66
Bawipa In Miphun Pawl Ih Thu A Òhen
1 Bawipa in, “Vancung cu ka tohkham a si ih leilung cu ka ke retnak a si. Curuangah ziangbangtuk inn le hmun so ka umnak dingah nan sak thei ding?Ref 66.1 Mat 5:34; 23:22; Mat 5:35; Tirh 7:49, 50;
2 Lei le van pumpi hi keimah ih semsuahmi an si. Thinlung a neem mi, sirawknak thinlung a neimi le ka thu thlun ih i òihzahtu pawl parah cun ka lung a awi a si.
3 “Minung cun anmah ih duhnak thlun in hna an òuan. Saserh hrangah cawcang an that, milai tla raithawinak ah an pek; tuufaate an that ih uico ih hngawng tla an tan; sangphut thawinak an pekih vok thi khal an pek. Rimhmui an ur ih milem hmaiah thla an cam. Ningsinza biaknak cu an lungawi zawng a si.
4 Curuangah an parah harsatnak thil poimawh ka thlenter ding, an òih thlohthlo mi thil poimawh ka thlenter ding a si. Ziangahtile ka kawh tikah zohman in, in awi lo; ka òong tikah zohman in an ngailo. Ka thu el le thil òha lo tuah cu anmah ih hrilmi a si,” tiah a ti.
5 Bawipa ih òongmi hi ngai hnik uh, nannih amah a òihzahtu le a thu a thluntu pawl: “Keimah in rinsan ruangah nan phunpi hrekkhat pawl cun an lo hua ih zianghman ah an lo siar lo a si. An lo hmuhsuam ih ‘Lungawi aipuang in khua nan sak cu kan hmu duh a si. Curuangah Bawipa in a cahnak langter sehla lo hum seh,’ an ti. Sikhalsehla anmah sawn kha ningzaktu ding an si.
6 Ngai hnik uh! Khuapi sungih thawmvang le Biakinn ihsin aw a thangmi cu Bawipa in a ral pawl a hremnak thawmvang a si.
7 “Ka khuapi thianghlim cu, nausuah natnak zianghman tuar lo tein rinlopi ih fapa a neitu nunaunu vek a si.Ref 66.7 Thup 12:5;
8 Cubangtuk cu zotalin an thei dah, an hmu dah maw? Miphun phunkhat hi ni khat sungah hrin a si dah maw? Hi miphun phunkhat a suah tikah Zion cu reipi a tuar a òul lo ding.
9 Hi ka miphun cu hrin tikcu tiang ka hruai ding nain ka suakter lo dingah maw nan ruat?” tiah a ti. Bawipa in a sim zo a si!
10 Jerusalem thawn nan lungawi uh,
a hrangah nan thin nuam uh,
hi khuapi a duhtu pawl!
Atu ah amah thawn nan lungawi uh,
a hrangih ninghannak a neitu pawl!
11 A nu ih hnawi hnangam zet ih a fawptu
naute bangin lennak parah
nan thin a nuam ding.
12 Bawipa in, “Malsawmnak le òhansonak cu cat lo in ka lo pe ding; a kang dah lomi tiva bangin miphun tampi ih lennak cu nan hnenah a luang ding. Duhdawtnak thlum thawn a nu in a òaang parah a cawi ih òha teih a kilkhawi mi naute bangtuk nan si ding.
13 Naute hrangih hnemtu òha bik cu a nu a si bangtukin Jerusalem khua sungah ka lo hnem ding.
14 Cubangtuk ih a cangmi thil nan hmuh tikah nan lung a awi ding; a lo cakter dingih nan damnak khal a si ding. Cuticun Bawipa keimah in ka thu a thluntu cu ka bawm ih ka ral pawl parih ka thinhennak ka langter zia kha nan thei ding,” tiah a ti.
15 Bawipa cu meisa thawn a ra ding. Thlipi ih thlazim parah Bawipa cu a to dingih a thin a hengtertu pawl cu a hrem ding.
16 Amah hmaiih mawhnak neitu leilungtlun minung pawl cu meisa le ralnam in a hrem dingih mi tampi an thi ding a si.
17 Bawipa in, “Raithawinak hrangah a thiangfai awter ih hmuan sungih an dawl mi biakòheng ah a rual, a rual in a fehtu pawl, voksa le zinghnam ah a rual, a rual in a fehtu pawl, voksa le zinghnam sa le a dang ti-rawl fihnungza a eitu pawl ih san cu a cemzik thlang.
18 An thinlung ruahmi le an hnaòuannak cu ka thei òheh a si.
“Phun tampi le hnam tampi ih milai pawl, pumkhawmter dingah ka ra ding. Cutiih an ton awk khawm tikah ka thilti thei zia an hmu dingih,
19 anmah hremtu cu keimah ka si kha an thei ding.
“Sikhalsehla mihrekkhat cu ka zuah dingih, ka hminthannak, ka natsatnak le ka huham neih zia a thei dah lotu miphun pawl le lamhlatpi ih a ummi ram ah ka kuat ding: Spain ram, Libia ram, conkiang saithiam pawl umnak Lidia ram, Tubal ram le Grik ram ah ka kuat ding. Hi miphun pawl lakah ka natsatnak thu an sim ding.
20 Hi ram pawl ihsin nan phunpi nan unau pawl cu an rak kirpi dingih ka hrangah laksawng bangtuk an si ding. Israel mi pawl in sangphut thawinak cu bawm thiangfai thawn Biakinn ih an rak ken bangin nan hrinpi unau pawl cu Jerusalem ih ka tlang thiang parah rang, laak, kalauk, rangleng le cawleng thawn an ratpi ding.
21 Anmah sungin mi hrek khat cu puithiam le Levi mi ah ka tuah ding.
22 “Van thar le leilung thar tla cu ka huham thawngin a hngetmi an si ding vekin nan tesinfa le nan hmin tla cu a hmun mi an si ve ding.Ref 66.22 Isa 65:17; 2 Pit 3:13; Thup 21:1;
23 Thla thar puai tin le nizarh ni tinah miphun tinkim cu hi Jerusalem ah keimah bia dingah an ra ding,” tiah Bawipa in a ti.
24 “An kirsal tikah keimah i dotu le i raltu ih ruak pawl cu an hmu ding. An ruak a eitu tholung pawl cu an thi dah lo dingih anmah urnak meisa khal a mit dah lo ding. Miphun tinkim ih mithmuh ah fihnungza an si ding,” tiah a ti.Ref 66.24 Mar 9:48;