JOHAN
(3 John)
Cakuat Pathumnak
Thuhmaihruai
Johan cakuat pathumnak hi “Kawhhran Upa,” in Gaius timi kawhhran hruaitu hnenih a kuatmi a si. Cangantu hin Gaius cu Khristian dang pawl a bawm ruangah a lawm ih Diotrefes timi pa kha ralring uh tiah thu a cah.
1
1 Kawhhran upa keimah in ka duhdawt zetmi GaiusRef 1.1 Tirh 19:29; Rom 16:23; 1 Kor 1:14; na hnenah hi ca hi ka lo kuat.
2 Ka duhdawtmi ka rual, thlarau lamah damte in na um ti ka theih vekin ziang hmuahhmuah ah harhdam le siarem ih na umnak dingah na hrangah thla ka cam;
3 Nang cu thutak sungah a um ringringmi na si bangtukin thutak ah taimakin na um hrih ti thu Khristian unau pawl in, in ra sim ih ka lung a awi ngaingai.
4 Ka faale pawl thutak sungah an nungcang ti ka theih hnakih ka lung i awitertu thu dang a um nawn lo.
Gaius A Lawm
5 Ka duhdawtmi ka rual, na Khristian unau hrang hna na òuan tikah, na theih dah lomi an si hmanah rin um zet in na òuan a si.
6 Duhdawtnak na neih zia cu hitawk kawhhran hnenah an ra rel zo. Hmailam an feh hrihnak ding lamzin khalah Pathian lungtong zawng in rak bawm hrih aw.
7 Ziangahtile Khrih hnaòuannak an lamzin an rak thok tikah zum lotu pawl hnen ihsin bomnak zianghman la lo in Khrih hnaòuan an rak thok a si.
8 Curuangah thutak sungih an hnaòuannak sungah kannih khal kan tel venak dingah kannih Khristian pawl in napi in kan bawm pei.
Diotrefes Le Demetrias
9 Kawhhran hnenah ca tawite ka ngan; asinain an hotu si a duhtu Diotrefes cun ka simmi cu zianghman ah a siar lo ding.
10 Curuangah ka ra thlen tikah a tuahmi hmuahhmuah ka phuang thluh ding; kan thuhla sia zet ih a relmi le thuphan a permi pawl ka langter òheh ding. Culawng a si hrih lo. Khristian unau pawl an ra tlawn tikah thlen-inn a on duh lo ih thlen-inn on a duhtu pawl hman kha a kham ih cupawl cu kawhhran sung ihsin phuar dingah a zuam ciamco a si.
11 Ka duhdawtmi ka rual, a òha lomi kha cawng hlah aw; a òhami cawng sawn aw. A òhami a tuahtu cu Pathian ta a si, a òha lomi a tuahtu cun Pathian a hmu lo.
12 Zozo khalin Demetrias an lawm; thutak hrimhrim khalin a lawm a si. Kanmah khalin cumi cu kan theihpi vemi a si ih kan simmi cu a dikmi a si, ti na thei.
Cibaibuk Netnak
13 Thu lo sim ding tam zet ka nei, asinain cafung le cati thawn cun ngan ka duh lo.
14 Lo tlawn cing ka tum ih cunah hmaiton in ka lo sim leh ding.
15 Daihnak na parah um hram seh.
Na rualpi pawl in cibai an lo buk. Kan rualpi pawl kha pumpak ciar in cibai in rak buksak aw.