JEIM
(James)
Hnen Ihsin Cakuat
Thuhmaihruai
Jeim cakuat hi, “Leitlun khuazakip ih a òekdarh aw mi Pathian ih minung pawl,” hnenah a kuatmi a si. Khristian nuncan umtu ziaza zirhnak pawl finkhawmmi a si. Cangantu hin a sim duhmi fianternak ah thuòhimnak tampi hmangin lennak le farahnak, sualforhnak, mi thleidannak, zumnak le òuannak, òong thulhna thiamnak, tawhawknak, tluangkhawnnak le tangdornak, midang soiselnak, uarawknak, thinsaunak le thlacamnak thu pawl tla fiang tein a langter.
Hi cakuat hin Khristian biaknak ahhin zumnak thluntu tuahnak le òuannak ih a thupit zia a langter a si.
1
1 Pathian le Bawipa Jesuh Khrih ih siahhlawh a simi keimah Jeim in leilungtlun khuazakip ah a òekdarhmi Pathian minung phun hleihniha 1:1 * a òekdarhmi Pathian minung phun hleihnih timi hi Grik cabu sung khalah “Israel” ti a telh lo ih Israel miphun hleihnih ai awhtu “ Khristian a òhekdarhmi pawl” tican a si tiin zumnak a um. nan hnenah cakuat in cibai ka lo buk.Ref 1.1 Mat 13:55; Mar 6:3; Tirh 15:13; Gal 1:19;
Zumnak Le Fimnak
2 U le nau pawl, nan hnenah hniksak harsatnak a phunphun a thlen tikah mi vannei kan si tiah ruat aw uh;
3 ziangahtile nan zumnak in cubangtuk hniksak harsatnak nan neh tikah tuar theinak a ra, ti nan thei.
4 Tlaksamnak zianghman um lo in a famkim le pitlingmi nan si theinak dingah a net tiang a tuar theitu si dingah zuam uh.
5 Nanmah lakah fimnak a tlasammi nan um ahcun Pathian hnenah dil sehla Pathian in a pe ding. Ziangahtile zo hnen khalah Pathian cun siang zet le zangfahnak thawn a pe a si.
6 Sikhalsehla cutiin a dil tikah thinlung òhukòhunnak um lo tein a dil pei ih ka ngah rori ding tiin a zum pei. Thinlung òhukòhunnak a neitu cu thli in hmun kipih a semmi tifinriat tisuar bangtuk a si.
7-8 Cubangtuk minung cu a thinlung a hmun lo ih a òhencat awk thei lo ruangah Bawipa ih hnenin zianghman ngah ding ring hlah seh.
Farah Le Lennak
9 A farahmi Khristian unau pakhatkhat Pathian ih bomnak in neinung ih a um tikah a lungawi ko seh.
10 Cule a lianmi Khristian unau kha mifarah ih a can asile a lungawi thotho seh. Ziangahtile milian pawl cu hramlak pangpar bangin an ziam ding.Ref 1.10-11 Isa 40:6-7;
11 Ni a suak ih pangpar kung cu niling in a em; pangpar cu a vuai ih a mawinak a ziam. Cubangtuk in milian pawl cu hnaihnok zet ih an hna an òuan laifangah an hloral ding.
Hniksaknak Le Sualforhnak
12 Hniksak harsatnak a tuar ih hngette ih a ding theitu cu mi thluasuak a si. Ziangahtile cubangtuk hniksaknak a neh thei ruangah Pathian in amah a duhdawtu pawl hrangih a tiam cia mi nunnak sui lukhuh a ngah ding.
13 Cubangtuk hniksaknak cu mi in an ton tikah, “Pathian in i hniksak a si,” tiah zohman in ti hlah seh. Ziangahtile Pathian cu sualnak in a hniksak thei lo ih amah khalin zohman a hniksak hai lo a si.
14 Sikhalsehla minung cu sualforhnak a ton tikah amah ih taksa hiarnak in a thlem ih thang vekin a awh òheu.
15 Taksa hiarnak in fa bangih a vonmi le a hrinmi cu sualnak a si; cule sualnak cu a òhangih rah a rah tikah thihnak a suahter.
16 Ka duhdawtmi u le nau, ruat sual pang hlah uh.
17 A òhami le a famkimmi laksawng hmuahhmuah cu vancung ihsin a rami an si. Vancung tleunak a tuahtu Pathian hnen ihsin a rami an si. A siammi thil pawl cu an thleng aw nain Pathian cu a thleng aw dah lo; tikcu a her awk khalle Pathian hnen ahcun khawthim ti a um dah lo.
18 Amah ih lungkimnak in sersiammi kan si ih kanmah sersiamnak ah thutak òongkam a hmang. Hiti a si ruangah a siammi thil hmuahhmuah lakah kannih cu rah hmaisabik kan si.
Theihnak Le Tuahnak
19 Ka duhdawtmi u le nau pawl, hi thu hi cing ringring uh: Zokhal thu theih duhnak lam ahcun a zamrangmi si uhla òong ding le thinhennak lam ahcun khulfungmi si uh.
20 Milai ih thinhennak in Pathian ih tumtahnak a dingmi cu a hlensuah thei lo.
21 Curuangah fihnung le a baalmi ziaza òha lo hmuahhmuah cu hlon òheh uh. Pathian hnenah hlan aw uhla nan thinlung sungih khum cia mi nan thlarau runsuak theitu thu kha fektein pom uh.
22 A thu kan theih takah a tawk ko ti men in nanmah le nanmah bum aw hlah uh. Nan theihmi kha a tuahsuak tum uh.
23 A theih lawng a thei ih a tuahsuak lotu cu thlalang ah a hmel a zoh awtu bangtuk a si. Amah cu thlalang ah a hmel a zoh aw ih a si vek cekci in a hmu aw.
24 Fel zet in a zoh awk hnuah a feh ih hmakhat teah a hmel ziangvek a si, ti a thei nawn lo.
25 Sikhalsehla mi a luattertu, a famkimmi daan kha fel zet ih a zoh ringringtu cu a thei mentu le a hngilhtu si lo in a tuahsuaktu a si; cutiin a tuahsuak ruangah Pathian ih thluasuahmi a si ding.
26 Biaknak lamah ka taima a si a titu nan um maw? Nan hmurka nan uk thei lo ahcun nan zumnak parih nan taimaknak cu santlai lo a si ih nanmah le nanmah a bum awtu nan si.
27 Pathian kan Pa in a taktak le a thiangmi biaknak ih a ruahmi cu: Farah zonzai le nuhmei an harsatnak le an tuarnak ah òha tein kilkhawi le khawvel sualnak sungih buahcihter aw lo dingin mah le mah fingkhawi awk kha a si.