4
Jesuh Le Samaria Nunau
1 Jesuh cu Johan hnakin dungthluntu tam deuh a nei ih baptisma tla tam deuh a pek, tiah Farasi mi pawl in an thei.
2 A ngaingai ahcun Jesuh amah cun zohman baptisma a pek lo; a dungthluntu lawng in an pek.
3 Cutiih an rel ruri mi cu Jesuh in a theih tikah Judah ram ihsin a suak ih Galilee ah a kirsal.
4 A kir phahah Samaria ram a pal phah.
5 Samaria ram ih a feh lai ah Saikhar an timi khua pakhat a thleng. Cuih Saikhar khua cu Jakob in a fapa Josef hnenih a pekmi loram ihsin a hlat lo.
6 Cutawkah cun Jakob tikhur a um. Jesuh cu a khual tlawnnak ah a bang zet ih cuih tikhur kiangah cun a to. A tikcu cu sun hrawng a si.
7 Samaria nunaunu pakhat cu tidai khai dingah a ra ih Jesuh in a hnenah, “Tidai in ding i pe aw,” tiah a dil.
8 A dungthluntu pawl cu rawl lei dingah khuasung ah an feh.
9 Cuih nunaunu cun, “Nang cu Judah mi na si ih kei cu Samaria mi ka si; ziangtinso tidai in ding i dil?” tiah a ti. Judah mi pawl cun Samaria mi pawl ih hmanmi khokheng pawl an hmang duh lo.f 4:9 ‘Judah mi le Samaria mi pawl cu zianghman pehzomnak an nei lo,’ ti tla a si thei.Ref 4.9 Ezr 4:1-5; Neh 4:1-2;
10 Jesuh in, “Pathian ih a lo pekmi laksawng hi ziang a si, ti le tidai a lo diltu hi zo a si, ti thei cila amah sawn na dil dingih anih in nunnak tidai a lo pe ding nain!” tiah a ti.
11 Cuih nunaunu in, “ Bawipa, balòin na nei lo ih tikhur hi a thuk zet fawn. Khuitawk in so cuih nunnak tidai cu na lak ding?
12 Kan pu Jakob in hi tikhur hi in pek; amah le a fapa pawl siseh, a tuurual le a cawrual pawl siseh, hi tikhur ihsin tidai an ngah. Jakob hnakin ka tum sawn tiah na ruat aw maw si?” tiah a sut.
13 Jesuh in, “Zokhal siseh, hi tidai a intu cu a ti a haalsal ding.
14 Sikhalsehla ka pek dingmi tidai a intu cu a ti a haal nawn lo ding. Ka pek dingmi tidai cu amah sungah cerhti ah a cang dingih cumi cun nunnak tidai le kumkhua nunnak a pe ding,” tiah a ti.
15 Nunaunu in, “ Bawipa, cuih tidai cu i pe aw! Cuticun ka ti a haal nawn lo dingih hitawkah tidai khai ding khalah ka rat a òul nawn lo ding,” tiah a ti.
16 Jesuh in, “Na pasal va ko awla rasal aw,” tiah a ti.
17 Anih in, “Pasal ka nei lo,” tiah a let.
Jesuh in, “Pasal ka nei lo na ti cu thudik na sim a si.
18 Pasal panga na nei zo ih atu na umpi mi pa hi na pasal ngaingai a si lo. Thudik i sim a si,” tiah a ti.
19 Nunaunu in, “ Bawipa, profet na si, ti ka lo thei.
20 Kannih Samaria mi kan pupa pawl cun hi tlang parah hin Pathian an rak biak; sikhalsehla nannih Judah mi cun Pathian cu Jerusalem ah biak ding a si, nan ti,” tiah a ti.
21 Jesuh cun a hnenah, “Nunaunu, ka lo simmi hi zum aw: Mi in Pathian cu hi tlang ah siseh, Jerusalem khalah siseh, an biak lo can a ra thleng ding.
22 Nannih Samaria mi cun nan biakmi nan thei ngaingai lo; asinain kannih Judah mi cun kan biakmi kan thei, ziangahtile rundamnak cu Judah mi hnen ihsin a ra.
23 Sikhalsehla Pathian Thlarau hruainak thawngin Pathian a bia taktaktu in Pa cu thlarau le thutak thawn an biak caan a ra thleng ding; a si, cuih caan cu atu ah a ra thleng zo. Cutiih biak cu Pathian in a duhmi a si.
24 Pathian cu Thlarau a si ih a betu pawl in thlarau le thutak in an bia ding,” tiah a ti.
25 Nunaunu in a hnenah, “Messiah cu a ra dingih a rat tikah cun ziang hmuahhmuah amah in, in sim leh ding,” tiah a ti.
26 Jesuh in, “Na hnenih a òong rerotu hi amah cu ka si,” tiah a ti.
27 Culaifang ah Jesuh dungthluntu pawl cu an rakir ih nunaunu thawn an biak awk rero kha an hmuh tikah an mang a bang ngaingai. Sikhalsehla zohman in cunu cu, “Ziangso na duh?” tiah an sut lo. Jesuh khal cu, “Ziangahso hi nu cu na biak?” tiah an sut ve lo.
28 Cule nunaunu cu a tithawl a tanta ih khuasung ih a vung feh hnuah mi senpi hnenah,
29 “Hlanih thil ka tuah cia mi hmuahhmuah i sim theitu pa hi ra zoh hnik uh! Amah hi Messiah cu a si pei maw?” tiah a ti.
30 Cuticun khuasung in an suak ih Jesuh hnen ahcun an feh.
31 Culai ah dungthluntu pawl in Jesuh cu, “Sayapa, rawl ei aw,” tiah an fial.
32 Anih in, “Nan theih lomi rawl ei ding ka nei,” tiah a ti.
33 Cule a dungthluntu pawl cun, “Pakhatkhat in rawl an rak pek a si pei maw?” tiah pakhat le pakhat an sut aw.
34 Jesuh in an hnenah, “Kei ka rawl cu i thlahtu ih duhnak tuah le hnaòuan i fialmi òuan òheh hi a si.
35 Òongòhimnak ah ‘Thla li hnuah rawl khawm caan,’ tiah nan ti. Sikhalsehla thungai in ka lo sim: Lo sung khi hei zoh hnik uh! Lorawl an thar zo ih rawl lak caan a cu zo a si.
36 Rawl a latu pa cu a hlawhman kha pek a si ih rawl cu kumkhua a nunnak hrangah a khawm. Cuticun thlaici a tuhtu le rawl a latu cu hmunkhat ah an lung a awi tlang ding.
37 Ziangahtile òongòhimnak ih ‘Mi pakhat in a tuh; a dang pakhat in a at,’ timi cu a dik zet a si.
38 Nan rak òuan dah lonak lo sungah fang at dingin ka lo thlah hai. Cutawkah midang ih an rak òuan cianak ihsin midang hnaòuan ruangah a miat nan ngah a si,” tiah a ti.
39 Nunaunu in, “Ka rak tuah cia mi hmuahhmuah i simsal òheh,” tiah a ti hrangah cuih khuasung ih a ummi Samaria mi tampi in Jesuh cu an zum.
40 A hnenah Samaria mi pawl an ra ih, “Kan hnenah cam hrih aw,” tiah an ra sawm ih ni hnih a cam.
41 Jesuh thusimmi an thei ih mi tam sinsin in an zum.
42 Cule nunaunu hnen ahcun, “Atu cu nangmah ih thusimmi ruangah si lo in kanmah rori in a thu simmi kan thei ih kan zum; amah hi leilung Runtu a si taktak ti khal kan thei,” tiah an ti.
Jesuh In Bawi Pakhat Ih Fapa A Damter
43 Cutawkah ni hnih a cam hnuah Jesuh cu a suak ih Galilee ah a feh.
44 Ziangahtile amah rori in, “Profet cu amah ih ram ahcun upatnak a ngah lo,” tiah a rak ti.Ref 4.44 Mat 13:57; Mar 6:4; Luk 4:24;
45 Galilee ih a thlen tikah cutawkih mipi pawl in an rak hmuak, ziangahtile Jerusalem khua Lantak Puai ah a feh ih cuih puai sungih a thil tuahmi hmuahhmuah an rak hmuh zo ruangah a si.Ref 4.45 Joh 2:23;
46 Cule Jesuh cu tidai kha sabittiih a rak canternak Galilee peng Kana khua ah a fehsal. Cutawkah acozah bawi pakhat a rak um ih a fapa pakhat Kapernaum khua ah a na.Ref 4.46 Joh 2:1-11;
47 Jesuh cu Judea ihsin Galilee a ra thleng ti a theih tikah a hnen ahcun a va feh ih, Kapernaum khua ah va feh in a thizikmi a fapa damter dingah zangfah a dil.
48 Jesuh in, “Hmuhsaknak le khawruahhar thil tla nan hmuh dah ti lo ahcun zohman in nannih pawl cun nan zum lo ding,” tiah a ti.
49 Cuih acozah bawipa cun, “ Bawipa, ka fapa a thih hlanah ra hram aw,” tiah a dil.
50 Jesuh in a hnen ahcun, “Va tlung aw, na fapa cu a nung ding,” tiah a ti.
Cupa in Jesuh ih òong cu a zum ih a tlung.
51 A tlunnak lamzin ihsin a hnenum pawl in an rak hmuak ih, “Na fapa cu a nung ding,” tiah an ti.
52 Anih in, “Ziangtik caan ah so ka fapa cu a dam deuh?” tiah a sut tikah annih in, “Mizan sun zanlam nazi pakhat ah a khurhnat a reh,” tiah an ti.
53 Cuih caan cu Jesuh in ‘Na fapa a nung ding,’ tiih a rak ti caante kha a si, tiah a pa cun a hun theisal. Cuticun amah le a innsang zate in an zum.
54 Himi hi Jesuh cu Judea ihsin Galilee ih a rat hnuah a vei hnihnak mangbangza a tuahmi a si.