8
Bildad in hitiin a ti:
1-2 Thli vek a simi thulolak
na òong rero cu na òheh zo maw?
3 Pathian in thuding cu
a merh dah lo;
A dik lo khal a tuah dah lo.
4 Na faate pawl Pathian parih
an sual ruangah,
An sualnak vekin cawhkuan a pek.
5 Asinan atu cun Ziangkimtithei
Pathian dil aw.
6 Na thiang ngaingai ih
na fel taktak a si ahcun,
Pathian in a ra lo bawm dingih
Na innsang a lo tungdingsal pei,
Laksawng tla a lo pe ding a si.
7 Na lennak na sunmi pawl cu
zianghman an si lo ding,
Pathian ih a lo pek dingmi thawn
òhim ahcun.
8 Khuahlan lai ih fimnak pawl
vun zohsal hnik,
Kan pupa pawl ih an theihmi
thutak pawl vun ruatsal hnik.
9 Kan nunnak hi a tawi tuk ih
kan theihmi zianghman a um lo.
Leilung parah hin phenthlam
bangin kan lan.
10 Sikhalsehla khuahlan
mifim pawl in lo zirh hai seh,
An sim òheumi hi ngai hnik aw;
11 “Papairas cu tidai um lonak ah
a kho dah lo;
Phaipheng cu a ciarlonak hmunah
a um dah kel lo.
12 An noteet lai ih hman tlak
an si hlan hmanah
Tidai a kang a si ahcun
an vuai hmaisabik a si.
13 Pathian thei lotu pawl cu
cuvek an si.
Pathian tel lo ih an nun hnu ahcun!
An ruahsannak a cem a si.
14 Pat phangkhat, maimom innraang
phangkhat khi an rinsan;
15 Maimom innraang phangkhat
an hngauhsan ahcun
a din ding maw?
Pat phangkhat an vawk ahcun
an dingsal thei ngai ding maw?”
16 Miòha lo pawl cu sun ni tlang ih
hrampi bangin an kho,
Hmuan ih a hri a khat òhehmi
hrampi bangin a kho a si.
17 An hri in lungto an ngerh ih
Lung a ummi pohpoh an zeel òheh.
18 Asinan vun bawt awla an cem fai;
Cutawkih an um kha zohman in
an thei nawn lo ding.
19 A si, miòha lo pawl ih
lungawinak cu cuvek in a cem;
Midang an ra ih an umnak
20 Sikhalsehla Pathian in
mifel cu a hnong lo ding.
Miòha lo pawl ih baan khal
a cakter cuang lo ding.
21 Na mithmai ah lungawinak
a cuang dingih,
Na kaa cu hnihnak in a khat ding.
22 Asinan a lo huatu pawl cu
an ning a zakter ding;
Miòha lo pawl ih innsang cu
an hloralta ding.