16
“Nan zumnak ihsin nan tluksawn lonak dingah hi thu hi ka lo sim. Sinakok ihsin an lo dawi ding; zozo khalin nanmah thah hi Pathian hnaòuan ih an ruah caan a ra thleng ding. Mi in cutivek cun nan parah an tuah ding, ziangahtile Pa an thei lo ih keimah khalin thei lo. Asinan atu ihsin ka lo sim cia, ziangahtile nan parih an tuah ngaingai tikah in rak sim cia zo ti kha nan thei ding.
Thlarau Thianghlim Hnaòuannak
“Nan hnenih ka um ruangah a hramthok ihsin hi thu hi ka lo sim lo. Atu cu i thlahtu hnenah ka feh thlang ding; sikhalsehla zohman in khui ah na feh ding tiah in sut hrih lo. Hitiih ka lo sim hai ruangah nan thinlung cu riahsiatnak in a khat. Asinan thungaite in ka lo sim: Ka feh ahcun nan hrangah a òha sawn, ziangahtile ka feh lo ahcun nan hnenah Bawmtu a ra lo ding. Asinan ka feh ahcun amah cu nan hnenah ka run thlah ding. Cule a rat tikah leilungmi pawl hnenah sualnak thu an ruahdan a palh zia, thudik an ruahdan a palh zia le Pathian thuòhennak thu an ruahdan a palh zia pawl kha a langter ding. Sualnak thu an ruahdan a palh, ziangahtile keimah in zum lo ruangah a si. 10 Thudik an ruahdan a palh, ziangahtile ka Pa hnenah ka feh dingih in hmuh nawn lo ding ruangah a si. 11 Cun thuòhennak thuhla khalah an ruahdan a palh, ziangahtile leilung uktu bawi hi thuòhen cia zo a si ruangah a si.
12 “Nan hnenah sim ding tampi ka nei, asinain atu ahcun nan ciing thei cawk lo ding. 13 Sikhalsehla Thlarau a run tikah cun Pathian thutak langtertu a si ruangah thutak hmuahhmuah ah a lo hruai ding. Ziangahtile amah ih thuthu in zianghman a òong lo ding; asinain a theihmi kha a sim dingih a ra thleng leh dingmi thu tla kha a phuang ding. 14 Amah in sunlawinak i pe ding, ziangahtile ka sim cia mi kha a lak dingih nan hnenah a phuang ding. 15 Ka Pa ih neihmi hmuahhmuah cu ka ta a si, curuangah Thlarau in ka pekmi cu a la dingih nan hnenah a phuang ding, tiah ka lo tinak a si.
Riahsiatnak Le Lungawinak
16 “Tikcu rei lo teah in hmu nawn lo ding; cule caan malte hnuah in hmusal ding,” tiah Jesuh in a ti.
17 A dungthluntu òhenkhat pawl cun, “Cumi cu a tican ziang a si pei? Tikcu rei lo teah in hmu nawn lo ding; cule caan malte hnuah in hmusal ding, tiah in ti. Cule ‘Pa hnenih ka feh ding ruangah,’ ti tla in a ti fawn. 18 ‘Rei lo teah,’ timi hi ziang a ti duhnak a si pei? A sim duhmi hi kan thei thei hrimhrim lo!” tiah pakhat le pakhat an ti aw.
19 A hnenah thusuh an duh kha Jesuh in a thei ih an hnenah, “Kei in ‘Tikcu rei lo teah in hmu nawn lo ding; cule caan malte rei hnuah in hmusal ding,’ ka ti ruangah maw nannih pakhat le pakhat thu nan sut awk rero? 20 Thungaite in ka lo sim: Nannih cu nan òap nan ai ding nain leilung cu a lung a awi ding; nan riah a sia ding, asinain nan riahsiatnak cu lungawinak ah a cang leh ding. 21 Nunau in nau a hrin zik tikah natnak a tuar, ziangahtile nauhrin nat a ra thleng zo; sikhalsehla naute a suak ngah tikah cun lei tlunah naute thar pakhat a suah ruangah a tuarnak hmuahhmuah cu a hngilh òheh. 22 Cubangtuk in nannih tla nan si ve ding: Atu ahcun nan riah a sia, sikhalsehla ka lo hmusal dingih nan thinlung cu lungawinak in a khat ding; cuih lungawinak cu zohman in an lo lawng thei nawn lo ding.
23 Cuih ni a thlen tikah cun zianghman in sut nawn lo ding. Thungai in ka lo sim: Ka hmin in nan dilmi hmuahhmuah cu ka Pa in a lo pe ding. 24 Atu tiangah ka hmin in zianghman nan dil dah lo. Dil uh nan ngah ding; cuticun nan lungawinak cu a kim ding.
Leilung Ka Neh Zo
25 “Atu tiang cu hi thu pawl ka sim tikah tahòhimnak lawnglawng ka hmang. Sikhalsehla tahòhimnak hmang nawn lo in lailan in ka Pa ih thu ka simnak tikcu a ra thleng ding. 26 Cuih ni a thlen tikah a hnenah ka hmin in nan dil ding; nanmah ih ai ah ka lo dil sak ding tiah ka sim lo; 27 ziangahtile ka Pa amah rori in a lo duhdawt a si. Nannih in, in duhdawt ih Pathian hnen ihsin ka rat kha nan zum zo ruangah ka Pa in a lo duhdawt a si. 28 Pa hnen ihsin ka ra ih leilung ah ka ra thleng. Atu cu leilung ka tlansan dingih Pa hnenah ka feh ding,” tiah a ti.
29 Cun a dungthluntu pawl in a hnenah, “Atu ahcun tahòhimnak telh lo in lailante in, in sim ruangah, 30 ziang hmuahhmuah theitu na si, ti kan thei zo; curuangah thu kan lo suh rero a òul nawn lo. Cumi in Pathian hnen ihsin a rami na si, ti kha in zumter zo,” tiah an ti.
31 Jesuh in, “Atu ah in zum ngaingai maw? 32 Nan zate in òhendarh òheh nan si dingih nan inn ciar ah nan tlung ding; keimahte lawng in taan tikcu a ra thleng ding; a si, atu a ra thleng zo. Sikhalsehla Pa ka hnenih a um ruangah keimah lawng ngaingai cu ka si lo. 33 Keimah thawn nan pehzom awknak thawngin hnangamnak nan ngah theinak dingah hi thu hi ka lo sim. Leilung in harsat tuarnak a lo pe ding. Sikhalsehla nan ral òha uh; Leilung cu ka neh zo!” tiah a ti.