2
Thleidannak Nei Hlah Uh
1 U le nau pawl, sunlawinak Bawipa, kan Bawipa Jesuh Khrih a zumtu nan si ruangah ziangtik hmanah mi thleidannak nei hlah uh.
2 Thuòhimnak ah mi pakhat cu sui zunghruk le hnipuan òha zetzet thawn nan pumkhawmnak ah a ra ih mifarah pa cu sinfen òet òiamòiam thawn a ra ve.
3 Cutikah hnipuan òha zet a hruktu pa cu nan zohso ruangah a hnenah, “Hi tohkham òha bik ah ra to aw,” nan ti; asinain mifarah pa cu, “Khitawkah va ding aw; asilole ka ke kiang zial ahhin to aw,” nan ti a si ahcun,
4 nanmah lakah thleidannak nan nei ih thinlung òha lo par ihsin thuòhennak nan tuah a si.
5 Ka duhdawtmi u le nau pawl, ngai hnik uh. Pathian in leilungtlun mifarah pawl hi zumnak lamah milian si dingah le amah a duhdawtu pawl hnenih a kam cia mi a Uknak cotu dingah a hril hai a si lo maw?
6 Sikhalsehla nannih cun mifarah nan nautat. Zoso a lo hmuhsuamtu le thureltu pawl hmaiih a lo dir ciamcotu kha an si? Milian pawl an si, a si lo maw?
7 Pathian in nan hnenih a lo pekmi hmin òha a relsiatu khal anmah an si lo maw?b 2:7 * Nan hnenih a lo pekmi hmin òha timi hi ti an hnim tikah Jesuh hmin in an hnimmi a sim duhmi a si.
8 Ca Thianghlim sungih a ummi, “Na innhnen cu nangmah na duhdawt awk bangtuk in na duhdaw pei,”Ref 2:8: Pui 19:18; timi Pathian Uknak ih daan hi na thlun thei ahcun a dikmi na tuah a si.
9 Sikhalsehla a lenglamih hmuhnak in mi na thleidang a si ahcun na sual a si. Daan in daan buartu ah a lo hmu.
10 Cule zokhal thukham pakhat a buar ahcun thukham zate buartu a si.
11 Ziangahtile, “Òaangòawm sualnak tuah hlah,” a titu in, “Mi that hlah,”Ref 2:11 Suah 20:13, 14; Daan 5:18; a ti. Òaangòawm sualnak na tuah lo khalle mi na thah a si ahcun daan a buartu na si.
12 Curuangah kannih luatnak in petu daan ih thuòhen dingmi bangin nan òongdan le nan thil tuah zia pawl cu siseh, .
13 Mi hnenih zangfahnak a nei lomi cu Pathian in a thu a òhen tikah a tlunah zangfahnak a nei ve lo ding; sikhalsehla thuòhennak cu zangfahnak in a neh a si.
Zumnak Le Tuahnak
14 U le nau pawl, mi pakhatkhat in zumnak ka nei ti hmansehla a tuahnak ih a langter lo ahcun ziangso a òhathnem? Cuih zumnak in a runsuak thei ding maw?
15 Nan Khristian unau lakah mipa siseh, nunau siseh, hnipuan a tlasammi le ei-bar ding a nei lomi um bang hai sehla,
16 cupawl hnenah, “Pathian in lo thluasuah hram seh. Hlum tein um uhla rawl òha tein ei uh,” tiah nan timi cu an nunnak ih an òulmi nan pek si lo ahcun ziangso a òhathnem?
17 Cubangtuk in zumnak khal a si; tuahnak a tel lo ahcun zumnak cu a thi a si.
18 Sikhalsehla mi hrekkhat in, “Mi pakhat in zumnak a nei ih a dang pakhat in tuahnak a nei,” an ti ding. Ka thulehnak cu, “Tuahnak um lo ih zumnak lawng a neimi i hmuh awla kei in ka tuahnak in ka zumnak ka lo hmuh ding,” ti hi a si.
19 Pathian pakhat lawng a um, ti nan zum a si lo maw? Cuti nan zum cu a òha zet. Sikhalsehla khawsia pawl hman in Pathian pakhat a um ti an zum ve; asinain an òih ih an khur thlohthlo.
20 Ruahnak nei lo pawl! Tuahnak um lo cun zumnak cu santlai lo a si, ti hmuh nan duh maw?
21 Ziangtinso kan pu Abraham cu Pathian thawn rualremnak a co? A fapa Isaak biakòheng parah Pathian hnen thawinak hrangah a pek ih cuih a tuahnak ruangin rualremnak a co a si lo maw?Ref 2.21 Sem 22:1-14;
22 Cucu nan thei lo maw? A zumnak le a tuahnak an fehtlang. A tuahnak ruangah a zumnak a famkim a si.
23 Cule Ca Thianghlim in, “Abraham in Pathian a zum ih cuih a zumnak thawngin Pathian in miding ah a co a si,” a timi a kim. Curuangah Abraham cu, “Pathian ih rual,” tiah kawh a si.Ref 2.23 Sem 15:6; 2 San 20:7; Isa 41:8;
24 Hiti a si ruangah minung cu a zumnak lawngin si lo in a tuahnak ruangin Pathian thawn rualremnak a co ti nan thei a si.
25 Hlawhhlang nu Rahab thuhla khalah cuti thotho in a si. Thlingthlatu Israel mi pawl òha tein a tuamhlawm hnuah zin dang ih an tlansuahnak dingah a bawm; cubangtuk ih a tuah ruangah Pathian thawn rualremnak a co a si.Ref 2.25 Jos 2:1-21;
26 Cuti a si ruangah ruangpum cu thlarau lo cun a thih bangtukin zumnak khal tuahnak lo cun a thi ve a si.