17
Mikah Ih Milem Pawl
Efraim tlangpar ram ah Mikah an timi mipa pakhat a um. Veikhat cu a nu hnenah, “Na ngun tangka thawngkhat le zakhat an ruk lai ah a rutu kha na cam ciamco a si. Na cam lai rori ka lo thei a si. Zoh hnik, na ngun tangka cu ka hnenah an si. Keimah in ka lak,” tiah a ti.
Cutikah a nu in, “ Bawipa in lo thluasuah hram seh, ka fapa,” tiah a ti. Cule a fapa in ngun tangka thawngkhat le zakhat cu a nu hnenah a peksal. Cutikah a nu in, “Ka siatserhnak cu na parih thleng lo dingah hi tangka hi atu ihsin Bawipa ih hnenah ka pek ih thing ih tuahmi milem le burmi milem tuahnak ah a si pei. Curuangah hi tangka cu atu na hnenah ka lo peksal a si,” tiah a ti. Mikah cun a nu ih hnenah tangka cu a khirhsal. A nu in ngun tangka zahnih a lak ih ngunsertu hnenah a pek. Cule ngunsertu cun milem ah a bur ih a tuah. Cule Mikah ih inn ah an ret.
Mikah cu amah tein biaknak inn a nei. Milem pawl a tuah ih puithiam angki òaangthlaih khal a tuah. Cule a fapa pawl lakah pakhat cu puithiam ah a ret. Culai ahcun Israel ram sungah siangpahrang an um lo ih mikip in an duhduh in an nung.Ref 17:6 Thuò 21:25;
Judah ram Bethlehem khua ah tlangval pakhats tlangval pakhat timi hi Baibal hrekkhat sungah Ben Gershom tiin a um. a um. Amah cu Judah ram ih a ummi Levi miphun a si. Veikhat cu khawdang vai dingin Bethlehem khua ihsin a suak. A feh vivo ih Efraim tlang parih a ummi Mikah inn ahcun a thleng. Cutikah Mikah in, “Khuitawk in so na rat?” tiah a sut.
Tlangvalpa cun, “Judah ram Bethlehem khua ihsin ka ra ih Levi miphun ka si. Umhmun khuarnak ka hawl vivo a si,” tiah a ti.
10 Cutikah Mikah in, “Ka hnenah hin um aw. Ka hrangah remruattu le puithiam si awla kum khat ah ngun tangka fanghra ka lo pe ding. Hnipuan khal ka lo pek dingih rawl khal ka lo cawm ding,” tiah a ti. 11 Levi tlangvalpa cun Mikah hnenih um cu a lung a kim ih a fapa vek rori ah a cang. 12 Cule Mikah in a puithiam ah a tuah ih a inn ah a um. 13 Mikah cun, “Levi mi ka puithiam ih ka neih ruangah atu cun Bawipa in i hlawhtlingter ding ti ka thei,” tiah a ti.