan ringring ih kei khal hna ka òuan ve a òul a si,” tiah a ti.
18 Cutiih a ti ruangah Judah mi hotu pawl cu an thin-ai a thok ih amah kha thah an tum sinsin; Sabbath a buar lawng si lo in Pathian cu ka Pa a si, a ti ruangah Pathian tluk ah a tuah aw tiah an ruat.
Fapa Ih Thuneihnak
19 Curuangah Jesuh in an hnenah, “Thungai in ka lo sim: Fapa cun amah tein zianghman a tuah thei lo. A Pa ih tuahmi a hmuhmi lawng kha a tuah a si. Pa in a tuahmi kha Fapa khalin a tuah ve. 20 Ziangahtile Pa in a Fapa kha a duhdawt ih a tuahmi hmuahhmuah kha a hmuh òheh. Himi hnakin tuah ding a nasa sawn mi kha a hmuh hrih dingih nan mang a bang ding. 21 Pa in mithi a thawhter ih nunnak a pek vekin Fapa khalin a duhmi poh hnenah nunnak a pe ve a si. 22 Pa in zo ih par hmanah thuòhennak a tuah lo. Fapa hnenah thuòhen theinak a pe zo. 23 Curuangah Pa a upattu hmuahhmuah in Fapa khal an upat ve pei. Zokhal Fapa a upat lotu cun a thlahtu a Pa khal a upat ve lo a si.
24 Thungaite in ka lo sim: Zokhal ka simmi a thei ih i thlahtu a zum ahcun kumkhua nunnak a nei. Thuòhennak a tong lo ding; cutiin thihnak ihsin nunnak ah a lut zo. 25 Thungaite in ka lo sim: Mithi in Pathian Fapa ih aw an thei ding; a theitu hmuahhmuah in nunnak an ngahnak caan a ra dingih atu khalah a thleng rero zo. 26 Pa amah rori cu nunnak ih hrihram a si; cuvek thotho in Fapa khal cu nunnak ih hram a siter zo. 27 Cule Fapa cu Milai Fapa a si ruangah thuòhennak thu a pek. 28 Hiti a si ruangah nan mangbang hlah uh; mithi hmuahhmuah in a aw an theih ih, 29 an thlan sung ihsin an suahnak tikcu a ra thleng ding: Thil òha a tuahtu pawl cu nung dingah an thosal ding; cule thil òha lo a tuahtu pawl cu hnon dingah an thosal ve ding,” tiah a ti.Ref 5.29 Dan 12:2;
Jesuh Hrangih Thutheitu
30 Jesuh in, “Keimah ih thu in zianghman ka tuah thei lo. Thuòhennak ka tuah asile Pathian ih i simmi vekin ka tuah; curuangah ka thuòhennak cu a dik a si, ziangahtile ka duhmi tuah ka tum lo, i thlahtu ih duhmi lawng tuah ka tum a si.
31 Keimah in keimah ih thu lawng ka rel a si ahcun ka thusimmi cu a dik ngaingaimi a si, ti a theih lo ding. 32 Sikhalsehla ka ai ah keimah ih thu a simtu ding midang pakhat a um ih ka thu a simmi cu a dik a si, ti ka thei. 33 Johan hnenah nan palai pawl nan thlah ih amah in thutak a rak sim hai.Ref 5.33 Joh 1:19-27, 3:27-30; 34 Hitiih ka ti tikah theihpitu minung ka neih a òul ka tinak a si lo; rundamnak nan ngah theinak dingah ka simmi a si. 35 Johan cu a alh ih a tleumi mei-inn vek a si; a tleunak sungah caan malte sung lawng nan lung a awi. 36 Asinan ka ai ah ka thuhla i theihpitu a um ih Johan ih thutheihpinak hnakin a tum sawn; cumi cu Pa in i pekmi ka thil tuahmi pawl hi an si. Cuih ka thil tuahmi cun Pa in i thlah ti a langter. 37 Cule i thlahtu ka Pa khal hi ka ai ah ka thu i theihpitu a si. A aw nan thei dah lo, a hmuihmel khal nan hmu dah lo;Ref 5.37 Mat 3:17; Mar 1:11; Luk 3:22; 38 cule a thu simmi khal nan thinlung sungah nan ret lo, ziangahtile a thlah mipa hi nan zum lo. 39 Ca Thianghlim sung nan hawl; cutiih nan hawlnak cu hi Ca Thianghlim sungah hin kumkhua nunnak kan hmu ding, tiah nan ruah ruangah a si. Hi Ca Thianghlim cu keimah ih thu a simtu a si. 40 Sikhalsehla nunnak ngah dingah ka hnenah nan ra duh cuang lo.
41 Minung hnen ihsin thangòhatnak ngah ding ka hawl lo. 42 Sikhalsehla mi ziangvek nan si, ti ka lo thei ih nan thinlung sungah Pathian duhdawtnak zianghman a um lo. 43 Ka Pa ih hmin thawn ka ra nain in sang duh lo; asinain mi pakhat amah ih hmin lawng in a ra asile amah sawn cu nan rak pom ding. 44 Pakhat le pakhat hnen ihsin porh le lomnak ngah nan duh zet, asinain amah lawng Pathian a simi hnen ihsi cun thangòhatnak ngah nan tum lo; cuti a si ahcun ziangtinso kei cu in zum thei ding? 45 Keimah hi Pathian ih hmaiah in mawhthluktu a si ding, tiah i ruat hlah uh. A parih ruahsannak nan neih bikmi Moses rori hi a lo mawhthluktu a si ding. 46 Moses nan zum ngah ngaingai rak sisehla keimah khal hi in zum ve ding; ziangahtile Moses in ka thu a rak ngan a si. 47 Sihmansehla amah ih nganmi nan zum lo a si ahcun, ka simmi hi ziangtinso nan zum thei ding?” tiah a ti.