4
Biakson Awk A Hmaisabik
(Job 4:1-14:22)
Elifas in hitiin a ti:
1-2 Job, kei òong ve ningla
na hua pei maw?
Daite cun ka um thei nawn lo.
Nangmah in mi tampi na zirh zo,
baan thacak lo pawl
an baan tha na cakter.
Mi an bang ih
an sawn an rilh rero tikah,
Na òong fangkhat cu
an dinsalnak a si òheu.
Atu na hrangih harsatnak tikcu
a ra thlen ve tikah,
na ning a hang ih na thin a nau.
Na Pathian biak hi
na hnangamnak a si lo maw?
Mithiang na si ruangah beiseinak
ziangtal na nei lo maw?
Òha tein ruat hnik!
Miding pawl siatsuahnak an tong,
ti na thei dah maw?
Mawh nei lomi hlohralnak an tong,
ti na thei dah maw?
Mi tampi in òhatlonak cu
lo bangin an thlo ih,
Siatnak cu thlaici bangin an tuh,
ti ka hmu zo.
Òhatlonak le siatnak cu
rawl bangin an khawm ve ko.
An parah Pathian a thin a hengih
thlisia bangin a siatsuah a si.
10 Miòha lo pawl cu kiosa bangin
an kio an huuk,
Asinan Pathian in a vuakdai hai ih
an ha pawl tla a khiak òheh.
11 Deh ding le ei ding nei lo
kiosa bangin an thi,
An faate pawl cu an òhekdarh aw òheh.
 
12 Veikhat cu ka hnenah
a thup tein thu a ra thleng;
Dimte in a rat ruangah
ka thei thei ceu a si.
13 It that thei lo ih i tuahtu
zan mangsia bangtuk a si.Ref 4:13 Job 33:15;
14 Ka thin a phang ih ka thir,
Ka pumpuluk in ka khur.
15 Thlarau in ka hmai thli bangin
i hun sem,
Ka hmul a tho surso.
16 Cuih thlarau cu ka hmaiah
a ding ka hmu;
Ka zoh rero nain ziang a si,
ti ka hliah thei lo.
Cule a dai zirziarmi sung ihsin
aw ka thei:
17 “Pathian hmaiah miding
an um thei ngai pei maw?
Siamtu hmaiah minung zotal
a thianghlim thei pei maw?
18 Pathian cun a palai pawl hman
a zum thei lo;
A vancungmi pawl lak hmanah
palhnak a hmu.
19 Cuti a si ahcun tlak ih tuahmi
milai hi,
Leivut ihsin semsuahmi,
phehlep vekih ol teih
rialdip thei mi milai cu
a rinsan dingah na zum maw?
20 Milai cu zinglam ah a nung ko,
Asinan zanlam ah zohman ih
theih lo in a thi ziar thei a si.
21 A neih cia mi hmuahhmuah cu
lon òheh a si;
Fimnak tlasam in a thi.