61
Luatnak Thuthang Òha
Bawipa ih thlarau cu ka hnenah a um ih
cahnak in i khahter.
Bawipa in i hril ih
farah hnenah Thuthang Òha sim dingah,
Thinlung kuai mi damter dingah,
ral kaih mi pawl hnenih
luatnak thu thantu dingah le
thawngtla mi pawl hnenih luatnak thu
sim dingah i thlah a si.Ref 61.1 Mat 11:5; Luk 7:22;
Bawipa in a minung pawl a runsuak dingih
an ral pawl a nehnak tikcu a ra thleng zo,
tiih thuthantu dingah i thlah a si.Ref 61.1, 2 Mat 5:4; Luk 4:18, 19;
Riahsia mi pawl hnem dingah le
Zion ih ninghangin a ummi pawl hnenah
riahsiatnak ai ah lungawi thinnomnak,
ninghannak ai ah thangòhatnak hla
thlentu dingah i thlah a si.
Bawipa amah in a phun mi,
thingkung bangtuk an si ding.
An zate in a hman mi an tuah dingih
Pathian cu a thiltuah mi ruangah
thangòhat a si ding.
Kum reipi hnawmpen ih a cangzo mi
khuapi pawl cu an saksal ding a si.
 
Ka minung pawl ramdangmi in an lo rian ding.
Nan tuurual pawl an kilkhawi ding;
Nan lo an thlo dingih
nan sabit hmuan an sial ding.
Cule nannih cu Bawipa ih puithiam
timi nan si ding;
Mi phundang pawl ih lennak cu nan ei dingih
mi nan dawtsorh ding.
Nan ningzahnak le
nan mualphonak cu a cem a si.
Nanmah ih ram sungah nan um dingih
nan lennak cu a let hnih in a òhang ding.
Kumkhua in nan lung a awi ding.
 
Bawipa in,
“Dingnak cu ka duh ih, puarthaunak le
thisen luannak cu ka hua a si.
Ka minung pawl cu fel tein
an òuan man ka pe dingih anmah thawn
kumkhua in a hmun mi thukamnak
ka tuah ding.
Miphun hmuahhmuah lakah
an hmin a thang ding;
A hmutu hmuahhmuah in
keimah ih ka thluasuah mi miphun
an si kha an thei ding,” tiah a ti.
 
10  Bawipa ih thil tuahmi ruangah
Jerusalem cu a lung a awi.
Òhitawknak puai hrangih
a thuam aw mi mo vek a si.
Pathian in runnak le nehnak thawn
a thuam zo a si.Ref 61.10 Thup 21:2;
11 A siat mi um lo ih a kho mi le
a òhang mi thlaici vekin,
Bawipa in a minung pawl cu a run ding.
Cuticun Bawipa cu
miphun hmuahhmuah in
an thangòhat ding a si.