17
Ka nunnak a cem zik thlang;
Ka thaw hman ka thaw thei nawn lo.
Thlan in i rak hngak.
I hmuhsuamtu pawl in, in kulh òheh,
Cupawl cu cat lo in ka zoh hai.
Maw Pathian, ka thuhrennak ah,
keimah hi i co hram aw;
Kei i òantu ding zoso a um cuang?
Thuruah thiamnak nei lo dingin
an thinlung na phit òheh;
Curuangah nehtu siter hram hlah aw.
Khuahlan òongòhimnak ah,
‘Mi pakhat in tangka duh ah
a rualpi a phiar asile,
a faate an mit a caw ding’ ti a um.
Cuih òongòhimnak cu
ka parah an thlenter;
Ka hnenah mi an ra ih
ka hmaiah cil in phui.
Ka riahsia in ka mit khal
a mal thluh zik thlang;
Ka kut le ka ke pawl cu
phenthlam vekin an òawl.
Ka fel tiih a ruat aw mi pawl
an khawruah a har ih,
An zate in Pathian thei lo tiah
in hnong òheh.
Upat tlak ka si tiih
a ruat aw mi pawl in,
kan dik a si, tiah an zum sinsin.
10 Sikhalsehla an zate in ka hmaiah
ra ding hnik hai sehla,
An lakah mifim pakhatte hman
ka hmu lo ding.
11 Ka nunnak ni cu a liam vivo;
Ka tumtahmi pawl an hlo deuhdeuh;
Ka saduhthah pawl an cem.
12 Asinan ka rualpi pawl cun
zan khi sun an ti;
Khua a vang zik thlang an ti,
Asinan kei cu khawthim sung
thotho ah ka um.
13 Ka ruahsanmi cu mithi khua
Sheol lawng a si;
Cutawkah khawthim sungah
ka ihphah ka phah ding.
14 Khawhrum cu ‘Ka pa,’ ka ti dingih,
I eitu tholung pawl cu, ‘Ka nu’
culole ‘ka farnu,’ ka ti ding.
15 Cuti asile ka beiseinak cu
khuiahso a um?
Ka ruahsanmi i hmuh saktu
zotal an um maw?
16 Mithi khua Sheol ka feh tikah
Ruahsannak in i thlun thei lo ding.