10
1 Nun hi ka ning thlang,
A siakha zetmi ka phunzainak hi
ngai hnik aw!
Ninghang zet in ka sim ding.
2 Maw Pathian, mi mawh na si
i ti siang hrih hlah;
Ziangvek sual so i puh, i sim hnik!
3 Zangfah nei lo ih i namsuk rero hi
a dik na ti maw si?
Na kutzungih na tuahmi nautat hi
a dik na ti maw si?
Miòha lo pawl ih tumtahmi
hnihsan men hi a òha na ti maw si?
4 Milai ih hmuhdan vekin thil
na hmu ve maw si?
5 Kan nunnak a tawi vekin
na nunnak a tawi ve maw?
6 Ziangahso ka sualnak lawnglawng
na hawl ih,
Ka mawhnak fate bik khal
na coih suak òheh?
7 Mawhnak ka neih lo hi na thei,
Asinan zohman in na kut sung ihsin
in runsuak thei lo ding
8 Na kut in i tuah ih i siam;
Atu ah cuih na kut cun i siatsuah.
9 Tlak in i siam hi hngilh hlah aw.
Leivut cangsal dingin
i rialdip ding maw si?
10 Ka pa kha keimah hrin theinak
thazang na pek ih,
ka nu ih pum sungah i òhanter.
11 Ka ruangpi cu ruh le tha in
na tuah ih,
Ka ruh cu tit le vun thawn na pehcih.
12 Nunnak i pek ih duhdawtnak khal
i neihter.
I kilkhawi ruangah ka nung a si.
13 Sikhalsehla na lung sungah
a thup teih na retmi,
Na thin sungah na ret thupmi cu
ka thei ngah a si:
14 Ziangtikah sual pei maw,
tiin i bawh ringring;
Ka sualnak a ummi cu
malte hman ngaidam
na tum hrimhrim lo.
15 Mawhnak ka neih ve tein
miharsa le mivanduai ah ka cang.
Thil òha ka tuah khalle
lom ka tong cuang lo.
Ka awloksong in ningzak in ka um.
16 Hlawhtlinnak hnihkhat
ka neih le kiosa bangin i hawl.
Keimah tuahmawh duh ah
mangbangza tla na tuah.
17 Ka thu a theitu na nei ringring;
Ka parih na thinhennak cu
a luar deuhdeuh;
Ka parah na huham cu a thleng ih
a thuah a thuah in, in nuai ciamco.
18 Pathian, ziangahso ka nu ih
pum sung ihsin i suahter?
Zohman ih hmuh man hlanah
rak thih sawn taak ding.
19 Ka nu ih pum sung ihsin
thlan ah rak lanta ningla,
A va òha deuh ngaingai ding nain,
A rak sem dah lo bangin.
20 Ka nunnak hi a cem zik thlang
a si lo maw?
I hnaihnok duh nawn hlah!
Tikcu malte ka neihsun cu
lungdai in ka hmang pei.
21 Ka feh cing ding,
‘Kirsal nawn lonak ram ah’!
Riahsiatnak ram le khua a thimnak
ram ah ka feh ding.
22 Thimnak le thihnak phenthlam le
buairuainak thawn a khatmi,i A thim mi ram timi cu mithi khua a ti duhnak a si ih leilung hnuai ah phenthlam bangin mithi pawl an um tiin an zum.
Tleunak hman a thim thothonak
ram ahcun ka feh ding.