34
Elihu in hitiin a pehsal:
1-2 Nannih mifim le thuthei pawl,
Ka thusimmi hi ngai hnik uh.
3 Rawl cu nan tep ih a thawt le
thawt lo nan thei;
Nan hna in thu nan thei ih thudik
asile si lo nan thei.Ref 34:3 Job 12:11;
4 Na thu cu thudik asile si lo
kan hril pei;
Thu òha asile si lo khal
kan ruat hnik pei.
5 Job in, “Mawhnak ka nei lo;
ka parah Pathian in ding tein
thu a òhen lo;
6 Ziangtinso ka mawh ngai a si, tiah
thuphan cu ka rel thei ding?
Ka hma hi dam theisal
ding rual a si lo,
Asinan sualnak cu ka nei lo,” a ti.
7 Job vek milai nan hmu dah maw?
Pathian hmuhsuamnak cu
ol tein a rel;
A hrangah cun tidai in tluk in
a ol a si.
8 Miòha lo pawl thawn
pawl awk a duh ih,
Misual pawl thawn
an feh tlang ringring.
9 Pathian ih rualpi òha si hi!
Zianghman òhathnemnak
10 Nannih theihthiamnak neitu pawl,
I ngai uh!
Paahian in thil òha lo a tuah ding maw?
Ziangkimtithei in thil sual
a tuah ngai ding maw?
11 Milai cu an hnaòuan thawn
kaih aw in hlawhman
Pathian in a pek,
An tuahmi ziaza thawn mil aw in
an parah a thlenter a si.Ref 34:11 Saam 62:12;
12 Ziangkimtithei Pathian cu
zo ih par hmanah a ding lomi
a tuah lo;
Zokhal bangran tein a zoh.
13 Midang zotal in Pathian hnenah
thuneihnak an pe maw?
Leilung pumpi hi kil aw,
tiah zotal in òuanvo an pe maw?
14 Pathian in a thlarau a lak ih
nunnak thaw a lakkir a si ahcun,
15 Nunnak neimi hmuahhmuah hi
an thi dingih,
Minung hi leivut ah a cangsal ding a si.
16 Fimnak nan neih ngaingai
a si ahcun i ngai hnik uh!
17 A dingmi le a nasami Pathian
nan hnong a si maw?
Pathian in thudik a hua, sisehla
ziangtinso leilung a uk thei ding?
18 Pathian in siangpahrang le
hotu pawl a hnong,
Santlai lo le miòha lo
an si ahcun.
19 Pathian in mi hmuahhmuah a tuah,
zohman a thleidang lo;
Uktu bawi a òan lo ih mifarah hua in
milian a duh cuang lo.
20 Milai cu rinlopi in zan ah
an thi thei;
Pathian in a vuakthluk ih an hlota.
Micak zet khal ziangtitham lo in
a cemter a si.
21 Pathian in minung lamzin a zoh,
Milai ih ke kar cu a zohhliah!
22 Ziangvek thimnak a si khalle
misual hmu lo dingin Pathian a
phen theitu thimnak a um lo.
23 Pathian hmaiah milai feh tahrat
in a thu òhen dingah,
Pathian in tikcu khiah a òul lo.
24 Hotu pawl hnong tahrat in
hotu dang re dingah,
Pathian in an thu
zingzoi rero ta a òul lo.
25 Ziangahtile an tuahmi fate bik
khal a thei òheh;
Zan ah a hlon hai ih
a siatsuah òheh.
26 Misenpi hmuh theinak hmunah
misual pawl a hrem;
27 Ziangahtile amah an thlun
duh nawn lo ih,
a thukam hmuahhmuah tla
an poisa nawn lo.
28 Anmah pawl in mifarah an tisiat
ruangah an hui ih an òap;
Mifarah pawl ih bom dilnak aw cu
29 Pathian in umsan men dingih
a ruah ahcun,
Zoin so an mawhthluk thei ding?
A hmai a thuh ahcun milai in
ziangso an ti thei ding?
30 Anmah uktu ah Pathian thei lo,
mi neh nen hmang ret hmansehla,
Ramsungmi pawl in
ziangso an ti thei cuang ding?
31 Job, Pathian hnenah na sualnak
na phuang zo maw?
Sual nawn lo dingin
thu na kam aw zo maw?
32 Ka mawhnak i hmuh hram aw,
tiah na dil maw?
Thil òha lo tuah nawn lo dingin
na lung a kim zo maw?
33 Pathian ih hnaòuannak
na soisel zo hnuah,
Na duhmi lo tuah sak dingah
na beisei lai maw si?
Hi thu cu nangmah ruahcat ding a si,
Kei ih ruahcat ding a si lo!
Atu ah na ruahnak in sim hnik!
34 Thu a ruat thei pawl cu
an lung a kim ko ding;
Ka thusimmi a theitu mifim pawl
an ti ve ko ding:
35 Job hi thuhla thei ngah lo in
a rak òong pang a si hi!
A òongmi hi sullam a rak nei lo
a si hi! an ti ko ding.
36 Job ih òong hi òha teih
nan ruat a si ahcun,
miòha lo pakhat vekin a òong a si,
ti nan hmu ko ding.
37 A sualnak ih tlunah
dodalnak a bet ih,
Kan mithmuh le kan hna theih ah
Pathian a hnihsan, a hmuhsuam a si.