56
Mi Hmuahhmuah In Bawipa Ih Minung An Si Ding
1 Bawipa in a minung pawl hnenah, “A rei hlanah ka lo run ding. Curuangah a dikmi le a hman mi tuah uh.
2 Nizarh ni a ul ringring ih a hmangsual lotu cu ka thluasuah ding a si,” a ti.
3 Bawipa ih minung pawl hnenih a òangtu ramdangmi in, “ Bawipa in a minung pawl thawn Pathian biak tlang in siang lo ding,” tiah ti hlah seh.
Tilper mi in, “Faate nei theilo ka si ruangah Pathian ih minung pawl hnenah ka tel theilo ding,” ti hlah seh.
4 Hibangtuk mi hnenah Bawipa in, “Nizarh ni ul tahrat in keimah i upat ih ka duhmi a tuahtu le ka thukamnak a thlun ringringtu cu,
5 ka Biakinn sungah le ka minung lakah nan hmin cu ciin ringring a si dingih, fanu le fapa nan neih ih nan hmin than ding hnakin nan hmin cu rei deuh ciin a si ding. Ziangtik hmanah hngilh nan si lo ding,” a ti.
6 Bawipa ih minung lakih a telmi ramdangmi pawl, Bawipa a duhdaw ih a riantu le Nizarh ni a ul ih a thukham fel teih a thluntu pawl hnenah Bawipa in,
7 “Ka tlang thianghlim Zion ahcun ka lo thlenpi ding; ka thlacamnak inn ah lungawinak ka lo pe dingih ka biakòheng parih nan pekmi thawinak tla cu ka sang ding a si. Ka Biakinn cu miphunkip hrangah thlacamnak inn an ti ding,” a ti.Ref 56.7 Mat 21:13; Mar 11:17; Luk 19:46;
8 Saltannak ihsin a minung pawl a suahtu Bawipa Pathian in amai minung pawl thawn finkhawm dingah miphundang rak hruai dingin thu a kam a si.
Israel Hotu Pawl Mawhthluk An Tong
9 Bawipa in miphundang pawl kha sahrang bangih ra tahrat in a minung pawl ra bauhthlek thluh dingah a fial a si.
10 Bawipa in, “Israel hotu pawl, ka minung ralrinnak a simtu ding pawl hi an mit a caw òheh a si. Zianghman theihmi an nei lo. Inn kilvengtu asinan a bo lomi uico bangtuk an si; an it ih mang an man hluahhlo men. Ih an duh zia cu!
11 A hamòam zet ih ziangtik hmanih khawh ti a nei lomi uico bangtuk an si. Theihthiamnak zianghman nei lo hotu an si. An zate in anmah ih duhmi lawng an tuah ih anmah ih miatnak hlir an hawl.
12 ‘Ra uh, sabit kan in pei. Kan dawk thei sung kan dawk pei! Thaisun cu tuih sun hnak hman in ni sunglawi sinsin a si ding,’ tiah a ri pawl in an ti,” tiah a ti.