57
Israel Mi Ih Milem Biakinn A Mawhthluk
Miòha an thi ih zohman in an theithiam lo, zianghman ah an siar lo. Asinan an thih tikah cun retheih zonzaih an tuar nawn lonak hmun ah an thleng. Ziaza òha a neimi cu hnangamnak an ngah ih an thih tikah colhnak an ngah a si.
Maw misual pawl, nan thuòhen dingah hinah ra uh. Pol pawl le pasal òaang ih mi ngai le hlawhhlang pawl hnakin nan òha deuh cuang lo. Zoso hnihsuahsainak ih nan hman reromi cu a si? Nan kaa ang tahrat in nan lei nan khak hnawh mi cu zoso a si? Leilung òhattertu khawvang kan biak nan tiih a zarh mi nan thingkung hnuai ah nu le pa nan pawl aw. Tivun kiang lungpuk sungah nan faate pawl cu raithawinak ah nan pek! Cutawkih a ummi lungto ngil pawl cu nan lak ih khawvang ah nan biak! Cui lungto hrangah sabit nan thlet ih nan pek; sangphut thawinak tla nan pek. Ka lung a awi dingah maw in ruat? Tlangsang parah thawinak pe dingah nan feh ih nupa pawlawknak riangri ah nan hmang. A taklawng teih a ummi nan milem pawl cu nan innhmai sangka phen ah nan ret ziarzi! Kei cu in taan; nan hnipuan nan phuak ih nan ihpi dingah tangka nan phalhmi nan mi ngaimi pawl thawn nan ihkhun kaupi parah nan it. Cutawkah nan taksa diriamnak cu nan tuah. Nan rimhmui nan culh aw, nan sahriak nan thih aw ih Molek khawvang biak dingah nan feh. Biak ding khawvang hawltu dingah leilung khuazakip ah palai nan thlah; mithi khua tiangah nan thlah a si. 10 Khawvang dang nan hawlnak ah nan thitha khal a cem òheh, asinain nan bei a dong dah lo. Ningzah nei lo nan milem pawl in cahnak in pek, tiah nan ruat; curuangah nan tha a baang dah lo.
11  Bawipa in, “Nan thinlung sungih òihnak a umtertu hi khawvang pawl cu zoso an si?” Cutiih nan òih ruangah ka hnenah thuphan nan per ih kei cu in hngilh riai a si! Daite ih ka um ringring ruangah maw kei cu in upat nawn lo? 12 Kan tuahmi a hman, tiah maw si nan ruat? Ruat duh hlah uh! Nan tuahmi hi ka phuang thluh dingih nan milem pawl cun an lo humhim thei lo ding. 13 Bomnak dilin nan au rero tikah nan milem pawl cun lo bawm hai seh. Veikhat thlihrang in a semhlo òheh hai ding! Sikhalsehla keimah i rinsantu pawl cu ram sungah an um dingih ka Biakinn sungin in biak ding a si,” a ti.
Pathian Bomnak Le Damternak
14  Bawipa in, “Ka minung pawl cu ka hnenah rakir hai seh. An lamzin ih midawntu hmuahhmuah cu hlon òheh uh! Lamzin tuah òheh uhla a cia in ret uh!
15 Keimah cu kumkhua ih a nungmi Pathian, a saangmi le a thianghlim mi Pathian ka si. A sang le a thianghlim mi hmunah ka um; asinain rinsannak le beiseinak nan neihsalnak dingah thinlung kuai mi le thinlung neem mi hnen khalah ka um a si. 16 Ka minung pawl hnenah nunnak ka pek; ka mawhthluk ringring lo dingih an parah ka thin cu kumkhua in a heng lo ding. 17 An sualnak le an duhhamnak ruangah an parah ka thin a rak heng a si. Ka thinheng in ka hremih ka hnong hai a si. Cucingin an thinlung a ruh ih anmah ih duhnak lamzin an thlun thotho.
18 “An thil tuah zia cu ka hmu zo; asinain ka damter hai ding. Ka hruai dingih ka bawm ding; riahsia ninghang mi pawl cu ka hnem ding. 19 A hlat ih a ummi siseh, a nai ih a ummi siseh, an zate hnenah daihnak ka pe a si. Ka minung pawl cu ka damter ding.Ref 57.19 Efe 2:17; 20 Sikhalsehla miòha lo pawl cu, a cawl dah lomi tilet pawl in ciarbek le hnawmhne a suahpi ringringtu tifinriat bangtuk an si. 21 Misual pawl hrangah cun humhimnak a um lo,” tiah a ti.Ref 57.21 Isa 48:22;