10
Tola
1 Dodo ih fapa cu Puah a si; Puah ih fapa cu Tola a si. Cule Abimelek thih hnuah Tola cu Israel luattertu ah a cang. Tola cu Issakhar miphun a si ih Efraim tlangpar ram Shamir khua ih ummi a si.
2 Tola cu kum kul hluanthum sung Israel hotu a òuan. A thih tikah Shamir khua ah an phum.
Jair
3 Tola thih hnuah Gilead ih Jair cu hotu ah a cang. Jair in kum kul hluanhnih sung Israel ih thuòhentu a òuan.
4 Fapa sawmthum a nei ih laak sawmthum parih to òheumi an si. Gilead ram sungah khuapi sawmthum an nei ih tuih san tiangin cuih khua pawl cu Jair ih Puanthlam Khuapi pawlm Jair ih Puanthlam Khuapi pawl asilole Havvoth Jair ti an si. an ti ringring.
5 Jair cu a thi ih Kamon khua ah an phum.
Jefthah
6 Israel mi pawl cu Bawipa ih hmaiah an sual lala. Baal timi khawzing pawl, Astartes timi khawzing pawl, le Siria ih khawzing pawl, Sidon ih khawzing pawl, Moab ih khawzing pawl, Ammon ih khawzing pawl, le Filistin ih khawzing pawl, an biak. Bawipa Pathian cu an dungtun ih an bia duh nawn lo.
7 Curuangah Bawipa cu Israel mi parah a thin a heng ih Filistin mi pawl le Ammon mi pawl a nehter.
8 A cuih kum cun Israel mi pawl an neh ih an hrem. Amor mi pawl an umnak Jordan Tiva ihsin nisuahnak Gilead ram ih a ummi Israel mi hmuahhmuah cu kum hleiriat sung an hrem.
9 Cun Amor mi pawl in Judah mi, Benjamin mi le Efraim mi pawl do dingah Jordan tiva an tan. Curuangah Israel mi pawl cu vansanglam in an um.
10 Cutikah Israel mi pawl cu Bawipa ih hnenah an òap an ai ih, “Kan Pathian, nangmah ih parah kan sual zo; kan lo dungtun ih Baal khawzing pawl kan biak a si,” tiin an ko.
11 Cule Bawipa cun an hnenah, “A cem zomi tikcu caan sungah Izipt mi, Amor mi, Ammon mi, Filistin mi,
12 Sidon mi, Amalek mi le Maon mi pawl in an lo hrem tikah ka hnenah nan òap nan ai ringring. Cutikah nanmah run suak lo in ka um dah maw si?
13 Asinan kei cu in dungtun ih khawzing dang nan bia thotho; curuangah atu cu ka lo run duh nawn lo ding.
14 Va feh uhla nan hril sawnmi khawzing pawl hnenah va òap in va ai uh. Harsatnak nan ton tikah anmah in lo run hai seh,” tiah a ti.
15 Sikhalsehla Israel mi pawl cun, “Kan sual tuk zo. Na duh vekin in tuah ko awla zangfah tein tuih sun ah in run hram aw,” tiah Bawipa cu an dil.
16 Cutiin hnamdang khawzing an neihmi pawl cu an hlon thluh ih Bawipa cu an biak. Cule Israel mi pawl ih zonzaih tuarnak cu a hmuh tikah Bawipa cu a thin a nuam thei nawn lo.
17 Cun Ammon ralkap pawl cu an khawm aw ih Gilead ah òanhmun an khuar. Israel ralkap pawl khal an khawm aw ih Mizpah ah òanhmun an khuar ve.
18 Cutikah Gilead mi pawl le an hruaitu pawl cun, “Ammon mi pawl do dingah zoso in hruai ding? In hruaitu cu Gilead mi hmuahhmuah tlunah hotu a si ding,” tiah pakhat le pakhat an sut aw rero.