21
Job in hitiin a sawn:
1-2 Ka òongmi hi ngai hnik uh!
In hnem theinak cu cumi lawng a si.
3 Òong theinak tikcu i pe uh,
Ka òheh tikah nan duh asile
4 Mihring thawn thu kan el aw a si lo!
Ka thin a tawi khalle ka mawh lo.
5 I zoh hnik uh! Mangbang tuksum le
òong lo in nan kaa nan hup a si!
6 Ka parih thil cangmi ka ruah ah,
Ka khawruah har tuk ah ka khur rero.
7 Ziangahso Pathian in miòha lo
pawl hi an nunnak a zuah?
An san a sauter ih milian sinsin ah
a tuah hai?
8 An tu le an fa pawl pitlin tiang
hmuta man ih an nun?
9 Pathian in an innsang ah harsat
vansannak a thlengter lo ih,
Thinphan thlaòemnak tla
an tong dah lo.
10 A si, an caw pawl tla an him ih
vansiatnak tong lo tein an pungzai.
11 An faate pawl cu
suk le so ah an tlan ih,
tuufaate bangin an lek.
12 Òingòang le khuangte tum in
an laam detdo.
13 Hnangam zet in tarkun an nung ih
harsatnak tuar lo dai tein an thita.
14 Miòha lo in “In tlansan aw,”
tiah Pathian an ti;
“Na lamzin hi a theih khal
kan duh lo,” an ti.
15 Ziangkimtithei kan biak rero a òul lo,
A hnenih thlacam rero khal
a òhahnem lo, tiah an ruat.
16 ‘Kan cahnak in
kan hlawhtling pam,’ an ti.
Asinan an ruahdan cu
17 Miòha lo ih meifar cu
a mit dah maw?
Anmah lakah zotal in
harsatnak an tong dah maw?
Pathian in a thinheng in
miòha lo pawl a hrem dah maw?
18 Hrampi ro vekin thli ih sem dingah
le leidip vekin thlisia ih
nuai hlo dingah a tuah hai maw?
19 A pa sualnak ruangah a fa parah
Pathian cawhkuan a thleng, nan ti.
A si lo, misual parah
Pathian hremnak thleng seh.
Nan sual ruangah ka lo hrem a si,
ti tla fiang tein langter seh.
20 Misual pawl in an sualman
siatsuahnak tuar hai seh;
Ziangkimtithei Pathian ih
thinhennak tong hai seh.
21 Mi pakhat a nunnak ni a cem tikah
a tantami a innsang le faate ih thu
a hun thei nawn ding maw si?
22 Cungnungbik Pathian parah
zotal in thuòhen ngamtu
23-24 Mihrek cu an thih ni tiang
mi harhdam an si;
Lungawi le thinnuam in an um ih
an taksa òha zet cing in an thi.
25 Mihrek cu lungawinak
an nei dah hrimhrim lo;
Thinhar in an nung ih thinhar in
an thi cihta.
26 Sikhalsehla cute pahnih cu
an thi ih phum an si;
An pahnih in tholung in
27 Ziangvek ruahnak nan nei,
ti ka thei.
Keimah siatsuah dingah
ruahnak òha lo nan nei ti ka thei.
28 Nannih in, “Milian pa ih inn cu
khuiahso a si?
Thilsual a tuahtu pa cu
khuiahso a um?” tiah nan sut.
29 Khualtlawng pawl thawn
nan be aw dah lo maw?
Annih ih an ra simmi thu
nan thei dah lo maw?
30 Pathian a thin a heng ih
mi a hrem tikah,
a luattu cu miòha lo an si òheu.
31 Miòha lo pa sual puhtu ding
zotal an um maw?
A tuahmi hmuahhmuah a thungrultu
zotal an um maw?
32 A thih tikah òha teih kilmi
thlaanmual ah an zawn.
33 A thlan ih leilung an silhmi hman
a hrangah a nem;
Mi thawng tampi in an thlah,
A hmaiih siar cawk lo
a rak feh cia mi pawl vek khan.
34 Nannih pawl cun thulolak in
a hnem in tum;
Nan òongmi hmuahhmuah hi
thuphan hlir a si.