11
Zofar in hitiin a sim:
1-2 Hi thulolak òong hi zotal in
kan let lo ding maw?
Mi òongtam ti men in
thiam an co ding maw si?
Job, kan lo let thei lo ah
maw si na ruat?
Na puarthau òong hin in vuakdai
dingah maw si na zum?
‘Ka òongmi le ka ruahmi hi a dik,
Pathian hmaiah ka thianghlim,’ na ti.
Pathian in lo let ve sehla
ka va duh so!
Fimnak ahhin thuah tampi a um zia,
Minung thluak ih theih thei lomi
thil tampi a um zia,
Na hnenah run phuang hnik sehla,
Thungaite ih ti ahcun
Pathian cun na tuar ding zat hnakih
deem deuh in a lo hrem sokhaw!
 
Pathian ih natsat zia hi
a ramri na thei thei pei maw?
Ziangkimtithei ih huham
maksak zia hi a suum
na tah thei pei maw?
A huham cu van hnakin a sang,
Nang in ziangso na ti thei?
Mithi khua Sheol hnakin a thuk,
Nang in ziangso na theih thei?
Pathian natsatnak cu leilung
pumpi hnakin a tum deuh ih,
Tipi thuanthum hnakin
a kau sawn a si.
10 Pathian in lo kai tahrat in
thawng ah lo thlak sehla,
Thuòhennak zungah lo fehpi sehla,
zoso a kham thei ding?
11 Miòha lo pawl zo an si, ti cu
Pathian in a thei òheh;
A òha lomi an hnaòuannak tla
a hmu òheh.
12 Mi-aa pawl an fimsal thei pei maw?
Hramlak laak kha a ngam cia in
a suak dah pei maw?
 
13 Job, na thinlung dik tein ret aw,
Na baan pharin Pathian lam hoi aw.
14 Na inn ih òhatlonak le na kut ih
sualnak pawl cu hlon òheh aw.
15 Cutiin mithmai baal lo in um awla,
Ral òha zet le
hngetkhoh zet in nung aw.
16 Cutiin na zonzaihnak cu
an reh vivo dingih,
A luanglanmi tilik
na theih nawn lo vekin
na ciing nawn lo ding.
17 Cutiin na nunnak cu
sun nitleu hnakin
a tleu sawn dingih,
A thimzet na timi na nunnak cu
zing khawvang bangin a vang ding.
18 Thlangam zet le nunnuam zet in
na um ding;
Pathian in a lo hum dingih
colhnak a lo pe ding.
19 Na zau huahho dingih
òihmi zianghman na nei lo ding,
Mi tampi in bomnak an lo dil ding.
20 Asinan miòha lo pawl cu
riahsia in khua an cuan dingih,
Luatnak lamzin an hmu lo ding.
A netabik an thawthawt kha,
ruahsannak an neihsun a si ding.