1 Ziangahso van khi thlek tahrat in na rung òum lo? Tlang saangpi pawl in an lo hmu dingih nangmah òih ah an khur thlohthlo ding! 2 Meisa parih tidai a so bangin an òhia rero ding a si. Ra awla na ral pawl hnenah na cahnak huham langter awla miphun hmuahhmuah in an lo hmuh tikah khur rero hai seh. 3 Veikhat cu na ra ih kan ruah dah lomi òihnungza thil pawl na tuah zo; tlang pawl in an lo hmuh tikah òihnak thawn an òhia rero. 4 An Pathian an rinsan ruangah an hrangah hibangtuk thil a tuahtu Pathian cu zohman in an hmu dah lo, a theih khal an thei dah lo.Ref 64.4 1 Kor 2:9; 5 Na duh vekih nung dingah a ciing òhatu le thil hman tuah tahrat ih a lung a awitu pawl cu na lawm òheu a si. Kan parah na thin a heng, asinain kan sual ringring thotho. Na thin a hengzet nain khuahlan lai ihsin kan palh ringring thotho a si. 6 Kan zate in mi borhbah kan si òheh; kan hnaòuan òha bik khal cu fihnung zet a si ko. Kan sual ruangah thli ih semhlo mi thinghnah ro bangtuk kan si. 7 Na hmin ko in thlacamtu zohman kan um lo; nangmai bomnak dil dingah zohman na hnenah kan ra lo. Kan hmuh lo dingah na relh ih kan sual ruangah in dungtun a si.

8 Sikhalsehla Bawipa nang cu kan Pa na si. Kannih cu tlak bangtuk kan si ih nang cu beel tuahtu bangtuk na si. Nangmah ih semsuahmi kan si ih, 9 kan parah na thinheng tuk hram hlah aw; kumkhua ih sual phurtu khalin siter siang hram hlah aw! Nangmai milai kan si ih kan parah zangfahnak nei hram aw. 10 Na khua thianghlim pawl cu nelrawn ah an cang zo ih Jerusalem tla hnawmpen le ramòhing ah a cang zo a si. 11 Kan pipu pawl ih an rak lo thangòhatnak a thianghlim mi le a mawi zetmi kan Biakinn khal meisa in a kang òheh a si. Kan sunsak zetmi hmun pawl cu hnawmpen ah an cang òheh zo a si. 12 Maw Bawipa, hibangtuk thil na hmuh tikah hin na zianghman a poi lo maw si? Dai zirziar in na um ko ding maw si? Kan tuar thei nawn lo tiang in tuarter ding maw si?