5
Leilung Nehtu Kan Si
1 Zokhal Jesuh cu Messiah a si, ti a zumtu cu Pathian fa a si. Cule zokhal sisehla an pa a duhdawtu cun a faale khal a duhdawt a si.
2 Pathian faale pawl kan duhdawt a si, ti kan theihnak cu Amah Pathian kan duhdawt ih a thupekmi kan thlunnak hin a si.
3 Ziangahtile Pathian kan duhdawt ti cu a thupekmi kan thlun tinak a si. A thupekmi cu kan hrangah thlun har a si lo,Ref 5.3 Joh 14:15;
4 ziangahtile Pathian fa a simi poh in khawvel kha an neh thei. Cule kan zumnak thawngin kannih cu khawvel nehtu kan si.
5 Khawvel a nehtu cu zoso an si? Jesuh cu Pathian Fapa a si, ti a zumtu pohpoh cu khawvel nehtu an si.
Jesuh Khrih Thu Theitu
6 Ti le thisen thawn a rami cu Jesuh Khrih a si. Tidai thawn lawng in a ra lo, tidai le thisen cem in a ra. Hitiin a ratnak cu a dikmi a si tiah Thlarau rori in a theihpi, ziangahtile Thlarau cu thutak a si.
7 Theihpitu pathum an um:d 5:7* Kutngan Grik cabu hrekkhat sungah cun Vancung ah theihpitu pathum an um: Pa le Thu le Thiang Thlarau an si ih hi pathum cu pakhat an si, tiah a um.
8 Thlarau le tidai le thisen an si ih an pathum in an theihpimi thu a bang aw a si.
9 Minung ih thu theihpimi kan zum; cule Pathian ih theihpimi cu a thupi sinsin ih a Fapa thu a theihpimi cu amah rori in a langter zo.
10 Curuangah zokhal Pathian Fapa a zumtu cun amah ih thinlung sungah theihnak a nei a si; sikhalsehla Pathian a zum lotu cun, Pa in a Fapa thu a simmi a zum lo ruangah, Pathian kha thuphanper ah a canter.
11 Cutiih a theihtermi cu hitiin a si: Pathian in kumkhua nunnak in pe ih cuih nunnak cu a Fapa sungah a um.Ref 5.11 Joh 3:36;
12 Zokhal Fapa a neitu cu nunnak a nei; Pathian Fapa a nei lotu cu nunnak a nei lo.
Kumkhua Nunnak
13 Pathian Fapa a zumtu in kumkhua nunnak kan nei ti nan theihnak dingah hi cakuat hi nan hnenah ka ngan.
14 Kannih cu Pathian hmaiah ralòhatnak kan nei, ziangahtile amah ih duhnak thawn mil aw in kan dil ahcun kan dilnak kha in theih sak òheh a si, tihi fiang tein kan thei.
15 Amah kan dil tinten in theih sak; cule in theih sak ti kan theih ruangah kan dilmi hmuahhmuah in pe a si, ti khal kan thei.
16 Na unau pakhatkhat in thihpitlak a si lomi sualnak a tuah na hmuh ahcun Pathian hnenah thlacam sak awla Pathian in luatnak a pe ding. Himi cu thihpitlak a si lomi sualnak a tuahtu pawl hrangah a si. Sikhalsehla thihpitlak sualnak a um ih cumi a tuahtu pawl hrangah cun Pathian hnenah thlacam sak uh ka ti lo.
17 Thil tuah sualmi hmuahhmuah hi sualnak a si, sikhalsehla sualnak hmuahhmuah hi thihpitlak sualnak an si lo.
18 Pathian faate a simi cu sualnak tuah vivo in a nung nawn lo ti kan thei, ziangahtile Pathian Fapa in a hum ih Satan in a siatsuah thei lo.
19 Leilung pumpi hi Satan kut hnuai ah a um; asinain kannih cu Pathian ta kan si, ti kan thei.
20 Pathian Fapa cu a ra zo ih theihthiamnak in pek ruangah Pathian taktak kan thei, ti a fiang. A Fapa Jesuh Khrih thawn pehzomnak kan neih ruangah a dikmi Pathian thawn pehzomnak kan nei thei. Amah cu a dikmi Pathian a si ih kumkhua nunnak khal a si.
21 Ka faale tla, milem pawl cu va hrial uh.