38
Bawipa In Job Hnenah Thu A Let
1 Cule phusing sung ihsin
Bawipa cu
Job hnenah a òong.
Bawipa in hitiin a ti:
2 Zoso na si, ka fimnak thu
a el òohòotu cu?
Theihnak nei lopi in na tlok rero!
3 Pacang vekin na timtuah in,
ding awla,
Thu ka lo suh dingmi pawl hi
i let hnik aw.
4 Leilung ka rak semsuah lai ah
nang khui ah na um?
Thu na thei zet ngai a si ahcun
i sim hnik.
5 Leilung hi ziangtia a si ding
ti a relcattu zoso a si?
A tlunih ramri tahnak zoso a zam?
Na theimi a um maw?
6 Leilung a hun dotu òhuam pawl
ziang parah so an din?
Zo in so a kilphum lung a phum?
7 Cuih ni khawfingcat ah arsi pawl
hmunkhat ah hla an sak;
Vanmi pawlo 38:7 Vanmi pawl: timi Hebru òong cun Pathian fapa pawl ti in a um. cu lungawi in,
an au ciamco.
8 Leilung pum sung ihsin tifinriat
a rak suah lai ah,
A khamtu ding kotka
zo in so a rak khar?
9 Tifinriat kha khawdur in a khuhtu le,
Thimnak in a tuamtu cu
Keimah ka si.
10 Tifinriat hrangah ramri ka tuah ih,
Kalhmi kotka sungah ka ret.
11 “Hi tiang lawng ra awla,
hi hlei na feh thei lo;
A cak zetmi na tilet pawl hinah
an cawl pei!” tiah tipi cu ka ti.Ref 38:11 Jer 5:22;
12 Job, na nun sungah ni khatkhat,
‘Khua vang thlang aw’
na ti dah maw?
‘Khawfing cat thlang aw’ tiah
thu na pe dah maw?
13 Khawfingcat in
leilung tlet dingah le,
Miòha lo pawl an relhnak hmunih
va hnin suak dingah
thu na pe dah maw?
14 Nitlang in tlang le horkuam pawl
fiang tein a langter,
Puan buh mi bangin le tlak parih
hmin ngannak hminkhenmi
bangin a langfiang.
15 Sun nitleu cu miòha lo hrangah
a tleu tuk ih,
Thisen luanter ding a kham a si.
16 Tifinriat tawdeng ih
tiputnak na thleng dah maw?
Tipithuanthum tawdeng ah lam
na leng dah maw?
17 A thimzet mithi khua ih kotka le
a kiltu pawl zo in
an lo hmuh dah maw?
18 Leilung hi ziangtia a si, ti
na thei maw?
Na theih asile i sim hnik!
19 Tleunak hi khuitawk in a ra ti
na thei maw?
Thimnak teh khuiinso a suah?
20 An fehnak ding lamzin le
an kirnak ding hmun
na sim thei maw?
21 Na tar zet thlang ih
leilung a sem lai ih
Na rak suak zo a si ahcun
22 Vur le rial ka retnak khaan
na pal dah maw?
23 Harsatnak tikcu caan hrang le
Ralawknak le doawknak caan
hrangah ka ret a si.
24 Ni a hung suahnak hmun khi
na thleng dah maw?
Asilole nisuahnak lam thli a ratnak
na pal dah maw?
25 Ruah ti luannak horkuam cu
zo in so a hriat?
Khuari le thlisia hrangah
zo in so lamzin a sial?
26 Milai um lonak hmun thlaler
ramòhing ah zoso ruah a surter?
27 Hrampi hring kho hai seh tiah
ramro le ramcar zo in so
tidai a toih?
28 Ruah in pa a nei maw?
Daitla in hringtu a nei maw?
29 Zo ih pum sungah so vur a sem?
Zo ih pum sungin so tikhal a suah?
30 Zoin so tidai cu lungto vekah
a canter ih,
Tifinriat ih hmai cu a khangter?
31 Siruk rawlòawm khi hmunkhat ah
na òem thei ding maw?
Likhuk cang thum òemnak hri
na phoih thei ding maw?Ref 38:31 Job 9:9; Amo 5:8;
32 Arsi anmah le an caan ciar ih
Suak dingin na fial thei ding maw?
Ngambawm le zawltling khi lamzin
na hmuh thei ding maw?
33 Van ih a ummi thil pawl thlunmi
daan um zia na thei maw?
Leilung ahhin thu na run neihter
thei pei maw?
34 Khawdur khi, “Ruah in i run surh
aw” tiah na fial thei pei maw?
35 Nimthlakau khi thu pe cila,
anih in, “Na thu vekin siseh, ”
a lo ti ding maw?
36 Zoin so ciinphung vatep 38:36 Ciinphung vate: cu Izipt ram vate a si ih Nail tiva a lian zik ti thu a theitu le a simtu a si, tiin an zum. cu
ti a lian ding tiah a simter?
Zoin so butlak cu ruah a sur ding
tiah a thanter?
37 Zoso
khawdur siar thei tlak in a fim?
Zoso tidai run thle dingah
van tikuang khi thu a pe thei?
38 Khawdur ihsin ruah a sur tikah
zoso leivut pawl a erh awkter ih
leilung cu thir bangin a hakter?
39 Kiosa pawl rawl ei ding
na hawlsak maw?
Kiosa no rilrawng pawl
an pum na puarter maw?
40 Kiosa note tla an kua sungah
an um ih lungpuk sungih an relh
lai ah zo in so rawl a pek?
41 Tlangak rilrawng in an vak ih
an faate tla rawl duh ah
ka hnen an ai tikah
zo in so rawl a pek?