53
1 Cutikah misenpi in,
“Atu kan simmi hi a zumtu
an rak um dah lem pei maw?
Hi thil ahhin Bawipa ih kut a hmutu
an rak um lem pei maw?Ref 53.1 Rom 10:16; Joh 12:38;
2 Asinan Bawipa ih duhnak bangtukin
a riantu cu thingkung bangin a kho,
Leicar lakih thing note bangin.
Kan zoh duhnak dingah
pianhmang òhatnak le mawinak a nei lo.
Kan thinlung le kan mit in latu dingah
mawinak zianghman a nei hrimhrim lo.
3 Amah cu kan hmuhsuam mi le
kan hnonmi a si.
Natnak le harsatnak a tuar.
Zokhal in a zoh hman an zoh duh lo.
Zianghman a si lo tiah
4 “Asinan amah cu kan zonzaihnak tuartu a si,
Kan natnak phurtu khal a si.
A zonzaihnak le a tuarnak pawl cu
Pathian ih hremnak a si tiah kan ruat.Ref 53.4 Mat 8:17;
5 Sikhalsehla kanmah ih sual ruangah
hriamhma a pu,
Thil òha lo kan tuah ruangah
vuaknak a tong.Ref 53.5 1 Pit 2:24;
Hremnak a tuarmi cu kan damnak a si,
Vuak a tuarnak cu kan rundamnak a si.
6 Kan zate in a hlo mi tuu bangin kan vakvai,
Kan duhnak zin ciar ah kan feh.
Asinan Bawipa in kan tuar dingmi
kan sualman cawhkuannak cu
a parah a thlenter.Ref 53.6 1 Pit 2:25;
7 “An tisia zet nan thindai tein a tuar,
Kam khat hman a òong lo.
Thah dingih an fehpi mi tuufaate bangin le
a hmul meh dingmi tuu bangin
a kaa in òongkam zianghman a suah lo.Ref 53.7 Thup 5:6;
8 Amah cu an kai ih thah dingin a thu an òhen,
A thih ding khal zohman in an poisa lo.
Kan minung pawl ih
sual ruangah thah a tong.Ref 53.7, 8 Tirh 8:32, 33;
9 Thilsual tuah dah mi le
thuphan per dah mi a si lo nain,
Miòha lo pawl thawn thlan ah an ret;
Milian hnenah an phum,” tiah an ti.Ref 53.9 1 Pit 2:22;
10 Bawipa in,
“A tuar ding cu keimah ih duhnak a si;
A thihnak cu ngaidamnak a thlentertu
thawinak a si.
Cuticun a tesinfa pawl a hmu ding;
Kum reipi a nungdam dingih
Amah sungin ka tumtahmi cu a kim ding.
11 Harsatnak a tuar hnuah
lungawinak a tong ding;
A tuarnak cu a lak a si lo ti a thei ding.
Amah cu a dingmi keimah riantu a si ih
ka lung a awi.
Mi tampi ih ai ah cawhkuannak a tuar dingih
anmah tla cu an sual ka ngaithiam ding.
12 Curuangah amah cu
upatnak hmun ka pe ding,
Milian le micak pawl lakah ka ret ding.
Lungkim zet in a nunnak cu a pekih,
miòha lo pawl lakah siar cih a si zo.
Misual pawl ih sualman a tuarih,
an sual ngaidamnak a dil a si,” tiah a ti.Ref 53.12 Mar 15:28; Luk 22:37;