50
1 Bawipa in,
“Mipa pakhat in a nupi a maak vekin
Ka minung pawl hi
ka maak ah maw nan ruat?
Cuti asile nupi maaknak letmah khuiahso a si?
Mi pakhat in a faate pawl
sal ih a zuar vekin ral kaihnak ah ka
lo zuar hai ah maw nan ruat?
A si lo, nanmah ih sualnak ruangah
ralkaih mi nan si;
Thilsual nan tuah ruangah
2 “Ziangahso ka minung pawl
run dingih ka feh tikah
Zo talih biak hman ka ton lo?
Ziangahso ka kawh hai tikah
zohmanin in sawn lo?
Anmah hum dingah ka òawnòai tuk
lawmmam maw si?
Ka thupeknak thawngin tifinriat cu a kang òheh,
Tiva pawl cu nelrawn ah an cangòheh,
Tidai umlo ruangah
tiva sung nga cu an thi òheh.
3 Van tla ka thimter thei,
Mithi ngai bangin a mithmai
a uih òheh a si,” a ti.
Bawipa Riantu Ih Thungainak
4 Cungnungbik Bawipa in
simthiamnak lei i pek,
Thabaang mi pawl thacaktertu dingah.
Zingtinte ka beng i varter,
I zirh dingmi thei theitu dingah.
5 Bawipa in theihthiamnak
thinlung i pek,
Amah cu ka dodal lo ih,
Ka dungtun fawn lo a si.
6 I vuaktu pawl hrangah ka zaang cu ka tun;
I hmuhsuamtu pawl cu ka kham lo;
Ka khahmul an bot ih ka hmaiih
cil in phui khalle ka dawn lo a si.Ref 50.6 Mat 26:67; Mar 14:65;
7 In hmuhsuamnak cu ka hrangah a na lo,
Ziangahtile Bawipa Pathian in
i bawm a si.
In tisiatnak tuar thei dingah pacan ka cuh.
Mualpho in ka um lo ding ti ka thei,
8 Ziangahtile Pathian cu ka kiangah a um ih,
Thiam i coter ko ding.
Sual i puh ngamtu zoso a um?
Thuòhennak hmunah kan feh hnik pei!
Sual cu i puh hnik hmeen seh!
9 Bawipa amah cu i òantu a si;
Zoso mimawh na si, i ti ngam ding?
Sual i puhtu pawl hmuahhmuah cu
an hloral òheh ding;
A mawr ih a rop mi hnipuan bangin
10 Bawipa a òihzah ih,
A siahhlawh òongkam a ngaitu pawl,
Nan fehnak lamzin cu thimnak in
khat hmansehla,
Bawipa cu rinsan uhla,
nan Pathian cu hngauhsan uh.
11 Midang siatsuah dingih miphiartu pawl,
Nan miphiarnak in
nanmah a lo siatsuah ding!
Bawipa amah in
cutin a cangter dingih
awloksongnak nan tuar ding.