JONAH
Thuhmaihruai
Jonah cabu hi Baibal sungih a dang profet cabu tla thawn an bang aw lo. Zianghrangah tile himi cabu hin a simmi cu Pathian ih fialmi ngai duh lo ih rak tlanhlo tumtu profet ih thuhla a sim. Israel ih ral a simi Assiria khuapi Nineveh ah feh a fial. Asinan Jonah cun feh a duh lo. Pathian in a cuih khua kha siatsuah ding a timi khal a siatsuah ngaingai lem lo ding tiah Jonah in a zum. Amah ih taksa parah hmuhsaknak thu dangdang a um hnuah duh lo nacing in a fehsal ih Nineveh a siat ding tiih a rak simmi kha a siatsal lo ngaingai tikah a thin a hengzet.
Hi cabu sungah Pathian cu a semsuahmi hmuahhmuah uktu a si, ti thu a um. A simmi hmuahhmuah lakah a thupi bik cu: Pathian cu duhdawtnak le zangfahnak neitu a si ih a ral pawl rori hman kha harsatnak pek ih hremsiat hnakin an sualnak ngaithiam in anmah runtu a si sawn, ti thu a langter.
1
Jonah In Pathian Thu A Ngai Lo
1 Nikhat ni ah Amittai ih fapa Jonah hnenah Bawipa in hiti hin a sim.Ref 1.1 2 Siang 14:25;
2 “Tho awla a nasa zetmi khualipi Nineveh ah va feh awla a sual zia va phuang aw. An òhat lo zia hi ka hmu òheh a si,” a ti.
3 Sikhalsehla Jonah cu Pathian hnen ihsin tlan dingah Tarshish khua ah feh a tum. Joppa khua ah a vung feh ih cutawkah Tarshish feh ding lawng pakhat a hmu. Lawng man a pek ih Bawipa ih hmuh ban lonak Tarshish khua ih feh dingah lawng parah cun a kai.
4 Asinan Bawipa in thlipi nasa zet in a hranter ih tifinriat parah cun tilet maksak a tho ih an lawng cu a kuai òheh zik.
5 Long hnaòuantu pawl an thin a phang ngaingai ih an khawzing hnen ciar ah heh-le-heh tiah thla an cam ciamco. Cule an lawng zang seh tiah lawng thilri tampi tidai sungah an hlon. Culai ah Jonah cu hnuaita khaan ah a rak itthat.
6 Lawng bawipa cu a ra ih, “Ziangvek minung so na si, na rak ih thah men? Tho awla na khawzing hnenah thlacam hmen! Na khawzing in hlohter siang lo in, in run ruat khal a si thei men sokhaw!” tiah a ti.
7 Cule netabik ah lawng hnaòuantu pawl cun, “Ra hnik uh, hitlukih kan van a siat hi zo ih ruangah so a si, camcawhfung kan zuuk hnik pei,” tiah an ti. Camcawhfung cu an zuuk ngaingai ih Jonah parah a tla riai!
8 Cutikah a hnenah, “Hitlukih kan van a siat hi zo ih ruangah so a si, in sim hnik? Zianghna so na òuan? Khui ram in so na rat? Ziang miphun so na si?” tiah an sut ciamco.
9 Jonah cun an hnenah, “Hebru mi ka si ih tifinriat le leilungpi a tuahtu vancung Pathian Bawipa a betu ka si,” tiah a ti.
10 Cun Jonah in Pathian hnen ihsin a tlan thu a sim hai tikah lawng hnaòuantu pawl cu an òih sinsin ih, “Ziangahso hibangtuk thil cu na tuah?” tiah an kawk ciamco.
11 Cule annih in, “Thlisia dai dingah ziangtinso kan lo ti ding?” tiah an suut. Ziangahtile thlisia cu a zual deuhdeuh!
12 Cutikah Jonah cun, “Tidai sungah i hlon uhla thlisia hi a dai ding. Hitiih thlisia nasa zet ih a hran hi keimah ih ruangah a si, ti ka thei,” a ti.
13 Long hnaòuantu pawl cun leilung lam pan dingah an hlau rero nain tilet cu a nasa deuhdeuh ruangah an ti thei hrimhrim lo.
14 A netnak ah Bawipa ih hnenah an au ih, “Maw Bawipa, hi minung pakhat ruangah hin kan zate in in cemter siang hram hlah aw. Mawh nei lo thisen kan parah tla lo dingin in zangfah hram aw. Maw Bawipa, nang cun na duh bangin ziang hmuahhmuah hi na cangter a si,” tiah thla an cam.
15 Cuih hnuah Jonah cu an cawi ih tifinriat sungah cun an hlon; cule tilet cu a dai.
16 Cutikah lawng hnaòuantu pawl in Bawipa cu an òih ngaingai ih thawinak an pek hnuah amah rian dingin thu an kam aw.
17 Bawipa in Jonah dolhtu dingah ngapi a fial ih Jonah cu ngapi pum sungah ni thum le zanthum a um.Ref 1.17 Mat 12:40;