THUÒHENTU
(Judges)
Thuhmaihruai
Thuòhentu cabu sungah hin Israel mi pawl in Kanaan ram an lak ihsin siangpahrang an neih hlan sungih cin le daan nei lo ih an khuasak lai thuanthu a um. Hi thuanthu cu anmah ih ram sungih mi ralòha, “Thuòhentu,” tiih kawhmi pawl an si ih, cin le daan vekih ram hruaitu pawl si lo in ralkap lamih hruai awk daan sawn in ram uktu an si. Himi lakah mi tam bik ih theihmi cu Samson a si. A hnaòuannak pawl cu bung 13-16 sungah a um.
Hi cabu ih a zirh bikmi pakhat cu: Israel mi pawl hi an nun theinak dingah Pathian rinsan an òul ih Pathian parah rinsan tlaklo ih an um tik poh ah siatralnak an tong ti thu hi a si. Asinan cumi hnak hmanih a thupi deuhmi cu: An Pathian parah rinsan tlaklo in an um ih siatralnak an ton hnu hmanah Pathian in a minung pawl cu an sual an siir awk a si ahcun ngaithiam ih rundam dingah ralring cia ringring in Pathian cu a um, timi thu hi a si.
1
Adonibezek An Kai
1 Joshua a thih hnuah Israel mi pawl in, “Kanmah lakah Kanaan mi pawl do dingin zo hrin so a feh hmaisabik ding?” tiah Bawipa an sut.
2 Bawipa in, “Judah hrin pawl an feh hmaisabik pei. Hi ram cu an hnenah ka pe zo a si,” tiah a ti.
3 Cule Judah mi pawl in an unau Simeon mi pawl hnenah, “ Bawipa ih in zemmi ram ah kanmah pawl thawn hmunkhat ah kan feh pei ih Kanaan mi pawl cu kan do tlang pei. Cuih hnuah an lo zemmi ram ah kan feh leh pei,” tiah an sawm. Curuangah Simeon mi pawl le,
4 Judah mi pawl cu hmunkhat ah ral an do tlang. Kanaan mi le Periz mi pawl tlunah nehnak Bawipa in a pek ih Israel mi in Bezek ah mi thawnghra an that.
5 Cutawkah siangpahrang Adonibezek a rak um ih an do. Kanaan mi le Periz mi pawl cu an neh.
6 Adonibezek cu a tlan; asinain an dawi ih an kaih hnuah a kut zungpi le a ke zungpi an tan.
7 Cutikah Adonibezek cun, “An kut zungpi le an ke zungpi tan òhehmi siangpahrang sawm sarih in ka cabuai hnuai ih rawl òilfuan an rak sar òheu. Atu ah an parih ka rak tuah vekin Pathian in ka parah a tuah ve a si hi,” tiah a ti. Amah cu Jerusalem khua ah an fehpi ih cutawkah a thi.
Jerusalem Le Hebron An Neh
8 Cun Judah mi pawl in Jerusalem an nam ih an lak. Khuasung mi pawl an thah òheh hnuah an khua cu meisa in an ur.
9 Cuih hnuah tlangpar ram, Negeva Negev ram cu Palestine thlanglam ih nelrawn ram a si. ram le hmunrawn ram ih a ummi Kanaan mi pawl do dingah an feh.
10 Judah mi pawl cun a hlanih Kiriath Arba khuapi an timi Hebron khua sungih a ummi Kanaan mi pawl cu an do ih Sheshai, Ahiman, le Talmai tla an neh a si.
Othniel In Debir Khuapi A Neh
(Jos 15:13-19)
11 Cutawk ihsin Judah mi cu an feh ih a hlanih Kiriath Sefer an rak timi Debir khua cu an do.
12 Cule anmah lakih pakhat Kaleb in, “Kiriath Sefer a nehsuaktu cu ka fanu Aksah ka pe ding,” tiah a ti.
13 Cutikah Kaleb ih naupa Kenaz ih fapa Othniel in Debir khuapi cu a neh ih curuangah Kaleb in a fanu Aksah cu a nupi ah a pek.
14 A hnenih a thlen tikah a pasal Othnielb Othniel in a fial timi hi a nupi Aksah in a fial, tiin Hebru Ca Thianghlim sungah a um. cun a pa hnen ihsin lo pakhat dil dingah a fial. Curuangah a pa Kaleb hnen ahcun a feh ih a laak par ihsin a òum tikah a pa in, “Ziangso na poi?” tiah a rak sut.
15 Cutikah a fanu Aksah cun, “Thil ka lo dil a si. Negev ram ramcar ih i umter ruangah tikhur kan òul ih i zangfah hram aw,” tiah a ti. Curuangah a pa cun saklam tikhur le thlanglam tikhur a rak pek.
Judah Le Benjamin Pawl Nehmi
16 Moses ih puzon Ken miphun ih tesinfa pawl cu Judah mi pawl thawn Ungkung Khuapi an ti mi Jerikho ihsin Judah ram Arad thlanglam ih a ummi ramcar lamah an feh ih cutawk ahcun Amalek mi pawl lakah an vung um.
17 Cule Judah mi pawl cu Simeon mi pawl thawn an feh ih Zefath khua ih um Kanaan mi pawl an neh ih an that thluh. Cuih khua cu an camsiat ih an siatsuah; cule HormahcHormah ti cu siatsuah thluh tican a si. tiah hmin an sak.
18 Cun Gaza khua, Ashkelon khua, le Ekron khua pawl cu an ukmi ram ciar thawn an lak òheh.
19 Judah mi pawl cu Bawipa in a bawm ruangah tlangpar ram khal an lak thluh. Asinan tipikap hmunrawn ih a ummi pawl cu thir rangleng tla an neih ruangah an neh thei lo.
20 Moses ih thu a rak pekmi vekin Hebron cu Kaleb hnenah pek a si. Cule Kaleb in Anak ih fapa pathum pawl cu Hebron ihsin a dawi.Ref 1:20 Jos 15:13, 14;
21 Asinan Benjamin hrin pawl cun Jerusalem ih a ummi Jebus mi pawl cu an dawisuak lo. Curuangah Jebus mi pawl le Benjamin hrin pawl cu Jerusalem ah tuih san tiangin an um tlang a si.Ref 1:21 Jos 15:63; 2 Sam 5:6; 1 San 11:4;
Josef Hrin Pawl In Bethel An Neh
22-23 Josef hrin Efraim le Manasseh phun pawl in Luz tiih an rak kawhmi Bethel khuapi an va do. An hnenah Bawipa cu a um. Bethel khuapi ahcun mi thlingthlatu pawl an thlah ih,
24 khuasung ihsin mi pakhat a ra suakmi an hmu ih a hnenah, “Hi khuapi sungih luh theinak in sim hnik aw; zianghman kan lo ti lo ding,” tiah an ti.
25 Cutiin a sim hai ih cupa le a innsang zate siar lo Josef hrin pawl cun Bethel khuasung mi hmuahhmuah cu an that òheh.
26 Cupa cu Hit mi pawl ih ram ah a feh ih khuapi pakhat a sak ih Luz tiah hmin a sak. Tuih san tiangin a cuih khua hmin cu Luz a si lai.
Dawi Suak Lomi Pawl
27 Manasseh hrin pawl cun Beth Shan khua, Taanak khua, Dor khua, Ibleam khua, Megiddo khua pawl le an kiangkap khuate pawl sung um Kanaan mi pawl cu an dawisuak lo. Atu tiangin a cuih khua ahcun an um lai.
28 Israel mi pawl an hung cak deuhdeuh tikah Kanaan mi pawl cu hramhram in hna an òuanter; asinain a dawi cu an dawisuak thluh lo.Ref 1:27, 28 Jos 17:11-13;
29 Efraim hrin pawl in Gezer khuapi ih a ummi Kanaan mi pawl cu an dawisuak thluh lo ruangah tuih sun tiangin cutawkah an um lai a si.Ref 1:29 Jos 16:10;
30 Zebulun hrin pawl in Kitron le Nahalol khuapi ih um Kanaan mi pawl cu an dawisuak thluh lo hrangah cutawk ahcun tuih sun tiangin an um lai. Zebulun hrin pawl in hramhram in anmah riantu ah an canter.
31 Asher hrin pawl in Akko khua, Sidon khua, Ahlab khua, Akzib khua, Helbah khua, Afek khua, le Rehob khuapi pawl ih a ummi Kanaan mi pawl cu an dawisuak thluh lo.
32 Cutiih an dawisuak thluh lo ruangah cutawk ahcun Asher mi le Kanaan mi pawl cu an um tlang a si.
33 Naftali hrin pawl in Beth Shemesh le Bethanath khuapi ih a ummi Kanaan mi pawl an dawisuak thluh lo ruangah hmunkhat ah an um tlang. Asinan Kanaan mi pawl cu Naftali hrin pawl in hramhram in anmah riantu ah an canter.
34 Amor mi pawl in Dan hrin pawl cu tlangpar ram ah an dawi ih hmunrawn ram ih òumsuk ding khal an kham.
35 Cule Amor mi pawl cu Heres Tlang, Aijalon le Shaalbim ah an um thotho; asinain Josef hrin Efraim le Manasseh tesinfa pawl in an uk hai ih hramhram in an hna an òuanter.
36 Amor mi pawl ih ramri cu Akrabbim Tlangkawn ihsin Sela in saklampi tiang a hung thleng.