6
Gideon
Bawipa ih hmaiah Israel mi pawl an sual lala ruangah Midian mi pawl ih kut sungah Bawipa in kum sarih sung a umter. Midian mi in Israel mi cu nasa zet ih an neh nen hai ruangah Israel mi cu tlang parih lungpuk, leikua le himnak hmun kipah an relh. Israel mi in lo an rih tikah Midian mi, Amalek mi le nelrawn miphun pawl an ra ih an ra do òheu. Cu lawng si lo in Israel ram sungah buk an sam ih an thlaikho hmuahhmuah cu thlanglam ih a ummi Gaza khua kiangkap tiangin an siatsuah thluh òheu. Israel mi pawl cawmawknak hrangah tuu, caw le laak pakhatte hman zuah lo in an lon sak thluh òheu. Minung lawng si lo in an òilva le an puanthlam pawl thawn an ra cer ih an tam zia cu kharbok zatg kharbok zat ti tikah culai san ahcun kharbok a burpi in an suak ih lorawl tla an ei thluh òheu. An zam tikah ni tla an phen thei a si. an si. Anmah le an kalauk pawl cu siar cawk an si lo. Israel ram cu an siatsuah ngaingai. Asinan Israel mi pawl cun tuah theimi zianghman an nei lo ih an cang thei lo.
Midian mi pawl in an hrem ruangah Israel mi pawl in Bawipa an ko ih, Bawipa in an hnenah profet pakhat a run thlah. A cuih profet in Israel ih Bawipa Pathian ih thu cu hitiin an hnenah a sim, “Sal nan tannak Izipt ram ihsin keimah in ka lo suah a si. Izipt mi pawl le hi ram ih a lo dotu pawl kut sung ihsin ka lo run a si. Nan hmai ihsin nan ral pawl cu ka dawi ih an ram pawl nanmah ka lo pek. 10 Keimah cu Bawipa nan Pathian ka si ih an ram sungih nan umnak Amor mi ih khawzing pawl nan biak lo pei tiah fiang tein ka lo sim zo. Asinan ka thu nan ngai duh lo,” tiah a ti.
11 Cun Bawipa ih vancungmi a ra ih Abiezer hrin Joash ih khua Ofrah an timi khua kiangih sasua kung hnuai ah a to. Cule Joash fapa Gideon cu Midian mi pawl hmuh phan ah a thup aw ih sabitti sawrnak sungah a thup tein sangvut a cil rero. 12  Bawipa ih vancungmi cu Gideon hnenah a lang ih, “Nangmah cu mi ralòha na si ih Bawipa na hnenah a um a si,” tiah a ti.
13 Gideon in vancungmi hnen ahcun, “Bawipa, thu pakhat ka lo sut hnik pei: Bawipa Pathian kan hnenih a um ngaingai asile ziangahso hibangtuk thil pawl hi kan parah a thlen? Izipt ram ihsin Bawipa in, in suahpi a si, tiih kan pupa pawl ih in simmi Pathian ih tuahmi mangbangza pawl cu atu khuiahso an si thluh? Bawipa cun in dungtun zo a si. Midian mi pawl ih kut sungah in hlonta a si hi,” tiah a ti.
14 Cutikah Bawipa in, “Feh awla, na cahnak hmuahhmuah hmang awla Israel mi pawl cu Midian mi kut sung ihsin luatter aw. Keimah in ka lo fial a si,” tiah thu a pek. 15 Cule Gideon in, “Sikhalsehla Bawipa, ziangtinso Israel cu ka luatter thei ding? Manasseh hrin lakah ka sungkhat pawl cu a òawnòai bik an si ih ka sungkhat lakah kei hi farah nauta bik ka si,” tiah a ti.
16 Asinan Bawipa in, “Keimah ih ka lo umpi ruangah na tuah thei ding. Midian mi pawl cu minung pakhat neh tluk in ol zet in na neh thluh ding,” a ti.
17 Gideon in, “Na mithmai òha ka co a si ahcun ka hnenih a òongtu hi nangmah rori na si, ti fiangternak ah thil pakhatkhat ka hnenah langter aw. 18 Cule na hnenih pek ding laksawng thawinak ka rak ken lai hlan lo hitawk hmun ihsin rak òhawn hram hlah aw,” tiah a dil.
Cun vancungmi cun, “Na ra kirsal hlan lo ka um ko ding,” tiah a ti.
19 Curuangah Gideon cu a feh ih me thuangte a suang ih bawm sungih sangphut ihsin thilnu tello sang a tuah. A suanmi sa cu a bawm sungah a san, tihang beel in a keng ih sasua kung hnuai ih vancungmi hnen ahcun a fehpi ih a va pek. 20 Cutikah vancungmi in, “Sa le sang cu hi lungto parah hin ret awla na kenmi tihang cu a parah toih aw,” tiah a fial. A fial vek cun Gideon in a tuah òheh. 21 Cule Bawipa ih vancungmi in a vun dawh ih a kut in a kenmi funghreu zim in sa le sang cu a vun tawh. Cu ve tein lungto ihsin meisa a suak ih sa le sang pawl cu a kang thluh. Cule vancungmi cu a hlo.
22 Cutikah Bawipa ih vancungmi ngaingai a si, ti kha Gideon in a thei fiang ih, “Ailaw! Cungnungbik Pathian! Bawipa Pathian ih vancungmi hmaiton tein ka hmu ual,” tiah khur phahin a ti.
23 Asinan Bawipa in, “Phang aw hlah. Hnangam tein um aw. Na thi lo ding,” tiah Gideon cu a ti. 24 Cutawkah Bawipa ih hnenah Gideon in biakòheng a don ih, “ Bawipa cu daihnak a si,”h Bawipa cu daihnak a si, ti cu Hebru òong in Yahweh Shalom an ti. tiah hmin a sak. (Biakòheng a donmi cu Abiezer hrin pawl ih khua Ofrah ah tuih san tiangin a um lai.)
25 Cuih zan ah Bawipa in Gideon cu, “Na pa ih cawcang le a dang cawcang kum sarih ti lak aw; Baal khawzing hrangih a donmi na pa ih biakòheng cu bal awla a kiangih a phunmi thingih tuahmi milem Asherah hi hau aw. 26 Cule hi tlangmual ahhin Bawipa na Pathian hrangah fek zet le òha zet in biakòheng don aw. Cun a pahnihnak cawcang cu that awla a parah mei-ur thawinak ah pek aw; a urnak ah na haumi milem Asherah zanthing kha hmang aw,” tiah a ti. 27 Gideon in hnenum pahra a hruai ih Bawipa ih a sim bangtukin a tuah thluh. A sungkhat pawl le khuasung mi ih hmuh a phan ruangah sun ah tuah ngam lo in zan ah a tuah.
28 A thaizing zingpit ah khuasung mi pawl an tho ih Baal hrangih biakòheng le milem Asherah pawl balsiat thluh ih a um kha an hmu. Cuih tlunah cutawkih donmi biakòheng parih cawcang meisa in urmi tla an hmu fawn. 29 Cutikah, “Zoso hitiin a tuah?” tiah pakhat le pakhat an sut aw. A thuhla an zingzoi vivo ih a netabik ah Joash ih fapa Gideon in a tuah a si, ti kha an thei. 30 Cule Joash hnenah khuasung mi pawl in, “Na fapa rak suah awla kan that ding. Baal biakòheng a bal ih a kiangih milem Asherah a hau a si,” tiah an ti.
31 Cutikah a rak fuktu mi senpi hnenah Joash in, “Baal lam òang in maw nan tong? Baal cu nan run ding maw si? Baal a òantu hmuahhmuah cu zingthlapit ah thah thluh nan si ding. Baal cu pathian a si ngaingai ahcun a biakòheng an bal ruangah a mahte in òan aw seh,” tiah a ti. 32 Cuih thok ihsin Gideon cu Jerub-baali Jerub-baal ti cu Baal cu amah tein òan aw seh tican a si. tiah an ti, ziangahtile Joash in, “Baal cu amah tein òan aw seh; amah ih biakòheng a sisi an bal,” a ti ruangah a si.
33 Cule Midian mi, Amalek mi le nelrawn mi pawl hmuahhmuah an khawm aw ih Jordan Tiva an tan hnuah Jezreel phairawn ah an riak. 34  Bawipa ih thlarau cu Gideon parah nasa zet in a rung thleng. Tuucang ki tawtawrawt a phawt ih Abiezer hrin pawl cu amah thlun dingin a ko. 35 Manasseh hrin pawl ih ramsung hmuahhmuah ah mi a thlah ih amah thlun dingin a ko òheh. Asher hrin, Zebulun hrin le Naftali hrin pawl hnen khalah mi a thlah ih amah thlun dingin an pan ciamco.
36 Cutikah Gideon in Pathian hnenah, “Israel runtu dingah ka lo hmang duh a si, i ti. 37 I hmang duh ngaingai asile sangvut kan cilnak hmunah tuuhmul ka ret. Thaizing ah tuuhmul par lawnglawng ah daitla a um ih a hnuai leilung a ro a si ahcun Israel mi runtu dingah i hmang duh ngaingai a si, ti ka thei ding,” a ti. 38 A ti vek cun a cang ngaingai. A thaizing zingpitte ah Gideon cu a tho ih tuuhmul a sawr tikah daitla cu kheng khat a sawr. 39 Cule Gideon in Pathian hnenah, “ Bawipa, na thinheng hram hlah aw. Veikhat tein na hnenah ka òong hrih ko pei. Zangfah tein tuuhmul in hniksaknak ka tuah hrih pei. Tuih òum cu tuuhmul sawn hul in leilung ah dai tla sawnseh,” tiah a ti 40 Cuih zan ah a ti vek cun Bawipa in a tuah thluh. Tuuhmul lawng a hul ih a hnuai ih leilung cu daitla in a ciar òheh.