54
Bawipa Ih Israel A Duhdawtnak
1 Maw Jerusalem, faneilo nucing bangtuk na si.Ref 54.1 Gal 4:27;
Asinan atu cun na lungawi awla
au in hlasa aw.
Atu cun a pasal in a taan dah lomi nunau hnakin
faate tamdeuh na nei ding.
2 Na puan inn tumter deuh aw!
Puan òemnak hri sauter deuh awla,
A fungkhen pawl hnget deuh in tuah aw.
3 Na ramri cu na ram kimvel ah kauhter aw;
Mi phundang pawl ih an luahmi na ram hi
na miphun pawl in an cosal ding.
Atu ih a òhing reprep mi khua pawl hi
4 Zianghman phang hlah,
na ning a zak nawn lo ding;
Mualpho in na umsal nawn lo ding.
Nupi note na si lai ih na zuanzamnak le
nuhmei na si ih ninghang lungleng ih
na umnak hi cu na ciing nawn lo ding.
5 A lo semsuahtu a hmin
Cungnungbik Bawipa a simi cu
na pasal bangtuk a si ding.
A thianghlim mi Pathian,
Israel ih Pathian in a lo run ding.
Amah cu leilung pumpi uktu a si.
6 Maw Israel, nupi note bangtuk na si,
A pasal ih maak mi le ninghang riahsia ih
a ummi nunau bangtuk na si.
Sikhalsehla Bawipa in a hnenah
a lo kosal ih,
7 “Tikcu tawite sung ka lo òhen;
Ka lo duhdawtnak a thuuk ruangah
ka lo hruaisal ding.
8 Caan tawite sung ka thinheng in
khatlam ka lo hoi san;
Asinan kumkhua in a hngetmi
ka lo duhdawtnak cu
ka lo hmuh ding,” a ti.
A lo runtu Bawipa in a ti a si.
9 Leilungtlun ah tilik
ka thlenter nawn lo pei, tiah
Noah san ah thu ka lo tiam zo.Ref 54.9 Sem 9:8-17;
Atu ah na parah ka thin a heng nawn lo pei,
tiah thu ka lo kam a si.
Ka lo hrem lo ding, a kawk khal
ka lo kawk lo ding.
10 Thlua le tlang khal cim òheh hman hai sehla,
Ka lo duhdawtnak cu a cem dah lo ding.
Ka lo pe ding tiih ka lo kam mi daihnak cu
ka kimter ringring ding,” tiah
a lo duhdawttu Bawipa in a ti.
Jerusalem Thar
11 Bawipa in, “Maw Jerusalem,
bawmtu nei lo zonzai tuartu khuapi,
hnemtu zohman na nei lo.
Na innhram pawl cu lungmankhung in
ka saksal ding.
12 Na ralvennak innsang pawl cu
ruby lungmankhung in;
Na kotka pawl cu meisa bangtukih
a vaammi lungmankhung in,
na kimvel phar pawl cu lungvar in
ka saksal ding.Ref 54.11, 12 Thup 21:18-21;
13 “Na minung pawl cu
keimah rori in ka zirh dingih,
daihnak le òhansonak ka pe ding.Ref 54.13 Joh 6:45;
14 Dingnak le òhatnak in a lo cakter ding;
Hremnak le òihphannak in na luat ding.
15 Midang in an lo do asile
ka thu lo in an lo do a si ding.
A lo dotu cu zo a si khalle a sung ding.
16 “Meisa a zaap ih hriamnam a tuahtu
Soserpa cu keimah in ka tuah.
Mithahnak ah cuih hriamnam a hmangtu
ralkappa a tuahtu khal keimah ka si.
17 Asinan ziangbangtuk tuahmi
hriamnam khalin a lo ngah lo ding;
Sual a lo puhtu òongkam hmuahhmuah cu
na let thei thluh ding.
Keimah riantu pawl cu ka òan dingih
nehnak ka pe ding,” a ti.
Bawipa in a sim zo a si.