31
Sual duhnak thawn fala zoh lo dingah
siatcam in thu ka kam zo.
 
Van ih um Ziangkimtithei Pathian
hnenin ka covo ziangso a um?
Milai hnaòuannak parah ziangtin
so ro a zem hai?
Òhat lonak a tuahtu hnen ahcun
Siatsuah le hlohralnak a thlenter.
Pathian in ka tuahmi hmuahhmuah
a thei òheh,
Ka ke kar khal a hmu òheh.
 
Thuphanper in ka feh dah lo;
Midang bum khal ka tum dah lo.
Pathian amah in a dikmi cuai in
i thlai seh,
Mawhnak ka neih lo zia kha
a hmu ko ding.
A dikmi lamzin in ka pial ih,
thilsual tuah duhnak in i leem ih,
Sualnak in ka kut
ka borhhlawhter a si ahcun,
Ka lo rawl siat òheh sehla,
ka cinmi rawl cu midang in
ei òheh hai seh.
 
Ka innhnen pa ih nupi cu
mawi in ka hmu ih,
a inn sangka lengah relh in
ka bawh a si ahcun,
10 Ka nupi in mipa dang hrangah
rawl suang sehla,
Mipa dang in a ihkhun ah ihpi seh.
11 Cubangtuk sualnak cu a siava mi
a si ruangah daan vekin
cawhkuan pek ding a si.
12 Cubangtuk sualnak cu
ka neih cia mi hmuahhmuah
a kang òhehtu hell meisa
bangtuk a si.
 
13 Ka hnenum pakhatkhat
ka parah lungkim lo in
a phunzai a si ahcun,
A simmi òha tein ka ngaihsak ding;
cule dik tein a parah ka nung ding.
14 Cutiih ka tuah lo asile,
Pathian hmai ka zoh ngam ding maw?
Ka thu òhen dingih a rat tikah,
ziangso ka òong thei ding?
15 Ka nu pum sungih i siamtu
Pathian cu, ka siahhlawh pawl
a siamtu Pathian thotho a si.
16 Mifarah bawm ding ka el dah lo;
Nuhmei pawl khal riahsia in
ka ret dah lo.
17 Kei rawl ka ei lai ah ngakòah
farah rilrawng in ka umter dah lo.
18 An hnenah pa bangtukin ka um ih,
ka nun sung òha tein
ka kilkhawi hai a si;
 
19 Mi tlasam zet ka hmu ih
an farah tuk ruangah
hruk ding hnipuan hman
an lei thei lo a si ahcun,
20 Ka tuurual ihsin ka lakmi
tuuhmul hnipuan ka pe òheu.
Cutin ka parah an lung a awi zet òheu.
21 Thuòhennak hmunah
ka neh ding ti thei in,
ngakòah farah ka bum a si ahcun,
22 Ka baan kiak òheh sehla,
Ka liang ihsin tlongthluh hai seh.
23 Pathian ih cawhkuan pek
ka òih ruangah,
Cubangtuk thil òha lo cu
ka tuah dah lo ding.
 
24 Sui parah ka rinsannak ka re lo,
Sui òha bik khal ka ring cuang lo;
25 Mi neinung ka si ruangah
ka puar dah lo;
Lennak tampi ka khawm ruangah
ka puarthau dah lo.
26 A tleu aw tiah ni ka bia dah lo;
A mawi aw tiah thlapi hmaiah
ka kun dah lo.
27 Cubangtuk sualnak tuah dingah
thlemnak ka tong dah keel lo;
Anmah upatnak ah ka kut zaphak
khal ka hnam dah lo.
28 Cuvek sualnak a tuahtu cu
thah tlak a si;
Ziangahtile Pathian a dungtun ih
a hnong a si.
 
29 Ka ral pawl harsatnak an tuar tikah
ka lung a awi lo;
Siatsuahnak an ton tik khalah
ka di a riam lo.
30 An thihnak ding siatcam
thlacam in ka sual dah kel lo.
31 Ka hrangih hnaòuantu pawl in
mikhual pawl ka inn ih
ka tlunter cu an thei òheh ko.
32 Sukso tawivak pawl ka inn ah
ka riakter ih,
Lamzin ah ka itter dah lo.
33 Midang cun an sual an thup tum;
Asinan kei cu ka sualnak
ka thup dah lo.
34 Mipi in ziangtin in rel ding
ti ka phang dah lo;
In hnihsan pang ding ti phang in
innsung khalah
ka khum aw dah lo.
 
35 Ka òong hi zotal in,
in ngai lo ding maw?
Siatcam in ka kam:
Ka thusimmi hi kam khat hman
a dik lo a um lo.
Ziangkimtithei Pathian in i sawnseh.
I raltu pawl in mawh in phurhnak cu
ka hmuh dingah
ngan suak thei hai sehla,
36 Hmaihngal zet in ka liangah
ka pu dingih,
sui lukhuh bangin ka lu ah
ka khum ding.
37 Pathian hnenah ka tuahmi
hmuahhmuah ka sim òheh ding;
A mithmai ah hngal zet in ka um ding.
38 Ka thlawhmi lo in i mawhthluk ih,
Riahsia in a mitthli ka tlakter
a si ahcun,
39 A khomi rawl ka ei ih,
Lo a thlotu sawn rilrawng ih
ka ret a si ahcun,
40 Ka lo ah sangvut le fang ai ah
Hrampi le hling kho sawnseh.
Job ih òong cu, cutiin a cem ta.