65
Ralthotu Pawl Bawipa In A Hrem
1 Bawipa in, “Ka minung pawl ih thlacamnak let dingah ka tiar aw nain annih in thla an cam lo! Anmah ih ton dingah ka tiar aw nain annih cun a ton hman in tum lo! Ka hnenih thla a cam lomi miphun hnenah, ‘Hinah ka um, ka lo bawm ding,’ tiih sawn dingah ka ralring nain ka hnenah thla an cam riai lo!Ref 65.1 Rom 10:20;
2 Thilsual lawnglawng lungruh zet ih a tuahtu le anmah ih duhnak lawng a thluntu pawl hnenah catbang lo in ka zaa ka saan.Ref 65.2 Rom 10:21;
3 Ningzah hman thiam lo in ka thin in hengter ringring. Hmuan sung òhumhmun ah lawki raithawinak an pekih khawvel biakòheng parah rimhmui an ur.
4 Zan òhing ah mithi thlarau tong dingah lungpuk le thlan tla ah an feh. Himi pawl in voksa an ei ih khawvel pawl ih raithawinak sahang an in.
5 Asinan midang hnen ahcun, ‘In dai hlah uh, a thiangmi kan si,’ an ti. Hivek minung pawl cu zawi cawk ding an si lo; an parih ka thinhennak cu a mit dah lomi meisa bangtuk a si.
6 “Anmah hrem ding cu ka ruatcat zo ih ka thuòhennak cu ngan òheh a si zo. An thil tuahmi cu pakhat hman hrelh lo in ka hmu òheh dingih,
7 anmah ih sualman le an pipu pawl ih sualman cu an hlawh ding. Khawvel pawl in tlang parih an dawlmi biakòheng parah rimhmui an ur ih in thangsiat a si. Curuangah annih cu hlanih an tuahnak vekin ka hrem ding a si,” tiah a ti.
8 Bawipa in, “Zohman in sabit rah òha cu an siatsuah dah lo; sabit rah òha cun sabitti an tuahsawn a si. Cuvekin ka minung pawl cu ka siatsuah òheh lo ding; Keimah i riantu pawl cu ka hum ding a si.
9 Judah hrin Israel mi pawl cu ka thluasuah dingih an tesinfa pawl in tlangpar ram cu an luah ding. Cutawkah ka hrilmi le i riantu pawl cu an um ding.
10 Keimah in bia dingih an tuu le an caw pawl cu tlimno umnak ram nitlaknak lamah Sharon phairawn, nisuahnak lamah Harsatnak phairawn timi ah an thlah ding.Ref 65.10 Jos 7:24-26;
11 Sikhalsehla keimah i dungtuntu, ka tlang thianghlim Zion a hnongih vanòhatnak khawvang Gad le vansiatnak khawvang Meni a betu nannih pawl hrangah cun cubangtuk cu a si lo ding.
12 Ka lo kawh tikah in let lo ih nan hnenih ka òong tikah in ngailo ruangah saarthih lawnglawng in nan thi ding. Ka thu el le a òha lomi tuah cu nanmah ih hrilmi a si.
13 Curuangah ka lo sim hai: Keimah i biatu le ka thu a thluntu pawl cu ei ding le baar ding tampi an nei ringring ding; asinain nannih cu nan ril a rawng dingih nan ti a haal ding a si. Annih cu an lung a awi ding; asinain nannih cu ningzak le hmaisia in nan um ding.
14 Annih cu an thin nuam in hla an sa ding; asinain nannih cu nan thinlung kuai in nan òap ding.
15 Ka hrilmi ka minung pawl in nan hmin cu thlalet camnak ah an hmang ding. Bawipa keimah rori in ka lo thihter ding. Sikhalsehla ka thu a thluntu pawl cu hmin thar ka pe ding.
16 Hi ram sungih a ummi thluasuah vanluhnak a diltu hmuahhmuah in rin tlak a simi Pathian ih thluasuahnak an dil ding a si. Siatcam in thukamnak a tuahtu hmuahhmuah in rin tlak a simi Pathian hmin in an tuah ding. A liamzo mi tikcu ih harsatnak pawl cu a cem dingih hngilh òheh an si thlang ding,” tiah a ti.
Lei Thar Le Van Thar
17 Bawipa in, “Zoh hnik, lei thar le van thar ka tuah rero lai a si. A liamzo mi thil pawl cu hngilh òheh an si ding.Ref 65.17 Isa 66:22; 2 Pit 3:13; Thup 21:1;
18 Kan siamthar mi parah hin lungawi aipuang ringring in um uh. Ka tuahmi Jerusalem thar cu lungawinak in a khat dingih a khuasung mi pawl cu an thin a nuam ngaingai ding.
19 Jerusalem khua le a minung pawl ruangah keimah khal ka lung a awi ding. Cutawkah cun òahnak a um lo ding; bomnak dil khal a òul nawnlo ding.Ref 65.19 Thup 21:4;
20 Nau note thih khal a umlo dingih zokhal an sankim in an nung ding. Kum zakhat a ti mi pawl cu mino ti an si ding. Cuih hlanih an thih asile keimah in daan ka tat a si, ti khihhmuhnak a si ding.
21-22 Inn an sak dingih a sungah an um ding; an sakmi inn cu zohman in an luahsak lo ding. Sabit hri an ciing dingih sabitti an in ding; midang zohman in an in sak lo ding. Thingkung bangin ka minung pawl cu an san a sau ding. An òuan mi rah cu tlamtling zet in an ei ding.
23 An hnaòuannak ah hlawhtlinnak an nei dingih an tesinfa pawl cu siatsuah tuahmawhnak an tonglo ding. Anmah le an tesinfa pawl cu san ih khuk tiang ka thluasuah hai ding.
24 Ka hnenih thlacam an òheh hlan hmanah an thlacamnak cu ka let ding.
25 Cinghnia le tuufaate pawl cu hmunkhat ah rawl an ei tlang dingih caw bangtukin kiosa in fangkuang ro a ei ding. Rul tla cu òihnungza a si nawnlo ding. Maw Zion, ka tlang thianghlim, zianghman òihnungza le thilòha lo a um nawn lo ding,” tiah a ti.Ref 65.25 Isa 11:6-9;