5
Deborah Le Barak Ih Hla
1 Cuih sun ah Deborah le Abinoam ih fapa Barak in hi hla hi an sak:
2 Bawipa cu thangòhat uh!
Israel hotu nasa zet in an òang,
Israel mi pawl tha tho zet in
ral an do ruangah,
Bawipa cu thangòhat uh.
3 Maw siangpahrang pawl, ngai uh;
Maw uktu pawl, theihnik uh;
Bawipa ih hnenah awnmawi
ka tum dingih hla ka sak ding,
Bawipa, Israel Pathian hnenah.
4 Maw Bawipa,
Seir tlang ihsin na pok ih,
Edom ram rawn na pal tikah,
Leilung a hnin durdo ih
van ihsin ruah a sur;
A si, khawdur ihsin tidai an tla.
5 Sinai Tlang ih Bawipa ih
hmai ahcun,
Tlang pawl an hnin aw;
Bawipa, Israel ih Pathian
hmai ahcun.Ref 5:5 Suah 19:18;
6 Anath ih fapa Shamgar san ah,
Jael ih san ahcun,
Khual tlawnnak lamzin
a òhing reprep,
A tlawng pawl cun zinte an zawh.
7 Israel khua pawl an òhing thluh,
Riangvai za in an dai òhepòhep;
Israel ih nu a simi Deborah
na thlen hlanah cun.
8 Israel in khawzing thar pawl
a hril tikah,
Doral an khua kotka an ra thleng;
Israel mi thawng sawmli lakah,
Phaw le feipi kengtu pakhat tal
an um maw?
9 Ka thinlung Israel ralbawi pawl
hnenah a cam ringring;
Thinlung tho teih ral a dotu
Israel mi hnen ahcun.
Bawipa cu thangòhat uh!
10 Hi thu cu sim ciar uh,
Laak raang parih a to mi pawl;
Rang todan parih a tomi pawl le,
Ke lawngte in a fehtu pawl khal
in sim ciar uh.
11 Ngai hnik uh!
Tikhur kiangih mipi au thawm cu,
Bawipa ih nehnak an aupi a si;
Israel miphun ih nehnak cu!
Bawipa ih minung pawl cu
an khua ihsin an vung feh.
12 Tho aw, Deborah,
tho awla hruai aw;
Tho aw, hlasak phahin
hruai hai aw.
Hmai ah, Abinoam ih fapa Barak,
Na kaih mi pawl hruai hai aw.
13 Israel mi pawl cu
an hotu hnenah an rung;
Bawipa ih minung pawl
raldo dingin an ra.
14 Efraim hrin pawl
phairawn an thleng,
Benjamin hrin pawl in an run thlun.
Makhir ihsin ralbawi pawl,
Zebulun in bawi pawl an rung.
15 Issakhar hotu pawl cu
Deborah thawn an ra,
A si, Issakhar a ra, Barak thawn,
Phairawn ram ahcun an vun thlun.
Reuben hrin pawl cu an òhen aw,
Feh ding thu an relcat thei lo.
16 Ziangahso tuukhal pawl
dungah an din ringring?
An tuu kawhnak ngai dingah maw?
A si, Reuben hrin pawl cu
an òhenòhek aw;
Tel ve dingah an relsuak thei lo.
17 Gad hrin pawl Jordan khatlam
ralah an um,
Dan hrin pawl cu òilva tlannak
ram ah an um.
Asher hrin pawl cu
tifinriat kapah an um,
Tikap ahcun an um men ringring.
18 Asinan Zebulun le
Naftali hrin pawl cu,
Sa le ral lakah an nunnak pek
19 Siangpahrang pawl
an ra ih ral an do,
Megiddo tiva kiang
Taanak khua ahcun;
Kanaan siangpahrang tla in an do,
Asinan sumsaw lonmi an nei lo.
20 Van ih arsi pawl khalin,
Van ih an fehnak ihsin,
Sisera cu an do ciamco.
21 Kishon tiva a lian ih
a fen thluh hai,
A luang kumkhua mi Kishon cun.
Cak sinsin in hmaiah ka nor ding.
22 Cule rang pawl cu an tlan ciamco,
An ketin in leilung an khawn ciamco.
23 “Meroz cu siatserh si ko seh,
Khuasung mi pawl siatserh si ko seh;
Ziangahtile Bawipa bawm dingah
an suakduh lo,
Bawipa ih ral an do lo,” tiah
Bawipa ih
vancungmi in a ti.
24 Jael cu nunau lakah
vannei bik a si,
Ken mi Heber ih nupi cu;
Puanthlam ih a ummi nunau lakah,
Jael cu mi sunglawi bik a si.
25 Sisera in tidai a dil ih
cawhnawi a pek,
Kheng mankhung in
cawhnawi hlap a pek.
26 A kehlam kut in puanthlam
khennak fungzum a kai,
A vorhlam kut in hnaòuantu ih
sobul a thlir,
Sisera ih lu a hnakhang cu a khen,
A tlang ih a sop thluh.
27 Sisera cu a sawn ih a ril,
Jael ih kehram ahcun a ril riai;
A kehram ahcun a sawn ih a ril,
A rilhnak hmun ahcun a thi.
28 Sisera ih nu cun sangkate in
khua a cuan,
Tukvirh ong in khuaza a thlir;
“Ziangahso a rangleng
a thlen dah lo?
Ziangahso a rang pawl hi
an tlai e,” a ti.
29 A nunau lakih
a fim bik pawl in an sawn,
An simmi cu amah in
a nolhsal vivo.
30 “An lon mi thil le sumsaw
an zem aw,
Ralkap pakhat hrangah fala
pakhat maw pahnih maw,
Sisera hrangah puan òelh mankhung,
Siangpahrang nu ih
hngawng hrangah coihcinmawi
31 Curuangah, Maw Bawipa,
na ral pawl cu hloral hai seh,
Asinan nangmah a lo duhdawtu cu,
Zinglam ih a suakmi
ni bangtukin cak hai seh.
Cun ram sungah raldaihnak kum sawmli sung a um.