29
Netabik Job Ih Simmi
Job cu hitiin a òongsal:
Ka nunnak hi a hram in
thok theisal sehla,
Pathian in i rak zoh camcin
lai vek khan!
Pathian ih mei-inn cu
ka lu parah a tleu ih,
Khawthim sung ka feh tikah
tleunak i pek.
Culai ahcun ka rak neinung zet ih
Pathian ih pawlkomnak ruangah
ka innsang cu a him.
Ziangkimtithei Pathian
ka hnenah a rak um ih,
Ka faate pawl khal ka kiangkap ah
kim tein an um.
Ka caw le ka me pawl in
hnawi tampi in pek;
Lungkhol lak khalah ka olif kung
an kho thei.
Khuasung upa pawl an tonawknak
khuapi kotka ih ka to ve tikah,
In hmuh ve tein
mino pawl cu an kiang,
Upa pawl tla in upatnak
langter in an ding.
An hotu pawl an òong nawn lo,
An hmurka hupmi an bang.
10 An lakih mi upa pawl tla
an dai khepkhep.
An lei a cang nawn lo.
11 I hmutu le ka thu i theitu pawl
hmuahhmuah in,
Ka hnaòuanmi ruangah in porh zet.
12 Mifarah an au tikah ka bawm,
Ngakòah zonzai zohman
bawmtu nei lo ka zoh hai.
13 Awloksong vansanglammi pawl in
in thangòhat zet,
Nuhmei pawl tla himnak le
thinlung nomnak ka hawl sak.
14 Dingfelnak cu hnipuan bangin
ka hruk ih,
Dingthluk lairelnak cu puanfual le
lupawng bangin ka hruk.
15 Mitcaw pawl hrangah
an mit can ai ka si;
Ke awl pawl hrang khalah
an ke can ai ka si.
16 Farah zonzai hrangah pa ka si ih
ka theih lo mikhual pawl
harsatnak an ton tikah ka òan hai.
17 Zangfahnak nei lo thuneitu pawl
ka siatsuah ih,
an hremmi pawl ka luatter hai.
 
18 Kum reipi nung dingah le
ka inn sungah thlangamte ih
thi dingah ka ruat aw ringring.
19 A hrihram in tidai a ngahtu le
a hnge in daitla a dong ringringtu
thingkung vek ka rak si.
20 Zokhal in, in lawm,
i relsiatu zohman an um lo;
Ka thazang a òumsuk lo.
21 Midang hnenah ruahnak
ka pek tikah dai tein
ka thu cu an ngai.
22 Ka sim òheh tikah kam khat hman,
el ding le bet ding an nei lo.
Ka òongmi cu an sungah
ruahti bangin a pil.
23 Zokhal in ka òong ngai ding
an hiar zet,
Lothlo pawl in òoruah
an duh zet bangin.
24 An thin a nau tikah
ka mithmai òha ka langter;
Hni suamso ih ka um tikah
an thin a nuamsal.
25 Hotu hna ka òuan ih
thurel òulmi ka relcat;
Siangpahrang in a ralkap pawl
a ho vekin ka ho;
An riah a siat asile ka hnem hai a si.