18
Bildad in hitiin a sim:
1-2 Job, nangmah vek milai hi,
Dai tein na um thei lo maw si?
Kan thu ngai dingin cawl hrih awla
Kan lo sim ve hnik pei.
3 Rannung vekih aa ah in ruat,
Ziangtinso ramsa tluk ih in ruah?
4 Na thin a heng ruangah
na tuar deuhdeuh a si;
Nangmah ih ruangah leilung hi
a òhing ding maw si?
Nangmah ih ruangah tlang pawl hi
an òhawn ding maw?
5 Miòha lo pawl ih mei-inn cu
an mit ding;
An meisa cu ziangtik hmanah
a alhsal nawn lo ding.
6 A puanthlam sung ih tleunak cu
khawthim ah canter a si ding.
An kiangih mei-inn an mit òheh.Ref 18:6 Job 21:17;
7 A ke kar a rak hngetzet,
Asinan atu cu a ke a awl;
Amah ih ruahnak ruangah a ril ta riai.
8 Sur sungah a feh ih a ke in a awk,
kuahrum sungah a tla.
9 Thang in a kedil a awk,
Cutiin luat lo in a taarhaak.
10 Leilung parah palphum an siah ih,
A lamzin ah thang an kam.
11 A kimvel in tuksumza in a bawh,
Khuitawk lam a feh hmanah a thlun.
12 Milian a si òheu nain atu cu
rilrawng in a tha a cem.
A kiangin siatnak in a bawh,
A rilhbah ding lawng a hngak.
13 A pumpuluk in natsia in a tlun,
A kut le a ke pawl an òawt òheh.
14 Thlangam zet ih a umnak
puanthlam sung ihsin an dirsuak,
Thihnak Siangpahrang tong dingah
an caih hlo.
15 Atu ah zokhal a puanthlam sungah
a um thei;
Natsia um nawn hlah seh tiah
kaat meialh thawn an ur hnu ahcun!
16 A hnuailam ah a hri a thi ih,
a tlunlam ah a òek pawl an vuai.
17 A hmin cu an khua le an ram ah,
ramdang khalah a cem riai;
Lamzin ah zohmanin an cing nawn lo.
18 Minung umnak leilung ihsin
dawihlo a si ding;
Tleunak ihsin thimnak sungah
dawihlo a si ding.
19 Cithlah tesinfa zohman a nei lo,
A nehhnu ih a nungtu
an um nawn lo.
20 Nisuahnak ihsin nitlaknak tiang
mipi in cuih thu an theih tikah,
an thinphang in an khur thlohthlo.
21 Pathian zianghman ih a siar lotu le
miòha lo pawl ih tonmi le
dinhmun cu cubangtuk a si.