14
Samson Le Timnah Fala
1 Samson cu Timnah khua ah a vung leng ih cutawkah Filistin fala pakhat a hmu.
2 An inn ih a tlunsal tikah a nu le a pa hnenah, “Timnah khua ah Filistin fala pakhat ka hmu. I biaksak hram uh. Ka òhi duh a si,” tiah a ti.
3 Asinan a nu le a pa cun, “Ziangahso serhtan lomi Filistin mi pawl ih nunau cu nupi ah na duh ngelcel? Kan sungkhat le kan miphun pawl lak ahhin na duhmi fala pakhat hman an um lo maw si?” tiah an ti.
Asinan Samson in, “In òhit sak dingih ka duhmi cu amah pakhat lawng hi a si. Amah lawng ka duhmi a si,” tiah a pa hnenah a ti.
4 Filistin mi pawl do dingah Bawipa in tikcu òha a hawl ruangah Bawipa in Samson cu hitiin thil a tuahter a si, ti kha a nu le a pa in an thei lo. Culai ahcun Israel mi uktu cu Filistin mi an si.
5 Samson cu a nu le a pa thawn Timnah ah an vung feh. Cutawk lampi sabit lo sungih an feh lai ah Samson cu kiosa note pakhat in a rak hngirhngir.
6 Cutikah Bawipa ih thlarau cu Samson parah nasa zet in a thleng ih me note bauhthlek sehla cubangin kiosa cu a kut lawngin a bauhthlek thluh. Cutiih a tuahmi cu a nu le a pa a sim lo.
7 Cule falanu hnen ahcun a feh ih thu tla an rel tlang ih a lung a kim zet.
8 Tikcu malte a rei hnuah a cuih fala òhi dingah Samson cu a vung feh lala. A feh lai ahcun a rak thahmi kiosa ruak zoh dingah lamzin ihsin malte a pial duak ih a zoh tikah kiosa ruak sungah cun khuaibu khat a tizu thawn a hmu.
9 Khuaitizu cu a lak ih a feh phahin a ei vivo. A nu le a pa hnenah a va thleng ih khuaitizu cu a pek ve. Annih khalin an ei; asinain kiosa ih ruak sung ihsin a lak thu a nu le a pa a sim lo.
10 Samson ih pa cu falanu ih inn ahcun a feh ih, culai tlangval pawl ih tuah òheumi daan bangtukin Samson in puai a tuah.
11 Filistin mi pawl in Samson an hmuh tikah a hnenih um dingah tlangval sawmthum an pek.
12 Cule Samson in an hnen ahcun, “Thu ka lo polh hai ding. Nupi òhitnak puai ni sarih sungah ka thupolhmi ih tican in sim thei a si ahcun sunghruk puannemte zun sawmthum le hnipuan thlengnak korfual zun sawmthum ka lo pe hai ding.
13 Asinan in sim thei lo a si ahcun sunghruk puannemte zun sawmthum le hnipuan thlengnak korfual zun sawmthum in pe ding,” tiah a ti.
Annih in, “Na thupolh cu in sim hnik aw he. Kan ngai hnik pei cu,” tiah an ti.
14 Cutikah Samson cun:
“Sa eitu sungin ei ding a suak,
A cak sungin a thlummi a suak,” a ti.
Ni thum sung a thupolhmi cu an ruat rero nain an thei thei lo.
15 A ni linak ah Samson ih nupi hnen ahcun, “A thupolhmi hi na hnenih phuang dingin na pasal hi leem aw. Cutiih na leem lo asile na pa ih inn kan ur pei ih nangmah khal kan lo ur cih ding. Hi puai ih in sawm hi farah thluh hai seh ti in duh ruangah maw a si?” tiah an ti.
16 Curuangah Samson cu a nupi in òap phahin a pan ih, “I duh ngaingai lo a si; i hua a si hi! Ka rualpi pawl cu thu na polh ih a tican cu keimah rori hman i sim duh lo hi!” tiah a ti.
Samson in a nupi hnenah, “Ruat ve hnik! I hringtu ka nu le ka pa hman ka sim lo. Ziangtinso nang ka lo sim thei ding?” tiah a sawn.
17 Curuangah ni sarih sung puai a reh lai hlan lo nitin tein a pasal cu a òah hnawh ringring. Cutiih thlah lo ih a ngiar tuk ruangah a ni sarihnak ahcun a thupolhmi ih tican cu a nupi hnenah a sim. Cule a nupi cun a rualpi pawl a sim sin.
18 Curuangah ni sarihnak ni, a ihnak khaan sungih Samson a luh hlanah, khuasung mi pawl cun,
“Khuaitizu hnakin a thlum sawn
ziangso a um ding?
Kiosa hnakin a cak sawn
ziangso a um ding?”
tiin a thupolhmi cu an let.
Cutikah Samson in, “Ka caw late thawn
leilet hlah uhla cu, ka thupolhmi cu
nan thei lo ding nan,” a ti.
19 Cule Bawipa ih thlarau in Samson cu nasa zet in a umpi. Ashkelon ah a vung feh ih cutawkah minung sawmthum a that ih an hnipuan a lak òheh ih a thupolhmi a let theitu pawl cu a pek. Cule a thinheng zet in a pa ih inn ah a tlungsal.
20 A nupi cu Samson ih rualpi òha bik, a nupi òhit lai ih a dinpitu an neihter.