3
1 Bawipa ih òong cu Jonah hnenah a ra thlengsal ih,
2 “Tho awla a nasa zetmi khualipi Nineveh ah feh aw; ka lo sim cia mi vekin ka thu va phuang aw,” tiah a ti.
3 Jonah in Bawipa ih thu a thlun ih Nineveh khua ah a feh. Nineveh cu khua tum ngaingai a si ih khuasung cu ni thum sung feh a si.
4 Nikhat sung a feh ih Nineveh khua ahcun thu a sim: “Ni sawmli hnuah Nineveh khuapi hi a cem ding,” tiah a tlang au ciamco.
5 Cutikah Nineveh khua mi pawl in Pathian an zum. Nauta bik in upa bik tiang buri hnipuan an hruk ih rawl an ul.Ref 3.4, 5 Mat 12:41; Luk 11:32;
6 Cuih thu cu Nineveh siangpahrang in a theih tikah a siangpahrang tohkham ihsin a tho ih a lal hnipuan a hlit hnuah buri hnipuan a hruk ih vutcam lakah a to.
7 Cule Nineveh khuasung ah thu a than ih, “Nineveh siangpahrang le a tlangsuak pawl ih thuthanmi cu: Minung siseh, òilva siseh, caw siseh, tuu siseh, zianghman nan ei lo pei; rawl nan ei lo pei ih tidai khal nan in lo pei.
8 Minung siseh, ramsa siseh, nan zate in buri hnipuan nan hruk pei ih nan aw neih patawp in Pathian nan ko pei. Zozo khal a thil sual tuahmi le a siatnak tlansan seh.
9 Kan hlohral òheh lonak dingah Pathian in a thin a supsal ih a thinhennak a daiter khal a si thei,” tihi a si.
10 Cutiih an tuahmi le an nundan òha lo pawl an tlansan kha Pathian in a hmuh tikah a thin a supsal ih an parah thlenter dingih a tummi siatsuahnak cu a thlengtersal lo.