37
 
Thlisia le ruahhrang in nasa zet in
ka thin an khurter,
Nan zate in Pathian ih
aw thawm ngai uh.
A kaa sung ihsin a suakmi
khuari thawm cu.
Van ah nimthlakau khuazakip ah
a thlah;
Leilung kilkip ah a thleng.
Cule a awkhawk cu kan thei;
A nasa zetmi khuari cu
a thang durdo;
Culai ah nimthlakau cu cat lo in
a tleu zohzo.
Pathian ih thupek in
mangbangza thil a cang,
Kan theih ban lomi
khawruahhar thil pawl cu.
Leilung parah vur tla dingin thu a pe;
A thupek vekin
ruahpi vanbong in a sur.
Hnaòuantu milai pawl a cawlter,
Ziangbangtuk hna a òuan thei
ti kha theihter a duh.
Ramsa pawl an puuk ah an lut,
An kua ah an lut ih an kual.
Thlisia cu thlanglam in
a hung hrang,
Khawsik cu saklam in a rung thleng.
10 Pathian ih thaw in tidai a khangter,
Cule a hak zetmi tikhal ah an cang.
11 Khawdur lakah tidai a ret,
Nimthlakau an tleu zohzo.
12 Pathian thu an thlun ih leilung
kilkip an kap zukzo,
Pathian ih thupek bangtukin an um òheh.
Leilung pumpi khuazakip ah!
13 Pathian in leilung ciar dingah
ruah a surter;
Milai hremnak ah maw, asilole
a lungkimnak langternak ah maw,
ruah cu a surter a si.
 
14 Job, malte sung cawlta awla
ngai hnik,
Pathian ih thil mangbangza
a tuahmi hi ruat hnik!
15 Ziangtin Pathian in thu a pe ih
Khawdur ihsin nimthlakau a tleu
zohzo ti na thei thei maw?
16 Khawdur cu van ah ziangtin
a thawn luailo ti na thei maw?
Pathian ih thil thiam zia hi!
17 Sim thli a hung hran ih
leilung a sat tikah,
Na hnipuan le na thawsa thawn
na tuar cuahco.
18 Pathian in van khi a pharh ih,
Thlalang vek hak in a tuah tikah,
Nang na bawm theimi ziang a um?
19 Pathian hnenih kan òong dingmi
in sim hnik,
Kan thu ah òong ding kan nei lo,
Kan thinlung ah zianghman a um lo.
20 Ka òong ding hi Pathian dilta
ka òul maw si?
Pathian ih siatsuah ding cu mi in
ziangahso an hril rero ding?
 
21 Van ih tleunak cu a tle nasa,
A tleu tuk ih kan zoh ngam lo;
Van cu thli in a sem fai òheh.
22 Saklam in sui vekih
a tleumi a lang,
Pathian sunlawinak maktara thawn
kan thinlung cu a khat.
23 Pathian ih huham a nasa tuk ih
kan naih ngam lo;
Ding zet le fel zet in minung
hnenah thu a rel.
24 Mi hmuahhmuah in an òih hi
an mawh lo;
Ka fim a ti awtu pawl cu
Pathian in zianghman ah a siar lo.