3
Miphun Hmuahhmuah Thu A Òhen Ding
Judah le Jerusalem mivannei ih ka tuah ni le tikcu ahcun, miphun hmuahhmuah cu hmunkhat ah ka ko khawm dingih, Bawipa ih Thuòhennak Horkuama 3:2 Bawipa Ih Thuòhennak Horkuam timi hi a hmin ngaingai cu Jehoshafat ti a si. Bawipa in thu a òhen, tican a si. ah ka vun hruai hai ding. Ka miphun a simi Israel ai awh in an thu ka òhen ding. Ziangahtile ka minung pawl an ramsung ciar ah an òhekdarh hai ih ka ram cu an òhen aw òheh. Ka minung pawl cu camcawhfung zuuk in an zem aw. Cuih tlunah mipa nauhak le nunau nauhak sal ah an zuar ih an ngahmi paisa in hlawhhlang an leeng ih zu in dingah zu an lei.
Ka hrangah ziangso nan si nannih Òaiar le Sidon le Filistin ram pawl? Ka parah phuba lak nan tum maw si? Ka parah ziangtal phuba lak theimi nan nei maw? Nan neih a si ahcun cak zet le zamrang zet in nan thil tuahmi cu nan lu parah ka kirter ding. Ziangahtile ka sui le ka ngun le ka hlawnthil sunglawi pawl cu nan biakinn ah nan thiar òheh. Judah le Jerusalem mi pawl cu an ram ihsin lamhlapi ah nan fehpi ih Grik mi pawl hnenah nan zuar. Sikhalsehla nan zuarnak hmun ahcun ka forh hai dingih cuih hmun cu an tlansan ding. Nan thil tuahmi cu nan lu parah ka kirter ding. Nan fanu le nan fapa pawl Judah mi hnenah ka zuar dingih annih in lamhlapi ih a ummi Seba mi hnenah an zorh ding. Bawipa in a sim zo.Ref 3.8 Isa 14:29-31, 23:1-18; Jer 47:1-7; Ezk 25:15-28:26; Amo 1:6-10; Zef 2:4-7; Zek 9:1-7; Mat 11:21-22; Luk 10:13-14;
“Hi thu hi miphun hmuahhmuah
hnenah than uh;
Raldo dingah timtuah uhla
nan ralkap tho hai seh.
Raldo ding hmuahhmuah cu
hmunkhat ah tong aw in feh hai seh.
10 Nan lei lehnak tuhmui pawl cu
ralnam ah ser uh;
Nan thingfa cehnak cehrep cu
feipi ah tuah uh.
Mi derdai bik khalin do ve hai seh.Ref 3.10 Isa 2.4; Mik 4.3;
11 Zamrang in ra suak uh,
Kiangkap miphun hmuahhmuah,
Cutawkah tongkhawm aw uh,” a ti.
Maw Bawipa, na ralkap pawl,
raldo dingah run kuat aw.
 
12 “Miphun hmuahhmuah in
raldo dingah pok hai seh;
Bawipa ih Thuòhennak
Hmunrawn ah feh hai seh.
Ziangahtile miphun hmuahhmuah
thuòhen dingah, cutawkah ka to ding.
 
13 “Rawl lak a cu, namkawi suah uh;
Ra uh, sabit ra sawr uh.
Sabit sawrnak khur a khat,
ralca beel an liam.
An sualnak a nasa ngaingai a si.Ref 3.13 Thup 14:14-16;
14 Mi thawng tampi an um,
Thuòhennak Horkuam sungah.
Thuòhennak Horkuam ah
Bawipa ih ni a nai zo.
15 Ni le thlapi cu an thim.
Arsi an tleu nawn lo.
Pathian In A Minung A Thluasuah Ding
16  Bawipa cu Zion ihsin a hruum ding;
Jerusalem ihsin a aw a suah ding.
Cutikah lei le van an hnin òheh ding;
Asinan a minung hrangah
Bawipa cu an beunak a si;
Israel hrangah amah cu
an himnak òanhmun a si.Ref 3.16 Amo 1:2;
17 “Cutiin keimah cu
Bawipa nan Pathian ka si kha
nan thei ding;
Ka tlang thianghlim Zion ih a ummi ka si!
Jerusalem cu khua thianghlim a si ding;
Ramdangmi zohman in,
Jerusalem khua sung an pal thei lo ding.
18 Cuih ni ahcun tlangsang ihsin
Sabitti a puut ding;
Tlang fatete ihsin cawhnawi a luang ding.
Judah ram tiva hmuahhmuah ah
tidai an luang ding;
Bawipa ih inn ihsin
cerhti a puut dingih,
Sittim phairawn in tidai a ngah ding.
 
19 “Asinan Izipt cu nelrawn ro ah
a cang dingih,
Edom ram cu thlaler ramòhing ah
a cang ding.
Ziangahtile Judah ram ah
thil poimawh an tuah ih,
Mawh nei lo thisen an suahter
ruangah a si.
20 Sikhalsehla Judah ram ah
kumkhua in minung an tlangleng ding;
Jerusalem ah cat lo in minung an um ding.
21 An thisen man cu keimah in
phuba ka la ding;
Bawipa keimah cu
Zion ah ka um ding,” a ti.